2 Samuel 20:19 - ŊMALƐ KRƆŊKRƆŊ LƐ

¹⁹ Ejaakɛ Israel maji ni sumɔɔ hejɔlɛ kɛ anɔkwayeli lɛ ateŋ eko ji Abel. Oba ootao okpãtã maŋ ni ji biianyɛ hã Israel lɛ hiɛ. Mɛɛba ni obaakpãtã Yehowa diɛŋtsɛ nii ahiɛ nɛɛ?”

Ṅmãle̱ Kroṅkroṅ Le̱

¹⁹ Midši hedšo̱le̱ ke̱ ano̱kwa mãdši ni yo̱ Israel le̱ ateṅ eko; bo le̱ ōtao okpãtã maṅ ke̱ bii anye hĩe ye̱ Israel: mẽba ooplenẽ Iehowa gbe̱fāṅnō le̱?

2 Samuel 20:19 ပူးပေါင်းရင်းမြစ်များ

1 Mose 18:23

Kɛkɛ ni Abraham tsi ebɛŋkɛ Yehowa ni ekɛɛ akɛ, “Ani oookpãtã jalɔ kɛ gbɔmɔ fɔŋ fɛɛ hiɛ shi kome lo?

2 Samuel 14:16

Ejaakɛ mile faŋŋ akɛ maŋtsɛ aaabo mi toi, ni eeejie mi yɛ nuu ni taoɔ akɛ ejie mi kɛ mibi lɛ fɛɛ yɛ shikpɔŋ ni Nyɔŋmɔ kɛhã ewebii lɛ nɔ lɛ dɛŋ.

2 Samuel 17:16

“No hewɔ lɛ, nyɛtsua koni aya mramra ni ayakɛɛ David akɛ ekawɔ faafoohei lɛ yɛ ŋa lɛ nɔ ŋmɛnɛ nyɔɔŋ nɛɛŋ kɔkɔɔkɔ, shi moŋ bɔ fɛɛ bɔ ni fee lɛ efo faa lɛ kɛya sɛɛ koni nine akabashɛ lɛ kɛ mɛi fɛɛ ni fata ehe lɛ anɔ ni agbe amɛ.”

2 Samuel 20:18

Kɛkɛ ni yoo lɛ kɛɛ akɛ, “Sa lɛ kɛji anaaa sane ko naa lɛ bɔ ni akɛɔ ji akɛ, ‘Aya Abel ni ayabi?’

2 Samuel 20:20

Yoab here yoo lɛ nɔ, ni ekɛɛ, “Kpaoo! Enɛ akagbale mi fɔ̃ŋfɔ̃ akɛ makpãtã nyɛmaŋ lɛ hiɛ?

2 Samuel 21:3

No hewɔ lɛ, David tsɛ Gibeonbii lɛ, ni ebi amɛ akɛ, “Mɛni mifee mihã nyɛ, ni mɛni mikɛkpãtã nyɛ bɔ ni afee ni nyɛjɔɔ Yehowa webii lɛ?”

1 Maŋtsɛmɛi 8:53

Ejaakɛ bo diɛŋtsɛ. Nuŋtsɔ Nyɔŋmɔ, oŋɔ amɛ ohã ohe, ni okɛ amɛ fee omaŋ yɛ majimaji lɛ fɛɛ ateŋ, taakɛ owo shi kɛtsɔ̃ Mose nɔ, be ni ojie wɔtsɛmɛi lɛ kɛjɛ Ijipt lɛ.”

Lalai 106:5

koni mana ohalamɔbii lɛ ashweremɔ, bɔ ni afee ni mi kɛ omaŋ lɛ mli afili lɛ, koni mi kɛ omaŋ lɛ fɛɛ anya kɛ yijiemɔ.

Lalai 124:3

ni amɛmli wo la wo wɔ lɛ, amɛaamimii wɔ hiɛkãalɔi;

Lalai 33:12

Ajɔɔ maŋ ni eNyɔŋmɔ ji Yehowa kɛ maŋ ni ehala akɛ lɛ diɛŋtsɛ enɔ lɛ.

Lalai 78:71

Ekpala lɛ kɛjɛ toi yei ni hãa fufɔ lɛ asɛɛ, koni ebakpala emaŋ Israelbii, Israelbii ni ji egbɛfaŋnɔ lɛ.

Yeremia 51:34

Babilon Maŋtsɛ Nebukadnezar eye mi, ni ekpãtã mihiɛ; ehã mitsɔ̃ tsɛnsi folo; ni emi mi tamɔ jeŋ miɔ nii; ewo emusu obɔ̃ kɛ minibii ni ŋɔɔŋɔɔ lɛ, ni eŋa mimli nu fɛɛ tswɛm.

Yeremia 51:44

Mibagbala Bel, Babilonbii awɔŋ lɛ toi, ni mahã egɔi nibii fɛɛ ni emimii. Majimaji anɔ bii eloŋ amɛhe kɛyaŋ eŋɔɔ dɔŋŋ. Babilon maŋ lɛ he gbogbo lɛ ekumɔ eshwie shi.

