2 Samuel 23:34 - ŊMALƐ KRƆŊKRƆŊ LƐ

³⁴ Elifelet, Ahasbai ni jɛ Maaka lɛ bi lɛ, kɛ Elaim, Ahitofel ni jɛ Gilon lɛ bi lɛ;

Ṅmãle̱ Kroṅkroṅ Le̱

³⁴ Elifelet, Ahasbai bi le̱, ní dši Maakatnyo le̱ bi le̱; Eliam, *Ahitofel, Gilonnyo le̱, bi le̱; *15,12.

2 Samuel 23:34 ပူးပေါင်းရင်းမြစ်များ

2 Samuel 10:6

Amonbii lɛ na akɛ amɛyata David he. No hewɔ lɛ, amɛtsu kɛtee ni ayabɔ Siriabii tabilɔi ni nyiɛɔ nane akpei nyɔŋmai enyɔ apaa kɛjɛ Bet-Rehob kɛ Zoba. Amɛyabɔ Maaka maŋtsɛ lɛ kɛ etabilɔi akpe kɛ Tob tabilɔi hu akpei nyɔŋma kɛ enyɔ apaa.

2 Samuel 10:8

Amonbii lɛ je kpo, ni amɛbagba ta yɛ amɛmaŋ, Raba, agbo lɛ naa. Shi Siriabii lɛ ni jɛ Zoba kɛ Rehob lɛ kɛ Tob hii lɛ kɛ Maaka hii lɛ sɔŋŋ tse amɛhe, ni amɛgba amɛta lɛ yɛ ŋa lɛ nɔ.

2 Samuel 11:3

Kɛkɛ ni David tsu koni atao mɔ ni yoo lɛ ji. Abakɛɛ lɛ akɛ Eliam biyoo ni; atsɛɔ lɛ Batsheba, Uria, Hitnyo lɛ, ŋa ji lɛ.

2 Samuel 15:12

Be mli ni Absalom shãa afɔlei lɛ, etsu ayatsɛ Ahitofel, Gilonyo lɛ, Maŋtsɛ David ŋaawolɔ, yɛ emaŋ Gilo lɛ abahã lɛ. Kɛkɛ ni maŋtsɛ lɛ he yiŋ fɔŋ ni etoɔ lɛ mli bawa, ni Absalom sɛɛbii lɛ ayi bafa jogbaŋŋ.

2 Samuel 15:31

Ni mɔ ko bagba Maŋtsɛ David akɛ Ahitofel hu shi maŋjwalɔi lɛ anɔ. Kɛkɛ ni David sɔle ekpa Yehowa fai, ni ekɛɛ, “Oo, Yehowa, miikpa bo fai, hã ŋaa fɛɛ ŋaa ni Ahitofel baawo lɛ atsɔ̃ kwashiai aŋaa.”

2 Samuel 17:23

Be ni Ahitofel na akɛ ayeee ŋaa ni ewo lɛ nɔ lɛ, ewo eteji nɔ nii, kɛkɛ ni eshi kɛtee emaŋ; ni be ni eto enibii fɛɛ gbɛjianɔ lɛ, eyawo esɛ̃ kpãa, ni egbe ehe. Afu lɛ yɛ etsɛ gbonyo fuuhe lɛ mli.

2 Samuel 20:14

Sheba tsɔ̃ Israel akutsei lɛ ashikpɔji lɛ fɛɛ anɔ kɛho, ni be ni eyashɛ Abel Bet-Maaka lɛ, Bikribii lɛ bua amɛhe naa, ni amɛnyiɛ esɛɛ kɛbabote maŋ lɛ mli.

5 Mose 3:14

Manasenyo ko ni gbɛi ji Yair lɛ ŋɔ Argob, shikpɔŋ ni ji Bashan, fɛɛ kɛyashi Geshurbii kɛ Maakatbii ahusui lɛ anaa, ni ekɛ lɛ diɛŋtsɛ egbɛi wo Bashan akrowai lɛ, ni gbɛi Yair akrowai lɛ ka kɛbashi ŋmɛnɛ.)

1 Samuel 26:6

Kɛkɛ ni David bi Ahimelek, Hitnyo lɛ, kɛ Zeruia bi Abishai, Yoab nyɛminuu lɛ, akɛ, “Nyɛteŋ namɔ kɛ mi aaatee Saul shitoohe lɛ mli?” Abishai here nɔ ekɛɛ, “Mi kɛ bo aaatee!”