2 Samuel 22:38 - ŊMALƐ KRƆŊKRƆŊ LƐ

³⁸ Mitiuɔ mihenyɛlɔi lɛ, ni mikpãtãa amɛhiɛ, ni mikpaleee kɛyashi mipleneɔ amɛ.

Ṅmãle̱ Kroṅkroṅ Le̱

³⁸ Mitiu mihenye̱lo̱i le̱ ni mikpãtã ame̱hĩe, ni mikpalee ke̱-yaši beyino̱ ní miplenẽame̱.

2 Samuel 22:38 ပူးပေါင်းရင်းမြစ်များ

2 Samuel 10:14

Be ni Amonbii lɛ na akɛ Siriabii lɛ ejo foi lɛ, amɛ hu amɛjo Abishai naa foi, ni amɛyabote maŋ lɛ mli. Kɛkɛ ni Yoab ku esɛɛ ni efɔ̃ɔ Amonbii lɛ kɛ ta lɛ wuumɔ, ni eba Yerusalɛm.

2 Samuel 22:39

Mitswiaa amɛ nii bɔ ni amɛnyɛɛɛ shi amɛte dɔŋŋ, ni amɛnyɔnyɔi yɛ minaji ashi.

2 Samuel 7:9

ni he fɛɛ he ni oyaa lɛ mifata ohe, ni miplenee ohenyɛlɔi fɛɛ yɛ ohiɛ, ni mihã ona gbɛi kpeteŋkple tamɔ gbɔmɛi wuji ni yɔɔ shikpɔŋ lɛ nɔ lɛ.

2 Mose 15:9

Henyɛlɔ lɛ kɛɛ, ‘Matiu amɛ mayamɔmɔ amɛ. Maja nomŋɔɔnii lɛ, mitsui aaanyɔ mimli. Magbala miklante ni makpãtã amɛhiɛ.’

Romabii 8:37

Shi kɛ̃lɛ enɛɛmɛi fiaa mli lɛ, wɔtsɔ̃ɔ mɔ ni sumɔ wɔ lɛ nɔ wɔyeɔ kunim tsɔ̃.