2 Samuel 24:10 - ŊMALƐ KRƆŊKRƆŊ LƐ

¹⁰ Shi be ni David ekane maŋbii lɛ sɛɛ lɛ, ehenilee bɔi enaagbamɔ. Kɛkɛ ni ekɛɛ Yehowa akɛ, “Mifee esha kpele akɛ mifee nɛkɛ nɔ ko. Ofainɛ ni okɛfa mi, ejaakɛ miye kwashiai asane naakpa!”

Ṅmãle̱ Kroṅkroṅ Le̱

¹⁰ Ši beni David ekane maṅ le̱ se̱ le̱, etšui fã. Ni David kē̱ Iehowa ake̱: Mife eša kple ake̱ mife ene̱; ši agbe̱ne̱ Iehowa, mīkpao fai, tši otšũlo̱ nõša ne̱ ohã se̱; edšake̱ miye kwašiai asane naakpa!

2 Samuel 24:10 ပူးပေါင်းရင်းမြစ်များ

2 Samuel 12:13

Kɛkɛ ni David kɛɛ Natan akɛ, “Mifee Yehowa shishi esha,” Natan to he ni ekɛɛ David akɛ, “Yehowa hu kɛ esha ni ofee lɛ efa bo, ni ogboŋ.

2 Samuel 24:17

Be ni David na bɔfo lɛ ni tswiaa maŋbii lɛ anii lɛ, David kɛɛ Yehowa akɛ, “Naa, mi mifee esha lɛ; ni mi mitɔ̃ lɛ, shi gbɔmɛi ni tamɔ toi humii nɛɛ, amɛ lɛ amɛfeko nɔ ko. Ofainɛ, gbalamɔ mi kɛ mitsɛ we lɛ moŋ toi.”

1 Maŋtsɛmɛi 8:35

“Kɛji omaŋ Israelbii fee esha, ni no hewɔ otsi nunɛmɔ naa, ni omaŋbii lɛ basɔle yɛ biɛ, ni amɛbo amɛtsɛ bo, ni amɛshwa amɛhe yɛ piŋmɔ ni opiŋ amɛ hewɔ lɛ,

1 Kronika 21:7

Nɔ ni afee lɛ eŋɔɔɔ Nyɔŋmɔ naa, ni no hewɔ lɛ, egbala Israel toi.

1 Kronika 21:8

Kɛkɛ ni David kɛɛ Nyɔŋmɔ akɛ, “Mitɔ̃ tɔ̃mɔ kpele kɛ nii nɛɛ ni mifee lɛ. No hewɔ lɛ, miikpa bo fai ni okɛ tɔ̃mɔ lɛ afa mi, ejaakɛ miye kwashiai asane naakpa.”

2 Kronika 16:9

Yehowa, ehiŋmɛi kã je lɛ fɛɛ he, ni ehãa mɛi fɛɛ ni yeɔ lɛ anɔkwa kɛ amɛtsui fɛɛ lɛ naa hewalɛ. Oye kwashiai asane pam, ni no hewɔ lɛ, kɛjɛ kɛyaa nɛɛ lɛ, taitai sɔŋŋ ahe obaakã.”

2 Kronika 32:26

Shi naagbee mli aahu lɛ Hezekia je ehe sɛɛ, ni lɛ kɛ Yerusalɛm fɛɛ ba amɛhe shi amɛhã Yehowa; ni no hewɔ lɛ, Yehowa gbalaaa amɛtoi yɛ Hezekia yinɔ.

Hiob 7:21

Mɛɛba okɛ mitɔ̃mɔi lɛ efaaa mi koni ofɔ minɔsha lɛ yɛ mihe? Ejaakɛ agbɛnɛ su mli makã ni obaatao mi, shi onaŋ mi yɛ he ko he ko.”

Lalai 32:5

Mijaje mihe esha lɛ mitsɔ̃ɔ bo, ni minifɔɔjianii lɛ mitsimɔ̃ɔɔ nɔ. Mikɛɛ akɛ, “Majaje mitɔmɔi lɛ matsɔ̃ɔ Yehowa.” Kɛkɛ ni okɛ mihe esha kɛ tɔ̃mɔ lɛ fa mi.

2 Mose 10:16

Kɛkɛ ni Farao tsu oya mli, ni ayatsɛ Mose kɛ Aaron kɛba, ni ekɛɛ amɛ akɛ, “Mifee esha mishi Yehowa, nyɛ Nyɔŋmɔ lɛ, ni mifee nyɛ hu esha.

Abe̱i 28:13

Mɔ ni tsimɔɔ etɔ̃mɔi anɔ lɛ, eshwereŋ; shi mɔ ni jajeɔ, ni efɔ̃ɔ efɔŋfeemɔ lɛ, anaa lɛ mɔbɔ.

