2 Samuel 20:6 - ŊMALƐ KRƆŊKRƆŊ LƐ

⁶ No hewɔ lɛ, maŋtsɛ lɛ kɛɛ Abishai akɛ, “Etamɔ nɔ ni Bikri bi Sheba baagba wɔnaa fe Absalom tete. Ŋɔɔ mitabilɔi lɛ, ni nyɛtiua lɛ koni ekayana maji ni atswa gbogboi awo amɛhe lɛ amli eyabote ni etsɔ̃ jɛi eje wɔdɛŋ.”

Ṅmãle̱ Kroṅkroṅ Le̱

⁶ Ke̱ke̱ ni maṅtše̱ le̱ kē̱ Abišai ake̱: Kpako Šeba, Bikri bi le̱, bafewo̱ efõṅ fè Absalom nõ le̱ tete; bo le̱ ṅõ onuṅtšo̱ tšũdši le̱ ni otiule̱, koni ekayaṅõ mãdši ni atſa gbogboi awo he le̱ ni elādšewo̱.

2 Samuel 20:6 ပူးပေါင်းရင်းမြစ်များ

2 Samuel 10:14

Be ni Amonbii lɛ na akɛ Siriabii lɛ ejo foi lɛ, amɛ hu amɛjo Abishai naa foi, ni amɛyabote maŋ lɛ mli. Kɛkɛ ni Yoab ku esɛɛ ni efɔ̃ɔ Amonbii lɛ kɛ ta lɛ wuumɔ, ni eba Yerusalɛm.

2 Samuel 11:11

Uria jie naa akɛ, “Kpãŋmɔ Adeka lɛ kɛ Israel kɛ Yuda fɛɛ miiwɔ bui amli, ni minuŋtsɔ tatsɛ Yoab kɛ esafoiatsɛmɛi lɛ fɛɛ jwere ŋa nɔ. Te feɔ tɛŋŋ ni mi lɛ miyaa miwe ni miyayeɔ nii, ni minuɔ dãa, ni mi kɛ miŋa wɔɔ hu? Mina onane akɛ miwoŋ nɛkɛ nɔ ko feemɔ.”

2 Samuel 18:12

Shi nuu lɛ to he akɛ, “Kpaoo! Kɛji akane jwiɛtɛi kukuji akpe tete po awo midɛŋ lɛ, miwoŋ minine nɔ mitswaŋ maŋtsɛbi lɛ nɔ ejaakɛ wɔ fɛɛ wɔtoiŋ ni Maŋtsɛ David wo bo kɛ Abishai kɛ Itai fɛɛ akpɔ akɛ, ‘Mi mihewɔ lɛ nyɛkwɛa koni mɔ ko nine akata oblanyo, Absalom, lɛ he.’

2 Samuel 18:2

No sɛɛ lɛ, eja eta tso muu lɛ fɛɛ mli etɛ̃. Ekɛ mlijaa etɛ̃ nɛɛ mli ekome wo Yoab shishi, ni ekɛ ekome hu wo Abishai, Zeruia bi Yoab nyɛmi lɛ shishi, ni ekɛ ekome ni eshwɛ lɛ wo Itai, Gatnyo lɛ shishi. Kɛkɛ ni Maŋtsɛ David kɛɛ etabilɔi lɛ akɛ, “Mi diɛŋtsɛ hu mikɛ nyɛ miiya.”

2 Samuel 19:7

Wo ohe nɔ, agbɛnɛ, ni oje kpo, ni oyashɛje otabilɔi lɛ amii. Ejaakɛ kɛjeee nakai lɛ, mina Yehowa akɛ, wɔ be ni je aaatsɛre lɛ mɔ fɛɛ mɔ eshi bo. Ni kɛ eba lɛ nakai lɛ, amanehulu ni ekɛbaaba onɔ lɛ, onako ehenɔ pɛŋ kɛjɛ oblahiiaŋ kɛbashi amrɔ nɛɛ.”

