2 Samuel 24:15 - ŊMALƐ KRƆŊKRƆŊ LƐ

¹⁵ No hewɔ lɛ, Yehowa hã gbele hela babote Israelbii ateŋ kɛjɛ gbi lɛ leebi lɛ kɛyashi be ni ato lɛ. Kɛjɛ Dan aahu kɛyashwie Beersheba lɛ hela nɛɛ gbe mɛi akpei nyɔŋmai kpawo.

Ṅmãle̱ Kroṅkroṅ Le̱

¹⁵ Ke̱ke̱ ni Iehowa hã gbēle-hela ba Israel no̱ ke̱-dše̱ lebi ke̱-yaši be ní ato le̱, ni maṅ le̱ ní dše̱ Dan ke̱-yaſie Beeršeba le̱ mli mei akpei-nyoṅmai-kpawo gboi.

2 Samuel 24:15 ပူးပေါင်းရင်းမြစ်များ

2 Samuel 24:2

Kɛkɛ ni David kɛɛ Yoab ni ji etatsɛnukpa lɛ akɛ, “Okɛ tabilɔi anɔ asafoiatsɛmɛi ni yɔɔ oshishi lɛ ayakpa Israelbii akutsei lɛ fɛɛ amli, kɛjɛ Dan aahu kɛyashi Beersheba, koni nyɛkane maŋbii lɛ nyɛhã mi koni male amɛyikulɛ.”

1 Kronika 21:14

No hewɔ lɛ, Yehowa hã gbele hela ba shikpɔŋ lɛ nɔ, ni Israelbii ateŋ mɛi akpei nyɔŋmai kpawo gboi.

1 Kronika 27:24

Yoab, ni enyɛ gbɛi ji Zeruia lɛ, bɔ̃i maŋbii kanemɔ lɛ, shi eyagbeee naa. Nyɔŋmɔ gbala Israel toi yɛ mɛi kanemɔ nɛɛ hewɔ; ni no hewɔ lɛ, naagbee gbɔmɛi ayikulɛ ni ana lɛ, eyajeee Maŋtsɛ David yinɔ saji anɔ wojiaŋ.

1 Kronika 27:4

Nyɔŋ ni ji enyɔ lɛ nɔ asafo ni sɔmɔ lɛ, Dodai, Ahohinyo lɛ, ji mɔ ni kwɛ amɛnɔ. Esafo nɛɛ yikulɛ ji tabilɔi akpei nyɔŋmai enyɔ kɛ ejwɛ.

Yesaia 37:36

Yehowa bɔfo ko tee Asiria tabilɔi lɛ ashitoohe lɛ mli, ni eyagbe mɛi akpei oha kɛ nyɔŋmai kpaanyɔ kɛ enumɔ. Be ni ate shi leebi maŋkpa lɛ, naa gbɔmɛi lɛ jwere shi ni amɛgboi.

Habakuk 3:2

“Ao Yehowa, minu nii ni otsu lɛ he, ni miishe gbeyei. Yehowa, tsu onitsumɔi wuji lɛ ekoŋŋ yɛ wɔyinɔ nɛɛ hu nɔ. Hã ale yɛ afii nɛɛ amli nɔŋŋ. Omlifu mli tete lɛ, hã omusuŋ atsɔ̃ bo!

4 Mose 25:9

Shi nakai be mli lɛ hela lɛ egbe mɛi akpei nyɔŋmai enyɔ kɛ ejwɛ momo.

Mateo 24:7

Shi maŋ aaate shi awo maŋ, ni maŋtsɛyeli aaate shi awo maŋtsɛyeli; ni hɔ̃ji kɛ shikpɔŋ hosomɔi aaaba hei srɔtoi.

Kpojiemɔ 6:8

Ni mikwɛ, ni naa, okpɔŋɔ lamlulamlu ni mɔ ni ta enɔ lɛ gbɛi ji Gbele, ni Gbohiiaje nyiɛ esɛɛ kpaakpa. Ni ahã amɛ hegbɛ yɛ shikpɔŋ lɛ mlijai ejwɛ mli ekome nɔ, akɛ amɛkɛ klante kɛ hɔ̃mɔ kɛ gbele hela kɛ shikpɔŋ lɛ nɔ kooloi awuyelɔi agbegbee amɛ.

1 Samuel 6:19

Yehowa gbe Bet-Shemeshbii lɛ ateŋ mɛi nyɔŋmai kpawo komɛi, ejaakɛ amɛkɛ amɛhiŋmɛii yakwɛ Kpãŋmɔ Adeka lɛ mli. Enɛ hã maŋtso muu lɛ fɛɛ ye awerɛho ejaakɛ Yehowa eplenee mɛi babaoo.