2 Samuel 24:2 - ŊMALƐ KRƆŊKRƆŊ LƐ

² Kɛkɛ ni David kɛɛ Yoab ni ji etatsɛnukpa lɛ akɛ, “Okɛ tabilɔi anɔ asafoiatsɛmɛi ni yɔɔ oshishi lɛ ayakpa Israelbii akutsei lɛ fɛɛ amli, kɛjɛ Dan aahu kɛyashi Beersheba, koni nyɛkane maŋbii lɛ nyɛhã mi koni male amɛyikulɛ.”

Ṅmãle̱ Kroṅkroṅ Le̱

² Ni maṅtše̱ le̱ kē̱ Ioab, etatše̱ le̱ ni fata ehe le̱, ake̱: Yakpe Israel akutšei le̱ fẽ mli agbe̱ne̱, ke̱-dše̱ Dan āhũ ke̱-yaši Beeršeba, ni nyekana maṅ le̱, koni male maṅ le̱ yikule̱.

2 Samuel 24:2 ပူးပေါင်းရင်းမြစ်များ

1 Mose 21:14

Abraham te shi leebi maŋkpa. Ekɔ aboloo ni ewo nu kɛ tɔ ekɛtswa Hagar kɔŋ. Ekɛ gbekɛ lɛ hu hã Hagar, kɛkɛ ni ewo lɛ gbɛ. Hagar yi mli ni eyatsomlo yɛ Beersheba ŋa lɛ nɔ.

2 Samuel 17:11

No hewɔ lɛ, ŋaa ni miwoɔ ji akɛ obua Israel maŋ muu lɛ fɛɛ naa, kɛjɛ Dan aahu kɛyashwie Beersheba, amɛyi baafa tamɔ ŋshɔnaa shia. Bo diɛŋtsɛ hu oya ta lɛ eko.

2 Samuel 2:13

Yoab, Zeruia bi lɛ, hu kɛ David tsuji lɛ fã, ni amɛkɛ Ishboshet tsuji lɛ yakpe yɛ Gibeon kpaakpo lɛ naa. Mɛnɛɛmɛi bua kpaakpo lɛ he afã kome nɛɛ, ni Mɛnɛɛmɛi hu bua kpaakpo lɛ he afã kome nɛɛ hu.

2 Samuel 20:23

Agbɛnɛ Yoab ji Israel fɛɛ tatsɛnukpa, ni Benaia, Yehoiada bi lɛ, ji Keretifoi kɛ Peletifoi ni ji maŋtsɛ hebulɔi lɛ atsɛ.

2 Samuel 23:37

Zelek ni jɛ Amon lɛ, kɛ Naharai ni jɛ Beerot lɛ, mɔ ni hiɛɔ Zeruia bi Yoab tawuunii lɛ, kɛ

2 Samuel 24:15

No hewɔ lɛ, Yehowa hã gbele hela babote Israelbii ateŋ kɛjɛ gbi lɛ leebi lɛ kɛyashi be ni ato lɛ. Kɛjɛ Dan aahu kɛyashwie Beersheba lɛ hela nɛɛ gbe mɛi akpei nyɔŋmai kpawo.

2 Samuel 3:10

akɛ ebaahe maŋtsɛyeli lɛ yɛ Saul we lɛ dɛŋ, ni ebaahã David maŋtsɛyeli lɛ ahe shi akɛ Israel kɛ Yuda fɛɛ maŋtsɛ kɛjɛ Dan aahu kɛyashwie Beersheba.”

2 Samuel 8:16

Yoab, ni atsɛɔ enyɛ akɛ Zeruia lɛ, ji David tatsɛnukpa fe fɛɛ; ni Yehoshafat, Ahilud bi lɛ, ji maŋtsɛ woloŋmalɔ;

1 Kronika 21:2

Kɛkɛ ni David kɛɛ Yoab kɛ tabilɔinukpai lɛ akɛ, “Nyɛyaa nyɛyakanea Israel maŋ muu fɛɛ, kɛjɛa Beersheba kɛyashia Dan nyɛhãa mi ni nyɛbakɛa mi koni male maŋbii lɛ ayikulɛ.”

2 Kronika 32:31

Enɛ hewɔ lɛ, be ni Babilon lumɛi lɛ tsu bɔfoi Hezekia ŋɔɔ koni amɛbabi lɛ naakpɛɛ nii ni etsu yɛ shikpɔŋ lɛ nɔ lɛ he sane lɛ, Nyɔŋmɔ ŋmɛɛ Hezekia he ehã ehe nilee koni ekɛka Hezekia ekwɛ, kɛna nɔ ni yɔɔ etsuiŋ.

Abe̱i 29:23

Gbɔmɔ hewoo nɔŋŋ aaaba lɛ shi; shi mɔ ni baa ehe shi yɛ mumɔ mli lɛ, aaawo ehiɛ nyam.

Yeremia 17:5

Yehowa kɛɛ akɛ, “Alomɔ mɔ ni kɛ ehiɛ fɔ̃ɔ gbɔmɔ adesa nɔ, mɔ ni shiɔ Yehowa sɛɛ, ni ekɛ ehe kpasaa adesa hewalɛ.

2 Korintobii 12:7

Shi bɔ ni afee ni mikawo mihe nɔ tuutu ko yɛ kpojiemɔi lɛ adaramɔ ni amɛdara kɛtɛke nɔ lɛ hewɔ lɛ, ahã mi ŋmei ko yɛ miheloo mli, ni ji Satan bɔfo, koni egbala mi mai, ni mikawo mihe nɔ tuutu.

Kojolɔi 20:1

Kɛkɛ ni Israelbii lɛ fɛɛ, kɛjɛ Dan yɛ kooyigbɛ aahu kɛyashi Beersheba yɛ wuoyigbɛ kɛ Gilead shikpɔŋ lɛ yɛ bokãgbɛ fã kɛba. Amɛbabua amɛhe naa amɛfee asafo kpele kome yɛ Yehowa hiɛ yɛ Mizpa.