Yāfó 2:16

Ohenyɛlɔi fɛɛ ŋmɔɔ bo, ni amɛboɔ bo ‘tsiaa!’ Amɛkpeɔ amɛnyanyɔji ashishi, ni amɛbolɔɔ akɛ, “Wɔkpãtã ehiɛ pɛ! Yiɛ! Gbi lɛ ni wɔshwe aahu lɛ nɛ; eshɛ wɔdɛŋ, ni wɔna hu!”

Yāfó 2:2

Nuŋtsɔ lɛ ekpãtã Yuda shihilɛhei fɛɛ ahiɛ, ni enaaa mɔbɔ. Ekumɔ Yuda biyoo lɛ mɔji eshwie shi yɛ emlifu naa. Etsi emaŋtsɛyeli lɛ kɛ emli lumɛi etswia shi, ni ewo amɛ hiɛgbele.

Yāfó 2:5

Nuŋtsɔ lɛ etsɔ̃ tamɔ henyɛlɔ, ni ekpãtã Israel hiɛ. Efite emaŋtsɛ wei lɛ fɛɛ, ni ekpãtã emɔji ni wa lɛ ahiɛ; efee amɛ koikoi, ni ehã ŋkɔmɔyeli kɛ yaafo efa yɛ Yuda.

4 Mose 16:32

ni amɛ kɛ amɛbii kɛ hɔi kɛ Kora hu webii lɛ kɛ nibii fɛɛ ni amɛyɔɔ lɛ nyɔ bu lɛ mli, ni shikpɔŋ mi amɛ fɛɛ.

4 Mose 26:10

Shikpɔŋ gba ni emĩ amɛ kɛ Kora fɛɛ kɛ esɛɛbii lɛ hu, be ni la lɛ je ni eshã hii ohai enyɔ kɛ nyɔŋmai enumɔ koni akɛto okadi lɛ.

1 Korintobii 15:54

Shi be ni nɛkɛ fitemɔ nɔ nɛɛ ewo nɔ ni fiteee lɛ, ni nɛkɛ gbele nɔ nɛɛ ewo nɔ ni gbooo lɛ, no lɛ wiemɔ ni aŋma lɛ aaaba mli akɛ, “Ami gbele yɛ kunim mli.”

2 Korintobii 5:4

Ejaakɛ wɔ ni wɔyɔɔ buu lɛ mli lɛ hu, akɛni wɔhe jaraa wɔ hewɔ lɛ, wɔdɔ̃mɔɔŋtsɔi, ejaakɛ wɔsumɔɔɔ akɛ ajie wɔhenii, shi moŋ wɔsumɔɔ akɛ awo wɔ nii ashwie nɔ, koni wala lɛ ami nɔ ni gboɔ lɛ.

5 Mose 20:10

“Kɛji nyɛyanina maŋ ko ni nyɛbaatua maŋ lɛ, nyɛtsɔ̃a hiɛ koni nyɛbia maŋbii lɛ kɛji amɛmiisumɔ hejɔlɛ loo ta.

5 Mose 32:9

Yehowa ŋɔ Yakob akɛ gboshinii ni ena; ejaakɛ egbɛfaŋnɔ ji emaŋbii lɛ.

1 Timoteo 2:2

ahã maŋtsɛmɛi kɛ mɛi fɛɛ ni yeɔ onukpa lɛ, koni wɔhi shi kpoo yɛ hejɔlɛ mli, yɛ Nyɔŋmɔjamɔ kɛ jeŋba ni hiɛ sɔɔ fɛɛ mli.

Kojolɔi 5:7

Mɛi ahe sɛ̃ yɛ Israel maji lɛ amli. Amɛhe sɛ̃ kɛyashi beyinɔ ni bo Debora, ote shi akɛ Nyɛ Awo yɛ Israel.

1 Samuel 10:1

Kɛkɛ ni Samuel jie mu kɛ tɔ ko, ni efɔse mu lɛ eshwie Saul yiteŋ. Kɛkɛ ni eshwɔ Saul naa ni ekɛɛ lɛ akɛ, “Naa, Yehowa efɔ bo mu koni oye ewebii lɛ anɔ akɛ amɛlumɔ, koni ohere amɛ yɛ amɛhenyɛlɔi ni ebɔle amɛ lɛ adɛŋ. Ni okadi ni atoɔ bo yɛ he akɛ Yehowa efɔ bo mu koni oye emɛi lɛ anɔ lumɔ nɛ.

1 Samuel 26:19

Taflatsɛ, minuŋtsɔ maŋtsɛ abo nɔ ni etsulɔ yɔɔ kɛɛmɔ toi fioo. Kɛji Yehowa diɛŋtsɛ ni etee bo shi ewo mi lɛ, mibashã he afɔle kɛkpa he fai. Shi kɛji gbɔmɛi adesai abii ni ehã ote shi owo mi lɛ, no lɛ Yehowa aaawo amɛ he nyɔmɔ, ejaakɛ amɛshwie mi ŋmɛnɛ akɛ mikahi Yehowa shikpɔŋ lɛ nɔ, shi moŋ miya ni miyasɔmɔ jemawɔji.