2 Samuel 2:18

Zeruia bihii etɛ̃, Yoab kɛ Abishai kɛ Asahel, yɛ ta lɛ naa gbi lɛ. Ni Asahel, amɛteŋ mɔ ni joɔ foi tamɔ ŋa nɔ soŋai lɛ,

2 Samuel 21:17

Shi Abishai, ni ji Zeruia bi lɛ, bahere David. Ebatswa Filistinyo lɛ nɔ, ni egbe lɛ. Jɛi ni David tabilɔi lɛ hã David kã amɛ kitã akɛ efataŋ amɛhe kɛyaŋ ta dɔŋŋ. Amɛkɛɛ lɛ akɛ, “Okɛ wɔ akaya ta dɔŋŋ koni okabahã Israel hiɛnɔkãmɔ miitã.”

2 Samuel 23:18

Abishai, Yoab nyɛmi lɛ, ni ekɛ lɛ fɛɛ nyɛ ji Zeruia lɛ, ji hii kakabãi nyɔŋmai etɛ̃ lɛ fɛɛ anukpa. Ekɛ hii ohai etɛ̃ nɔ, ni ekɛ edɛŋ akplɔ gbe amɛ fɛɛ tswɛm. Enɛ hã ena gbɛi yɛ hii nyɔŋmai etɛ̃ lɛ ateŋ.

2 Samuel 3:30

Nɛkɛ gbɛ nɔ Yoab kɛ enyɛmi Abishai tsɔ ni amɛgbe Abner ejaakɛ egbe amɛnyɛminuu Asahel yɛ Gibeon ta lɛ mli.

2 Samuel 3:39

Afɔ mi mu awo mi Israel Maŋtsɛ moŋ nɛ, shi amrɔ nɛɛ nɛkɛ Zeruia bihii nɛɛ asane lɛ ebaje mi ablaŋ, ni ehiii mi nɔ ko feemɔ. Yehowa awo efɔŋfeelɔ lɛ nyɔmɔ yɛ enɔfɔŋ lɛ naa!”

1 Maŋtsɛmɛi 1:33

Ni David kɛɛ amɛ akɛ, “Nyɛŋɔa mitsuji lɛ nyɛfataa nyɛhe, ni nyɛkɛ mibi Solomon ataa mi diɛŋtsɛ mitejiokpɔŋɔ lɛ nɔ, ni nyɛkɛ lɛ ayaa Gihon faa lɛ naa.

1 Kronika 11:20

Abishai, Yoab nyɛmi lɛ, ji hii Kakabãi Nyɔŋmai Etɛ̃ lɛ fɛɛ anukpa. Ekɛ hii ohai etɛ̃ nɔ, ni ekɛ edɛŋ akplɔ gbe fɛɛ, ni ekɛna gbɛi yɛ hii Kakabãi Nyɔŋmai etɛ̃ lɛ ateŋ.

1 Kronika 18:12

Abishai ni atsɛɔ enyɛ Zeruia lɛ, gbe Edombii akpei nyɔŋma kɛ kpaanyɔ yɛ Ŋoo Jɔɔ lɛ mli.

Yeremia 8:14

Nyɔŋmɔ webii lɛ kɛɛ akɛ, “Mɛɛba mɔ wɔtara shi nɛkɛ lolo? Nyɛbuaa nyɛhe naa; nyɛhãa wɔbotea maji ni atswa gbogboi awo amɛhe lɛ amli koni wɔhiɛ ayakpãtã yɛ jɛi; ejaakɛ Yehowa, wɔNyɔŋmɔ lɛ, eŋmɛɛ wɔhe ehã hiɛkpãtãmɔ, ehã wɔ nu ni awo mli ebɔɔ koni wɔnu, ejaakɛ wɔtɔ̃ Yehowa nɔ.

Marko 3:24

Kɛji maŋtsɛyeli ko gba wo lɛ diɛŋtsɛ ehe lɛ, nakai maŋtsɛyeli lɛ nyɛŋ shi adamɔ.

1 Samuel 26:6

Kɛkɛ ni David bi Ahimelek, Hitnyo lɛ, kɛ Zeruia bi Abishai, Yoab nyɛminuu lɛ, akɛ, “Nyɛteŋ namɔ kɛ mi aaatee Saul shitoohe lɛ mli?” Abishai here nɔ ekɛɛ, “Mi kɛ bo aaatee!”