2 Samuel 20:9 - ŊMALƐ KRƆŊKRƆŊ LƐ

⁹ Yoab ŋa Amasa akɛ, “Te oyɔɔ tɛŋŋ, anyɛmi nuu?” Kɛkɛ ni Yoab kɛ eninejurɔ mɔ Amasa tsɛŋ mli koni eshwɔ enaa.

Ṅmãle̱ Kroṅkroṅ Le̱

⁹ Ni Ioab kē̱ Amasa ake̱: *Minyemi, oye̱ dšogbāṅ lo? Ni Ioab ke̱ enine dšũrõ mõ Amasa tšẽṅ, koni eſo̱ enā. *Lal. 28,3.

2 Samuel 20:9 ပူးပေါင်းရင်းမြစ်များ

2 Samuel 15:5

Kɛ mɔ ni Absalom kɛwieɔ lɛ tsi bɛŋkɛ koni ekoto Absalom lɛ, Absalom kpãa enine mli, ni emɔɔ mɔ lɛ mli, ni eshwɔɔ enaa.

2 Samuel 17:25

Agbɛnɛ Absalom efee Amasa etatsɛ yɛ Yoab najiaŋ. Amasa nɛɛ Ishmaelnyo ko ni atsɛɔ lɛ Yeter lɛ kɛ Yoabnyo Zeruia nyɛmi yoo Nahash biyoo Abigail fɔ lɛ.

2 Samuel 18:29

Maŋtsɛ David bi akɛ, “Ani oblanyo Absalom lɛ yɛ jogbaŋŋ lo?” Ahimaaz jie naa akɛ, “Ofainɛ, be ni Yoab tsu mi otsulɔ lɛ, mi lɛ mina ni aafee gidigidi ko; shi moŋ minaaa male nɔ ni eba.”

2 Samuel 3:27

Be ni Abner ku esɛɛ ebashɛ Hebron lɛ, Yoab tsɛ lɛ kɛtee afãgbɛ yɛ maŋ koi lɛ shi akɛ ekɛ lɛ yaato ajina. Kɛkɛ ni Yoab du Abner musuŋ kakla ni enyɔ yɛ enajiaŋ, ni Yoab kɛtɔ enyɛminuu Asahel lá lɛ he owele.

1 Maŋtsɛmɛi 2:32

Yehowa ahã lɛ diɛŋtsɛ elá abua eyiteŋ, ejaakɛ ekɛ klante gbe mɛi enyɔ be ni mitsɛ David leee he nɔ ko. Gbɔmɛi nɛɛ ji gbɔmɛi ni ji jalɔi kɛ mɛi kpakpai fe lɛ. Amɛ ji Abner, Ner bi lɛ, Israel Tatsɛ lɛ, kɛ Yeter bi Amasa, Yuda tatsɛ lɛ.

Lalai 55:21

Enaa jɔ fe shwie, shi ebɔɔ yɛ etsui mli; ewiemɔ he jɔ fe mlɛ, shi kɛ̃lɛ klante ni naa ba ni.

Abe̱i 26:23

Naa dɔkɔbii wiemɔ ni jɛɛɛ tsuijurɔ mli lɛ, etamɔ ŋɛsuko ni akɛ jwiɛtɛi ekpa he.

Abe̱i 27:6

Naanyo anɔkwafo ejeee gbɛ epilaaa mɔ; shi henyɛlɔ mɔ atuuloomɔ lɛ, shishiumɔ ni.

Yeremia 41:2

Ishmael, Netania bi lɛ, kɛ hii nyɔŋma ni fata ehe lɛ te shi, ni amɛbamɔ Gedalia, Ahikam bi kɛ Shafan nabi lɛ, ni amɛgbe lɛ. Nɛkɛ be mli lɛ Gedalia ji mɔ ni Babilon maŋtsɛ lɛ ewo lɛ shikpɔŋ lɛ nɔ lumɔ.

Mika 7:2

Gbɔmɔ Nyɔŋmɔ gbeyeishelɔ ko bɛ shikpɔŋ lɛ nɔ dɔŋŋ; mɔ ko bɛ ni yeɔ Nyɔŋmɔ anɔkwa. Mɔ fɛɛ mɔ miitao akɛ ena hegbɛ ni eshwie lá shi. Mɔ fɛɛ mɔ miigbɔbi enaanyo.

Kojolɔi 3:15

Kɛkɛ ni Israelbii lɛ bolɔ tsɛ Yehowa, ni etee yiwalaherelɔ shi ehã amɛ. Lɛ ji Ehud, Gera Benyaminnyo lɛ bi lɛ, abɛkulɔ ni. Israelbii lɛ tsu lɛ ekɛ nikeenii tee yahã Moab maŋtsɛ Eglon.