Hosea 14:2

Nyɛkpalea kɛyaa Yehowa ŋɔɔ, nyɛyakpaa lɛ fai kɛ wiemɔi nɛɛ akɛ, “Kɛ efɔŋ ni wɔfee lɛ afa koni omɔ wɔfaikpamɔ nɛɛ mli, ni wɔɔkafo bo.

Yoel 2:12

“Shi amrɔ nɛɛ po Yehowa kɛɛ, nyɛshwaa nyɛhe anɔkwale mli, ni nyɛkpalea kɛbaa miŋɔɔ kɛ ŋmaahilɛ kɛ yaafo kɛ ŋkɔmɔyeli.”

4 Mose 12:11

Kɛkɛ ni Aaron kɛɛ Mose akɛ, “Minuŋtsɔ, ofainɛ, kaahã agbala wɔtoi yɛ kwashiaianii kɛ esha ni wɔfee nɛɛ hewɔ.

Marko 7:22

gbãlãfitemɔ, hiɛjoomɔ, yiŋsha, shishiumɔ, nyɛnyɛŋtswibɔɔ, hiŋmɛisha, oshekuyeli, hewoo, kwashiai asaneyeli.

Yohane 1:29

Enɔ jetsɛremɔ lɛ Yohane na Yesu miiba eŋɔɔ ni ekɛɛ, “Naa Nyɔŋmɔ Toobi lɛ ni woɔ je lɛ esha lɛ kɛyaa lɛ!

Yohane 8:9

Be ni amɛnu nɔ ni ekɛɛ lɛ, amɛbɔ̃i kpojee ekomekome, kɛjɛ klɛŋklɛŋ mɔ nɔ kɛyashi sɛɛkpee mɔ nɔ, ni bashwɛ Yesu kome kɛkɛ kɛ yoo lɛ ni edãmɔ te lɛ mli.

5 Mose 32:6

Aso Yehowa shidaa moŋ nɛ, kwashiai ni bɛ yitseiaŋ? Aso jeee lɛ ji nyɛtsɛ, mɔ ni bɔ nyɛ, mɔ ni fee nyɛ mɛi komɛi, ni ehã nyɛnane mɔ shi lɛ?

Tito 3:3

Ejaakɛ sa lɛ, wɔ hu wɔfee wɔhe kwashiai, toigbolɔi, gbɛdulɔi, mɛi ni sɔmɔɔ akɔnɔi kɛ miishɛɛ nibii srɔtoi pii. Ni wɔba wɔjeŋ yɛ nifɔɔjianifeemɔ kɛ hetsɛ̃ mli, wɔhe yɛ taŋ, ni wɔnyɛnyɛɔ wɔhe.

1 Yohane 1:9

Kɛji wɔjaje wɔhe eshai lɛ wɔtsɔ̃ɔ Nyɔŋmɔ lɛ, anɔkwafo kɛ jalɔ ji lɛ, ni ekɛ wɔhe eshai lɛ aaafa wɔ ni eeetsumɔ wɔhe kɛjɛ nii ni ejaaa gbɛ fɛɛ mli.

1 Samuel 13:13

Samuel to he ehã Saul akɛ, “Oye gbekɛbii asane pam. Oyeko kitã ni Yehowa, oNyɔŋmɔ, lɛ wo bo lɛ nɔ. Kulɛ kpaako Yehowa baawaje omaŋtsɛyeli yɛ Israel nɔ ema shi shiŋŋ kɛya naanɔ.

1 Samuel 24:5

Shi fee sɛɛ lɛ David henilee bɔi lɛ haomɔ yɛ Saul atade lɛ naabu ni eyafo lɛ hewɔ.

1 Samuel 24:6

Enɛ hã David kɛɛ ewebii lɛ akɛ, “Yehowa akahã enɛ miigbale mi fɔ̃ŋfɔ akɛ mawo minine nɔ yɛ minuŋtsɔ, mɔ ni Yehowa efɔ lɛ mu lɛ, nɔ. Esaaa akɛ minine saa ehe ejaakɛ gbɔmɔ ni Yehowa diɛŋtsɛ ewo lɛ maŋtsɛ ni.”

1 Samuel 26:21

Kɛkɛ ni Saul here nɔ ekɛɛ akɛ, “Mifee efɔŋ! Mibi David, kpalemɔ ni oba. Mifeŋ bo efɔŋ ko dɔŋŋ, ejaakɛ otsɔ̃ɔ mi ŋmɛnɛ gbi nɛɛ akɛ miwala jara wa hã bo. Miye kwashiai asane lɛɛlɛŋ, ni mitɔ̃ fe nine.”