2 Samuel 23:7 - ŊMALƐ KRƆŊKRƆŊ LƐ

⁷ mɔ ni aaata amɛhe lɛ, ja ehiɛ dade kɛ akplɔ; ni akɛ la shãa amɛ wɛɛ.

Ṅmãle̱ Kroṅkroṅ Le̱

⁷ ni moni aata ame̱he le̱, dša ehĩe dade ke̱ akplo̱tšo, ni ake̱ la aašãame̱ kwrā ye̱ heni ame̱yo̱ le̱ noṅṅ.

2 Samuel 23:7 ပူးပေါင်းရင်းမြစ်များ

Lalai 21:10

Oookpãtã amɛshwiei lɛ ahiɛ kɛje shikpɔŋ lɛ nɔ; oookpãtã amɛbii lɛ hu ahiɛ kɛje gbɔmɛi adesai ateŋ.

Yesaia 27:4

Mimli fuko. Eji ŋmeii kɛ kpitikpitii baawo mi naagba kulɛ, mate shi mawo amɛ, ni mibashã fɛɛ tswɛm.

Yesaia 33:12

Maŋbii lɛ baatsɔ̃ tamɔ kaaloo ni ashã; amɛaatsɔ̃ tamɔ ŋmei ni afolɔ ashwie shi ni awoɔ mli la ni ashãa.

Ezekiel 2:6

‘Ni bo, gbɔmɔ adesa, kaashe amɛ gbeyei, ni kaashe amɛwiemɔi lɛ hu gbeyei. Eyɛ mli akɛ oyɛ ŋmei kɛ kpitikpitii ateŋ, ni ota nyɔŋmɔŋkrakroi anɔ moŋ nɛ, shi kɛ̃lɛ, kaashe amɛdaaŋ wiemɔi gbeyei ni kaahã hiŋmɛi ni amɛkɛbaakwɛ bo lɛ miihao bo; ejaakɛ atuatselɔi amaŋ ni.

Mateo 13:30

Nyɛŋmɛa enyɔ lɛ fɛɛ gbɛ ni amɛdara kɛyashi ŋmaakpamɔbe lɛ, ni ŋmaakpamɔbe lɛ makɛɛ nikpalɔi lɛ akɛ, nyɛbuaa jwɛi lɛ anaa tsutsu, ni nyɛfimɔa amɛ keikei, koni ashã; shi ŋmaa lɛ nyɛbuaa naa nyɛyawoa miboŋo lɛ mli.’ ”

Mateo 13:42

ni amɛkɛ amɛaawo la flɔnɔɔ lɛ mli; jɛi yaafo kɛ nyanyɔji ashishikpemɔ aaahi.

Luka 19:14

Shi emaŋbii lɛ nyɛ lɛ, ni amɛtsu bɔfoi kɛnyiɛ esɛɛ ni amɛyakɛɛ akɛ, ‘Wɔsumɔɔɔ ni mɔ nɛ abaye wɔnɔ maŋtsɛ.’

Luka 19:27

“Shi nakai mihenyɛlɔi lɛ ni sumɔɔɔ akɛ miye amɛnɔ maŋtsɛ lɛ, nyɛkɛ amɛ abaa biɛ ni nyɛbagbea amɛ yɛ mihiɛ nɛɛ!”

Yohane 15:6

Kɛji mɔ ko ehiii mimli lɛ, ashɛɔ lɛ afɔ̃ɔ tamɔ tso nine, ni egbiɔ, ni abuaa naa awoɔ la mli, ni ashãa.

2 Tesalonikabii 1:8

Ekɛ lalilɛi aaatɔ owele yɛ mɛi ni leee Nyɔŋmɔ kɛ mɛi ni booo wɔNuŋtsɔ Yesu Kristo Sanekpakpa lɛ toi lɛ anɔ.

2 Tesalonikabii 2:8

Ni no dani aaajie mlakwalɔ lɛ kpo; Nuŋtsɔ Yesu kɛ edaaŋ mumɔ lɛ aaagbe lɛ ni ekɛ ebaa lɛ puemɔ lɛ aaakpãtã ehiɛ.

Hebribii 6:8

Shi kɛ ŋmei kɛ aŋlɛŋlɛ ekwɛ̃ɔ lɛ, ehe bɛ sɛɛnamɔ, ni ebɛŋkɛ Nyɔŋmɔ loomɔ, ni enaagbee ji shãa.