2 Samuel 23:4 - ŊMALƐ KRƆŊKRƆŊ LƐ

⁴ etamɔ leebi hulu ni tsoɔ yɛ nunɛmɔ sɛɛ, be ni oblɔtu bɛ; etamɔ nu ni hãa jwɛifɔ kwɛɔ kɛjɛɔ shikpɔŋ.”

Ṅmãle̱ Kroṅkroṅ Le̱

⁴ eetamo̱ lebi la, beni hũlũ teo̱ ši le̱, lebi ni oblo̱tu be̱, beni dšeṅ etše ye̱ nune̱mo̱ se̱ le̱, ni dſe̱fo̱ kwẽo̱ ke̱-dše̱o̱ šikpoṅ le̱.

2 Samuel 23:4 ပူးပေါင်းရင်းမြစ်များ

Lalai 110:3

Gbi nɔ ni ooofã ta lɛ, omaŋbii lɛ aaaba oŋɔɔ yɛ amɛ diɛŋtsɛ amɛsuɔmɔ naa. Oblahii lɛ aaaba oŋɔɔ tamɔ leebi bɔ yɛ ogɔŋ krɔŋkrɔŋ lɛ nɔ.

Lalai 72:6

Maŋtsɛ atsɔ̃ tamɔ nu ni nɛɔ jwɛi ni ashwao nɔ; etsɔ̃ tamɔ futufuli ni shwãa shikpɔŋ gbiŋ nɔ.

Lalai 89:36

Eshwiei aaahi shi daa kɛaatee naanɔ, ni emaŋtsɛ sɛi lɛ aaahi shi gbii abɔ ni hulu teɔ shi ni enyɔɔ shi nɛɛ.

Abe̱i 4:18

Shi jalɔi agbɛ lɛ etamɔ leebi la ni kpɛɔ, ni eyaa nɔ ekpɛɔ aahu kɛyashiɔ shwane.

Yesaia 18:4

Ejaakɛ bɔ ni Yehowa kɛɛ nɛ, “Majɛ mishihilɛhe lɛ makwɛ kpoo tamɔ hulutsoo mli dɔlɛ, loo tamɔ atatu mli bɔ yɛ nikpamɔ be mli.

Yesaia 4:2

Nakai be lɛ Yehowa tso nine lɛ baafee fɛo, ni ebaashwere, ni shikpɔŋ lɛ nɔ nibaanii aaafee shwãanɔ kɛ nyam ahã Israelbii ni eje hiɛkpãtãmɔ lɛ mli lɛ.

Yesaia 60:1

Tee shi ni otso ejaakɛ ola lɛ eshɛ shi etã, ni Yehowa anunyam lɛ miikpɛ yɛ onɔ.

Yesaia 60:3

Ni maji aaatsi kɛbɛŋkɛ ola lɛ, ni maŋtsɛmɛi aaaba ola ni kpɛɔ yɛ onɔ lɛ he.

Hosea 6:3

Nyɛhãa wɔbɔa mɔdɛŋ wɔlea Yehowa. Bɔ ni ŋwanejee ko bɛ he akɛ daa gbi lɛ je tsɛreɔ lɛ, nakai nɔŋŋ ŋwanejee ko bɛ he akɛ Yehowa baajie ehe kpo etsɔ̃ɔ wɔ. Ebaaba wɔŋɔɔ tamɔ Agbiɛnaa nunɛmɔ tueɔ shwieɔ shikpɔŋ lɛ nɔ lɛ.”

Hosea 6:5

No hewɔ ni mitsɔ̃ gbalɔi lɛ anɔ migbala amɛtoi, ni mikɛ midaaŋ wiemɔi lɛ kã amɛ, ni kojomɔ ni mikojo amɛ lɛ tsɔ̃ tamɔ kane.

Mika 5:7

Israelbii ni aaashwɛ lɛ aaatamɔ ŋwɛi bɔ ni Yehowa hãa enyɔɔ maji pii anɔ lɛ. Mɛi ni aaashwɛ lɛ aaatamɔ futufuli ni shwãa jwɛfɔ nɔ. Amɛkɛ amɛhe aaafɔ̃ Yehowa nɔ, shi jeee gbɔmɔ adesa ko nɔ.

Maleaki 4:2

Shi nyɛ mɛi fɛɛ ni sheɔ mi gbeyei lɛ, mihewalɛ lɛ baate shi tamɔ jalɛ hulu ahã nyɛ, ni eeetsa nyɛ. Nyɛaaje kpo kɛ nyamɔ kɛ tuumɔ tamɔ tsinabii ni agbele amɛ.

Yohane 1:7

Eba odaseyeli, ni ebaye la lɛ he odase koni mɛi fɛɛ atsɔ̃ enɔ ahe aye.

5 Mose 32:2

Mitsɔ̃ɔmɔ aaashwie shi tamɔ nu ni miinɛ, ni eeenyɔ tamɔ bɔ, tamɔ futufuli ni miishwã jwɛfɔ nɔ, tamɔ nu kulibii yɛ bai anɔ.

Kojolɔi 5:31

Yehowa, bɔ nɔŋŋ ni ohenyɛlɔi fɛɛ ahiɛ aaakpãtã nɛ! Shi mɛi ni sumɔɔ bo lɛ aaatãmɔ hulu, be ni eteɔ shi yɛ ehewalɛ mli lɛ.” No sɛɛ lɛ, shikpɔŋ lɛ nɔ jɔ afii nyɔŋmai ejwɛ.