2 Samuel 23:10 - ŊMALƐ KRƆŊKRƆŊ LƐ

¹⁰ edamɔ shi akɛ nuu, ni ekpee ta lɛ naa, ni egbe Filistibii lɛ aahu kɛyashi ekɔ̃ji gboi yɛ ehe bɔ sɔŋŋ ni ehiii lɛ eklante lɛ nɔwomɔ dɔŋŋ. Yehowa ye kunim kpeteŋkple nakai gbi lɛ ehã Israelbii lɛ. Fee sɛɛ lɛ Israelbii lɛ ba he ni Eleazar wu ta lɛ yɛ lɛ, ni amɛbakpɔlɔ gbohii lɛ ahe nibii kɛtee.

Ṅmãle̱ Kroṅkroṅ Le̱

¹⁰ le̱ ete ši edamo̱ ši ni etſia Filistibii le̱ anii āhũ ke̱-yaši beyino̱ ni eto̱ enine ni enine kpe̱te̱ klante le̱ he; ni Iehowa tšu kũnimyeli nitšumo̱ kpeteṅkple nakai gbĩ le̱, ni maṅ le̱ kũ ame̱se̱ ame̱baha nii ke̱ke̱ ye̱ ese̱.

2 Samuel 23:10 ပူးပေါင်းရင်းမြစ်များ

2 Samuel 23:12

Shi Shama ho edamɔ shi yɛ ŋmɔ lɛ mli, ni egbe Filistibii lɛ ekɛfã ŋmɔ lɛ he. Ni Yehowa ye kunim kpele ehã Israelbii lɛ nakai gbi lɛ.

2 Maŋtsɛmɛi 5:1

Siria maŋtsɛ lɛ yɛ asafoiatsɛnukpa ko ni atsɛɔ lɛ Naaman; gbɔmɔ wulu ji lɛ, ni enuŋtsɔ maŋtsɛ lɛ buɔ lɛ ejaakɛ lɛ enɔ Yehowa tsɔ̃ ehã Siriabii lɛ ye kunim. Eyɛŋ akɛ eji asraafonyo kãkãlɔ kpanaa nɛ, shi eeye kpiti.

1 Kronika 11:13

Lɛ ekɛ Maŋtsɛ David wu Pas-Damim ta lɛ be ni Filistibii lɛ babua amɛhe naa yɛ jɛi koni amɛ kɛ Israelbii lɛ awu lɛ. Be ni akɛ ta lɛ shɛ shikpɔŋ kuku ko ni yɔɔ jɛi ni akoko eyi nɔ obɔ lɛ nɔ lɛ, Israelbii lɛ bɔ̃i foijee yɛ Filistibii lɛ ahiɛ.

Lalai 108:13

Nyɔŋmɔ yelikɛbuamɔ naa lɛ wɔɔye kunim, ejaakɛ Nyɔŋmɔ diɛŋtsɛ aaanaanaa wɔhenyɛlɔi lɛ anɔ kɛmɔ shi.

Lalai 144:10

Bo ohãa maŋtsɛmɛi yeɔ kunim, ni ohereɔ otsulɔ David yiwala.

Lalai 68:12

“Naa, tai lɛ anɔ maŋtsɛmɛi lɛ ejo foi, amɛjwa saŋ!” Yei ni ashi yɛ shĩaŋ lɛ, ja haanii lɛ;

Yesaia 53:12

No hewɔ lɛ, maha lɛ egbɛfaŋnɔ yɛ mɛi wuji ateŋ; ni ekɛ hewalɔi aaaja haanii, ejaakɛ eŋɔ ehe eha gbele, ni abu lɛ ashi mlanɔtɔlɔi anɔ, kɛ̃lɛ etere mɛi pii ahe eshai, ni edamɔ mli eha eshafeelɔi.”

