2 Samuel 24:17 - ŊMALƐ KRƆŊKRƆŊ LƐ

¹⁷ Be ni David na bɔfo lɛ ni tswiaa maŋbii lɛ anii lɛ, David kɛɛ Yehowa akɛ, “Naa, mi mifee esha lɛ; ni mi mitɔ̃ lɛ, shi gbɔmɛi ni tamɔ toi humii nɛɛ, amɛ lɛ amɛfeko nɔ ko. Ofainɛ, gbalamɔ mi kɛ mitsɛ we lɛ moŋ toi.”

Ṅmãle̱ Kroṅkroṅ Le̱

¹⁷ Ni beni David na bo̱fo le̱ ni tſiaä maṅ le̱ nii le̱, eke̱ Iehowa wie ni ekē̱: Na, mi mife eša le̱, ni mi mitõ le̱; ši ne̱ke̱ tōi ne̱, meni ame̱fe? Kpã onine mli owo mi ke̱ mitše̱ we le̱ moṅ! 4 Mose 16,22.

2 Samuel 24:17 ပူးပေါင်းရင်းမြစ်များ

1 Mose 18:23

Kɛkɛ ni Abraham tsi ebɛŋkɛ Yehowa ni ekɛɛ akɛ, “Ani oookpãtã jalɔ kɛ gbɔmɔ fɔŋ fɛɛ hiɛ shi kome lo?

1 Mose 44:33

No hewɔ lɛ, agbɛnɛ, ofainɛ, hã otsulɔ ahi biɛ akɛ minuŋtsɔ nyɔŋ yɛ gbekɛ lɛ najiaŋ koni ohã gbekɛ lɛ kɛ enyɛmimɛi lɛ aku sɛɛ aya.

2 Samuel 12:13

Kɛkɛ ni David kɛɛ Natan akɛ, “Mifee Yehowa shishi esha,” Natan to he ni ekɛɛ David akɛ, “Yehowa hu kɛ esha ni ofee lɛ efa bo, ni ogboŋ.

2 Samuel 24:10

Shi be ni David ekane maŋbii lɛ sɛɛ lɛ, ehenilee bɔi enaagbamɔ. Kɛkɛ ni ekɛɛ Yehowa akɛ, “Mifee esha kpele akɛ mifee nɛkɛ nɔ ko. Ofainɛ ni okɛfa mi, ejaakɛ miye kwashiai asane naakpa!”

2 Samuel 7:8

“No hewɔ lɛ, kɛɛmɔ mitsulɔ David akɛ, mi, Yehowa Taiatsɛ lɛ, miikɛɛ lɛ akɛ, ‘Too okpalaa, ni miŋɔ bo, ni mifee bo Israel nɔyelɔ,

1 Maŋtsɛmɛi 22:17

Mikaia to he akɛ, “Miina Israel tabilɔi lɛ ni amɛgbɛ amɛshwã gɔji lɛ anɔ tamɔ toi ni bɛ kpalalɔ. Kɛkɛ ni Yehowa kɛɛ akɛ, ‘Hii nɛɛ bɛ nuŋtsɔ; hã amɛteŋ mɔ fɛɛ mɔ aku esɛɛ eya shĩa yɛ toiŋjɔlɛ mli.’ ”

Hiob 42:6

No hewɔ lɛ, eedɔ mi, ni miishwa mihe yɛ sũ kɛ lamlu mli.”

Hiob 7:20

Bo adesai ahebulɔ, kɛji mifee esha lɛ, mɛni po mina mifee bo? Mɛɛba ni ojie ohiɛ oka mi? Mɛɛba mitsɔ̃ jatsu mihã mi diɛŋtsɛ nɔŋŋ mihe nɛɛ?

Lalai 32:5

Mijaje mihe esha lɛ mitsɔ̃ɔ bo, ni minifɔɔjianii lɛ mitsimɔ̃ɔɔ nɔ. Mikɛɛ akɛ, “Majaje mitɔmɔi lɛ matsɔ̃ɔ Yehowa.” Kɛkɛ ni okɛ mihe esha kɛ tɔ̃mɔ lɛ fa mi.

Lalai 44:11

Ofee wɔ tamɔ toi ni akɛ amɛ miiya gbeehe; ni ogbɛ wɔ oshwã majimaji lɛ amli.

Lalai 74:1

Oo, Naa Nyɔŋmɔ, mɛɛba oshɛrɛ wɔ oshwie kwraa nɛkɛ? Mɛɛba omlifu lɛ jɛleɔ woɔ olɛɛhe lɛ toi nɛɛ?

Lalai 78:71

Ekpala lɛ kɛjɛ toi yei ni hãa fufɔ lɛ asɛɛ, koni ebakpala emaŋ Israelbii, Israelbii ni ji egbɛfaŋnɔ lɛ.

2 Mose 10:16

Kɛkɛ ni Farao tsu oya mli, ni ayatsɛ Mose kɛ Aaron kɛba, ni ekɛɛ amɛ akɛ, “Mifee esha mishi Yehowa, nyɛ Nyɔŋmɔ lɛ, ni mifee nyɛ hu esha.

Yesaia 6:5

Kɛkɛ ni mikɛɛ akɛ, “Kpoo hã mi, shi milaaje! Ejaakɛ gbɔmɔ ni naabu he tseee ji mi; ni miyɛ maŋ ni emli bii awiemɔi ahe tseee ateŋ, ejaakɛ mihiŋmɛii ena maŋtsɛ ni ji Yehowa, Taiatsɛ lɛ!”

Yona 1:12

Yona hã hetoo akɛ, “Nyɛwoa mi, ni nyɛshɛa mi nyɛfɔa ŋshɔ lɛ mli, ni ŋshɔ lɛ baaŋmɛ ahã nyɛ, ejaakɛ mile akɛ mi mihewɔ ni nɛkɛ ahum kpeteŋkple nɛɛ tswaa nyɛ nɛɛ.”

Zakaria 13:7

Yehowa Taiatsɛ lɛ kɛɛ ekoŋŋ akɛ, “Bo klante, wo ohe nɔ owo mitookwɛlɔ lɛ, mɔ ni ji misɛɛ mɔ lɛ, koni toi lɛ agbɛ ashwã. Mawo minine nɔ yɛ too bibiibii tete anɔ ni maplenee amɛ.

4 Mose 16:22

Shi Mose kɛ Aaron kɛ amɛhiɛ bumɔ shi, ni amɛsɔle amɛkɛɛ akɛ, “Ao, Nyɔŋmɔ, heloo fɛɛ awala jɛɛhe! Aso mɔ kome aaafee esha, ni okɛ ehe nu aaaju maŋ muu lɛ fɛɛ he lo?”