2 Samuel 21:12 - ŊMALƐ KRƆŊKRƆŊ LƐ

¹² etee ni eyaŋɔ Saul wui lɛ kɛ Yonatan hu wui lɛ yɛ Yabesh Gileadbii lɛ adɛŋ kɛba. Ejaakɛ gbi ni Filistibii lɛ gbe Saul yɛ Gilboa lɛ, amɛkɛ Saul kɛ Yonatan gbohii lɛ ba, ni amɛkɛbatsotsro shi yɛ Bet-Shan blohu lɛ mli; ni Yabesh-Gileadbii lɛ baju gbohii lɛ kɛtee.

Ṅmãle̱ Kroṅkroṅ Le̱

¹² Ke̱ke̱ ni David te ni eyaṅõ Saul wui ke̱ ebi Ionatan wui le̱ ye̱ Iabeš-Gileadbii le̱ adeṅ, edšake̱ gbĩ ni Filistibii le̱ gbe Saul ye̱ Gilboa le̱, ame̱ *ame̱yadšuame̱ ye̱ Bet-Šan blohũ le̱ṅ, heni Filistibii le̱ ke̱-batšotšŏro le̱. *1 Sam. 31,13.

2 Samuel 21:12 ပူးပေါင်းရင်းမြစ်များ

2 Samuel 1:21

“Nyɛ Gilboa gɔji, bɔ loo nu akanɛ nyɛnɔ, ni nyɛnɔ ŋmɔji aŋala. Ejaakɛ jɛi abule kãkãlɔi lɛ atsɛŋi lɛ yɛ, kɛ Saul tsɛŋ lɛ po, ejaakɛ afɔŋ he mu dɔŋŋ.

2 Samuel 1:6

Oblanyo lɛ hã David hetoo ni ekɛɛ, “Heniianaa ni miyaje Gilboa Gɔŋ lɛ nɔ, ni miyanina Saul ni ebu ekpɔlɔ lɛ nɔ, be mli ni henyɛlɔi lɛ ashwiilii lɛ kɛ okpɔŋɔnɔtalɔi lɛ miibɛŋkɛ lɛ waa lɛ.

2 Samuel 2:4

Fee sɛɛ lɛ Yuda hii lɛ ba Hebron amɛbafɔ David mu kɛwo lɛ Yuda maŋtsɛ. Be ni agba David akɛ Yabesh Gileadbii lɛ ji mɛi ni fu Saul gbonyo lɛ,

2 Samuel 21:11

Be ni David nu nɔ ni Rizpa efee lɛ,

2 Samuel 21:13

David yaŋɔ Saul kɛ ebi Yonatan wui lɛ kɛjɛ jɛi kɛba, ni ekɛbafata Saul shwiei amli hii kpawo lɛ ni asɛŋ lɛ awui lɛ ahe.

1 Kronika 10:1

Filistibii lɛ kɛ Israelbii lɛ wu, ni Filistibii lɛ anine tsɔ̃ Israelbii lɛ anɔ, ni amɛgbe Israelbii lɛ amɛshwie Gilboa Gɔŋ lɛ nɔ. Israelbii lɛ jo foi yɛ Filistibii lɛ ahiɛ;

1 Kronika 10:12

amɛteŋ hii kãkãlɔi lɛ tee ni amɛyawo Saul gbonyo lɛ kɛ ebihii lɛ hu agbohii lɛ kɛba Yabesh, ni amɛbafu amɛ yɛ tso ko shishi, ni amɛhi ŋmãa gbii kpawo.

1 Kronika 10:8

Enɔ jetsɛremɔ be ni Filistibii lɛ ba gbohii lɛ ahe nibii kpɔlɔmɔ lɛ, amɛna Saul kɛ ebihii etɛ̃ lɛ agbohii lɛ jwere Gilboa Gɔŋ lɛ nɔ.

Yoshua 17:11

Akɛ Isakarbii lɛ kɛ Asherbii lɛ ashikpɔji lɛ anɔ maji komɛi hã Manasebii lɛ. Maji nɛɛ ji Bet-Sham kɛ ehe akrowai lɛ kɛ Ibleam kɛ ehe akrowai lɛ kɛ Dorbii akrowai lɛ kɛ En-Dorbii kɛ amɛ akrowai lɛ kɛ Taanak kɛ ehe akrowai lɛ kɛ Megidobii kɛ amɛ akrowai lɛ (nɔ ni ji etɛ̃ lɛ ji Nafat).

1 Samuel 28:4

Filistibii atai lɛ bua amɛhe naa ni amɛfã ta kɛba Shunem ni amɛbato shi yɛ jɛi. Saul hu bua Israel tai lɛ anaa kɛkpe, ni amɛfã kɛba Gilboa amɛbato shi yɛ jɛi.

1 Samuel 31:1

Filistibii lɛ kɛ Israelbii lɛ wu ta, ni Filistibii lɛ anine tsɔ̃ Israelbii lɛ anɔ, ni amɛgbe Israelbii lɛ amɛshwie Gilboa Gɔŋ lɛ nɔ.

1 Samuel 31:3

Akɛ ta lɛ nina Saul kpaakpa. Henyɛlɔi lɛ ateŋ gãitsɛ̃lɔi lɛ na Saul, ni amɛtsɛ̃ lɛ gãi, ni apila lɛ ablaŋ.

1 Samuel 31:4

Kɛkɛ ni Saul kɛɛ oblanyo ni hiɛɔ etawuunii lɛ akɛ, “Gbalamɔ oklante lɛ, ni okɛdu mi bɔ ni afee ni foolɔi nɛɛ akaba amɛbagbe mi, ni amɛfee mi niseniianii.” Shi oblanyo lɛ emiii nakai feemɔ ejaakɛ gbeyei emɔ lɛ naakpa. Enɛ hewɔ lɛ, Saul gbala lɛ diɛŋtsɛ eklante lɛ, ni eho egbee nɔ.