Romabii 15:18

ejaakɛ mikaŋ akɛ mawie nɔ ko akɛ ja nɔ ni Kristo tsɔ̃ minɔ etsu ehã jeŋmaji lɛ atoiboo yɛ wiemɔ kɛ nifeemɔnii amli,

2 Korintobii 4:5

Ejaakɛ jeee wɔ diɛŋtsɛ wɔhe wɔshiɛɔ, shi moŋ Kristo Yesu akɛ Nuŋtsɔ, kɛ wɔ hu akɛ nyɛtsuji yɛ Yesu hewɔ;

Yoshua 10:10

Yehowa hã Amorbii lɛ jijaa yɛ Israelbii lɛ ahiɛ, ni Israelbii lɛ gbe amɛ babaoo diɛŋtsɛ yɛ Gibeon. Asaŋ amɛnyiɛ Amorbii lɛ asɛɛ kɛtsɔ̃ Bet Horon Gɔŋ lɛ nɔ, ni amɛgbe amɛ kɛyashi Azeka kɛ Makeda tɔ̃ɔ.

Yoshua 10:42

Ta shi kome ni Yoshua fã lɛ, ekɛye shikpɔji nɛɛ kɛ amɛmaŋtsɛmɛi lɛ fɛɛ anɔ kunim ejaakɛ Yehowa, Israel Nyɔŋmɔ lɛ, ji mɔ ni wu tai lɛ ehã Israelbii lɛ.

Yoshua 11:8

Yehowa jɔɔ henyɛlɔi lɛ anɔ ehã Israelbii lɛ, ni amɛye amɛnɔ kunim. Israelbii lɛ gbe amɛ, ni asaŋ amɛtiu amɛ kɛtee Sidon kɛ Misrefot Maim tɔ̃ɔ. Yɛ bokãgbɛ lɛ Israelbii lɛ tiu henyɛlɔi lɛ kɛyashɛ Mizpa Jɔɔ lɛ mli tɔ̃ɔ, ni amɛgbe amɛ kɛyashi eshwɛɛɛ gbɔmɔ hiɛkãalɔ kome nɛkɛ.

Kojolɔi 15:14

Be ni eshɛ Lehi lɛ, Filistibii lɛ bɔ oshe amɛkɛ lɛ bakpe. Kɛkɛ ni Yehowa Mumɔ lɛ bayi Samson nɔ kɛ hewalɛ kpele, ni taŋkpei lɛ ni yɔɔ eniji lɛ tsɔmɔ tamɔ odonti ni akɛ la esa he, ni taŋkpei lɛ tserɛ yɛ eniji.

Kojolɔi 15:18

Kɛkɛ ni kumai ye Samson waa naakpa. Ebo etsɛ Yehowa ekɛɛ, “Otsɔ̃ otsulɔ nine nɔ otsu yiwalaheremɔ nitsumɔ kpele nɛɛ; ni mɛɛba ni magbo kɛ kumai moŋ ni magbee foolɔi nɛɛ adɛŋ?”

1 Samuel 11:13

Shi Saul to he ekɛɛ, “Ashwieŋ la shi ŋmɛnɛ, ejaakɛ ŋmɛnɛ lɛ Yehowa ehere Israel yiwala.”

1 Samuel 14:23

No hewɔ lɛ, Yehowa here Israel nakai gbi lɛ. Atswa ta lɛ aahu kɛho Bet-aven maŋ lɛ he.

1 Samuel 14:6

Yonatan kɛɛ oblanyo ni hiɛ edama lɛ akɛ, “Wɔfo mli wɔtee wɔyahɛŋ foolɔi nɛɛ asraafoi lɛ; shi eko lɛ Yehowa aaaye abua wɔ ejaakɛ nɔ ko nɔ ko etsiii Yehowa naa akɛ ekɛ mɛi pii loo mɛi fioo aaahere yiwala.”

1 Samuel 17:53

Be ni Israelbii lɛ je Filistibii lɛ asɛɛ, ni amɛku amɛsɛɛ kɛba lɛ, amɛbaha Filistibii lɛ anibii yɛ amɛshitoohe lɛ mli.

1 Samuel 19:5

Edɔɔɔ ewala he, ni no hewɔ lɛ, etee ni ekɛ Goliat, Filistinyo lɛ, yakpe, ni egbe lɛ, ni Yehowa hã Israel fɛɛ ye kunim kpeteŋkple. Bo diɛŋtsɛ hu ona kunim ni eye lɛ, ni onya he. Mɛni hewɔ mɔ ni otaoɔ akɛ ofee mɔ ni efeko efɔŋ ko lɛ esha, ni ogbe David yakatswaa lɛ?”