2 Samuel 23:8 - ŊMALƐ KRƆŊKRƆŊ LƐ

⁸ David tabilɔi kakabãi lɛ agbɛii nɛ: Klɛŋklɛŋ mɔ lɛ ji Yosheb-bashebet, Takemonnyo lɛ, mɔ ni ji “kakabãi etɛ̃” lɛ ateŋ onukpa fe fɛɛ lɛ. Ewo ekpɔlɔ nɔ lɛ ekɛgbe mɛi ohai kpaanyɔ yɛ ta kome mli.

Ṅmãle̱ Kroṅkroṅ Le̱

⁸ Kākãlo̱i ni David yo̱ le̱ agbe̱i ne̱: Iošeb-Bašebet, Takemonnyo le̱, moni dši onukpa ye̱ mei etẽ le̱ ateṅ le̱, ewó ekplo̱ no̱ šikōme le̱, egbe mei ohai-kpānyo̱.

2 Samuel 23:8 ပူးပေါင်းရင်းမြစ်များ

2 Samuel 10:7

Be ni David nu lɛ, ewo Yoab kɛ hii kãkãlɔi lɛ ata lɛ fɛɛ gbɛ kɛtee koni amɛkɛ Amonbii lɛ ayawu.

1 Maŋtsɛmɛi 1:8

Shi Osɔfo Zadok kɛ Yehoida bi Benaia kɛ gbalɔ Natan kɛ Shimei kɛ Rei kɛ hii kakabãi ni buɔ Maŋtsɛ David he lɛ bɛ Adonia sɛɛ.

1 Kronika 11:10

Hii kakabãi ni Maŋtsɛ David yɔɔ lɛ ateiaŋ onukpai, mɛi ni fi esɛɛ kpɛŋŋ yɛ emaŋtsɛyeli lɛ mli, ni asaŋ Israel fɛɛ hu fata amɛhe ni awo David maŋtsɛ tamɔ bɔ ni Yehowa ewo shi eto yɛ Israel he lɛ agbɛii kɛ amɛhe saji baa nɛɛ.

1 Kronika 27:1

Agbɛnɛ naa Israelbii lɛ atsɛmɛi awei lɛ amli onukpai kɛ tabilɔi akpe kui atatsɛmɛi kɛ tabilɔi oha kui atatsɛmɛi kɛ amɛshishi lumɛi ni sɔmɔ Maŋtsɛ David kɛkura Israel lɛ. Nyɔŋ fɛɛ nyɔŋ nɔ yɛ afi lɛ mli lɛ, ayɛ tabilɔi akpei nyɔŋmai enyɔ kɛ ejwɛ ni ato ni amɛ amɛsɔmɔɔ yɛ tatsɛnukpa kome krɛdɛɛ ko shishi kɛkura Israel saji.

1 Kronika 27:2

Bɔ ni ato gbɛjianɔ lɛ kɛjara nyɔji lɛ ahã tatsɛmɛinukpai lɛ nɛ: Klɛŋklɛŋ nyɔŋ lɛ nɔ asafo ni sɔmɔ lɛ, Yashobeam, Zabdiel bi lɛ, ji mɔ ni kwɛ amɛnɔ. Esafo nɛɛ yikulɛ ji tabilɔi akpei nyɔŋmai enyɔ kɛ ejwɛ.

1 Kronika 27:32

Yonatan, Maŋtsɛ David tsɛkwɛ lɛ, ji maŋtsɛ lɛ ŋaawolɔ. Eji ehe nuu ni yɔɔ jwɛŋmɔ, ni ele woloŋ hu. Lɛ kɛ Yehiel, Hekemoni bi lɛ, ji mɛi ni tsɔ̃ɔ maŋtsɛ lɛ bii nii.

Kojolɔi 15:15

Kɛkɛ ni ena teji kadaa ŋmɔŋ ko. Ekpã enine mli ekɔ, ni ekɛgbe hii akpe.