2 Samuel 24:13 - ŊMALƐ KRƆŊKRƆŊ LƐ

¹³ Gad yanina lɛ, ni ebɔ lɛ amaniɛ, asaŋ ni ebi lɛ akɛ, “Te amɛteŋ nɔ ni okɔɔ lɛ? Akɛ hɔmɔ aba oshikpɔŋ lɛ nɔ afii etɛ̃, aloo ohenyɛlɔi anyiɛ osɛɛ ni ojo amɛnaa foi nyɔji etɛ̃, aloo gbele hela abayi shikpɔŋ lɛ nɔ gbii etɛ̃? Susumɔ he okwɛ, koni ohã mi hetoo ni mikɛyahã mɔ ni tsu mi lɛ.”

Ṅmãle̱ Kroṅkroṅ Le̱

¹³ Ni Gad ba David ṅõ, ni ebagbale̱ ni ekē̱le̱ ake̱: Ani ōsumo̱ *ake̱ hõmo̱ aba oṅõ ye̱ ošikpoṅ le̱ no̱ afii kpawo lo? alo oodšo foi ye̱ ohenye̱lo̱i ahĩe nyõdši etẽ, ni ame̱nyie ose̱? alo gbēle-hela aba ošikpoṅ le̱ no̱ gbĩĩ etẽ? Agbe̱ne̱ susumo̱ he ni okwe̱ nõ hetō ní mĩke̱-yahã moni tšũmi le̱! *Ier. 21,10; 29,17. Ezek. 8,12.

2 Samuel 24:13 ပူးပေါင်းရင်းမြစ်များ

2 Samuel 21:1

David yinɔ lɛ hɔmɔ ni naa wa ko ba afii nɔtonɔto shii etɛ̃ sɔŋŋ. Enɛ hã David tee ni eyabi Yehowa nii. Yehowa kɛɛ David akɛ, “Enɛ fɛɛ jɛ Saul kɛ ewe lɛ yɛ Gibeonbii lɛ ni amɛgbe lɛ hewɔ.”

2 Maŋtsɛmɛi 8:1

Agbɛnɛ, Elisha ekɛɛ yoo lɛ ni etsiɛ̃ ebi lɛ hiɛ lɛ akɛ, “Tee shi, bo kɛ owe lɛ fɛɛ, ni oya koni oyato gbɔ yɛ he fɛɛ he ni ooona; ejaakɛ Yehowa baahã hɔmɔ aba shikpɔŋ lɛ nɔ afii kpawo.”

1 Kronika 21:12

Kɛji hɔmɔ afii etɛ̃ ni jio, loo akɛ ohenyɛlɔi baanyiɛ osɛɛ, ni obaajo amɛnaa foi nyɔji etɛ̃ ni jio, loo akɛ Yehowa baawo etsi nɔ gbii etɛ̃ yɛ Israel nɔ, ni ehã gbele hela aba shikpɔŋ lɛ nɔ gbii etɛ̃ koni Yehowa bɔfo lɛ akpãtã mɛi ahiɛ yɛ Israel shikpɔŋ tso muu lɛ fɛɛ nɔ ni jio. No hewɔ lɛ, feemɔ oyiŋ, ni ohã mi hetoo mikɛyahã mɔ ni tsu mi lɛ.”

Lalai 91:6

loo gbele hela ni nyiɛɔ duŋ mli, loo hela ni kpãtãa mɔ hiɛ shwane lɛ.

2 Mose 7:25

Ni be ni Yehowa ehã Nilo faa lɛ etsɔ̃ lá sɛɛ lɛ, gbii kpawo baho ni faa lɛ yɛ nakai nɔŋŋ.

Ezekiel 14:13

“Gbɔmɔ Adesa, kɛji shikpɔŋ ko nɔ bii fee esha shi mi, ni amɛyeee mi anɔkwa, ni mite shi miwo amɛ, ni mifo amɛniyeniinamɔ sɛɛ, ni mihã hɔmɔ ba nakai shikpɔŋ lɛ nɔ, ni mikpãtã gbɔmɛi kɛ kooloi fɛɛ ahiɛ yɛ nakai shikpɔŋ lɛ nɔ lɛ,

3 Mose 26:20

ni nyɛaagbo yaka deŋme ejaakɛ nyɛshikpɔŋ lɛ baŋ niyenii, ni enɔ tsei lɛ hu woŋ yibii.

3 Mose 26:25

Mahã ta abanina nyɛ koni atsɔ̃ no nɔ kɛgbala nyɛtoi, kɛtɔ mi kɛ nyɛ teŋ kpãŋmɔ lɛ mlikuu he owele. Kɛji nyɛbua nyɛhe naa yɛ nyɛmaji wuji amli, yɛ shweshweeshwefeemɔ hewɔ hu lɛ, mibahã gbele hela abote nyɛteŋ, ni nyɛhenyɛlɔi lɛ anine aaashɛ nyɛnɔ.

Luka 4:25

Shi miikɛɛ nyɛ anɔkwale akɛ okulafoi pii yɛ Israel yɛ Elia yinɔ, be mli ni aŋa ŋwɛi naa afii etɛ̃ kɛ nyɔji ekpaa sɔŋŋ ni hɔ̃mɔ kpele ba shikpɔŋ lɛ fɛɛ nɔ lɛ;

5 Mose 28:22

Yehowa aaahã oye wɔlɔmɔ fɔŋ kɛ atridii kɛ fuumɔ hela; ebaahã jeŋ adɔ waa, ni nu enɛŋ, ni kɔɔyɔɔ ni mli edɔ tamɔ la aaatswa, ni nibii aaaŋala. Nibii nɛɛ aaanyiɛ osɛɛ kɛyaashi beyinɔ ni ohiɛ aaakpãtã.

5 Mose 28:25

“Yehowa aaahã henyɛlɔi aye onɔ. Ooonyiɛ gbɛ kome nɔ kɛyatua amɛ; shi gbɛi kpawo nɔ oootsɔ̃ ojo foi kɛje amɛhiɛ. Osane lɛ baahã shikpɔŋ lɛ nɔ nɔyelihei fɛɛ atsui afã.

5 Mose 28:27

Yehowa aaahã asanei ni ye Ijiptbii lɛ eko kɛ fala kɛ abuasha kɛ kpla ni ehiii tsamɔ aye bo.

5 Mose 28:35

Yehowa aaahã asanei ni anaa jaraa ni ehiii tsamɔ atsɛ̃rɛ onakutsei anaa kɛ oshuɔji ahe; ebaatsɛ̃rɛ kɛjɛ oyiteŋ aahu kɛyashi onaneshi.

5 Mose 28:52

Amɛaasa oyi amɛwo omaji lɛ fɛɛ amli kɛyashi omaji lɛ ahe gbogboi grɔŋŋi ni awaje, ni okɛ ohiɛ efɔ̃ nɔ lɛ, amɛaakumɔ ogbogboi lɛ amɛshwie shi yɛ shikpɔŋ lɛ fɛɛ ni Yehowa, oNyɔŋmɔ lɛ, kɛhãa bo lɛ nɔ.

1 Samuel 25:17

No hewɔ lɛ, ofainɛ, ni osusu sane nɛɛ he, ni okwɛ bɔ ni obaafee, ejaakɛ ashwã wɔnuŋtsɔ kɛ ewe lɛ fɛɛ ayinɔ. Tamɔ bɔ ni ole lɛ, wɔnuŋtsɔ feɔ gbɔmɔ fɔŋ bɔ ni ehiii lɛ sane kɛɛmɔ.”