2 Samuel 20:15 - ŊMALƐ KRƆŊKRƆŊ LƐ

¹⁵ Kɛkɛ ni Yoab shishi tabilɔi lɛ basa Sheba yi amɛwo Abel Bet-Maaka maŋ lɛ mli. Amɛkɛ su tswa kpoku ni ekwɔlɛ kɛ maŋ lɛ he gbogbo lɛ kwɔlɛ ye hegbɔ. Asaŋ amɛshimɔshimɔɔ gbogbo lɛ diɛŋtsɛ hu koni amɛwule lɛ amɛshwie shi.

Ṅmãle̱ Kroṅkroṅ Le̱

¹⁵ Ni ame̱ba ni ame̱basá eyi ame̱wo Abel-Bet-Maaka, ni ame̱tſa kpoku ame̱wo maṅ le̱ he, ni eše̱ mõ le̱ gbogbo ni wa le̱ he, ni maṅ mū le̱ fẽ ni fata Ioab he le̱ šimo̱šimō̱ gbogbo le̱ ni ame̱wulele̱ ame̱ſīe ši.

2 Samuel 20:15 ပူးပေါင်းရင်းမြစ်များ

2 Samuel 20:14

Sheba tsɔ̃ Israel akutsei lɛ ashikpɔji lɛ fɛɛ anɔ kɛho, ni be ni eyashɛ Abel Bet-Maaka lɛ, Bikribii lɛ bua amɛhe naa, ni amɛnyiɛ esɛɛ kɛbabote maŋ lɛ mli.

1 Maŋtsɛmɛi 15:20

Ben-Hadad kpɛlɛ̃ Maŋtsɛ Asa wiemɔ lɛ nɔ, ni etsu etatsɛmɛi kɛtee ni amɛyatua Israel maji lɛ. Tatsɛmɛi lɛ ŋɔ maji nɛɛ: Yion kɛ Dan kɛ Abel-Bet-Maaka kɛ shikpɔŋ ni bɛŋkɛ Galilea kpaakpo lɛ kɛ Naftali kpokpai anɔ shikpɔŋ lɛ fɛɛ.

2 Maŋtsɛmɛi 15:29

Israel Maŋtsɛ Peka yinɔ lɛ Tiglat-Pileser, Asiria maŋtsɛ lɛ, fã ta kɛba Israel. Ebaŋɔ Gilead kɛ Galilea shikpɔji lɛ kɛ amɛmli maji nɛɛ: Iyon, Abel-Bet-Maaka, Yanoa, Kedesh, Hazor. Eŋɔ Naftali shikpɔŋ muu lɛ fɛɛ hu. Kɛkɛ ni eŋɔ Israelbii fɛɛ ni yɔɔ shikpɔŋ nɛɛ nɔ lɛ nom kɛtee Asiria.

2 Maŋtsɛmɛi 19:32

“No hewɔ lɛ, bɔ ni Yehowa kɛɛ yɛ Asiria Maŋtsɛ lɛ he nɛ, ‘Ebaŋ maŋ nɛɛ mli, ni etsɛ̃ŋ gãi kuli kome gaŋŋ ewoŋ maŋ nɛɛ mli. Ni asraafoi ni hiɛ tsɛŋi bɛŋkɛŋ maŋ lɛ, ni amɛkɛ kotokui ni shia yɔɔ mli efeŋ tasu kɛsa maŋ lɛ yi.

Jajelɔ 9:14

Be ko lɛ maŋtsɛ wulu ko tee akɛ eyaatua maŋ bibioo kɛ emli bii fioo ko. Maŋtsɛ nɛɛ sa maŋ bibioo lɛ yi, ni etswa kawoo gbogboi ekɛbɔle maŋ lɛ.

Yesaia 37:33

“No hewɔ lɛ, nɔ ni Yehowa kɛɛ yɛ Asiria maŋtsɛ lɛ he nɛ, ‘Ebaŋ maŋ nɛɛ mli, ni etsɛ̃ŋ gãi kome nɛkɛ tete ewoŋ mli, ni ekɛ etsɛŋ ko baŋ jɛi, ni asaŋ etswaŋ kpoku ko ewoŋ he.

Yeremia 32:24

“Naa, kpokui ni maŋ lɛ yisalɔi lɛ tswaa amɛkɛsa maŋ lɛ yi lɛ, enina maŋ lɛ etã; ni abaaŋɔ maŋ lɛ. Klante kɛ hɔmɔ kɛ gbele hela baahã Babilonbii ni ebatua maŋ lɛ aye maŋ lɛ nɔ kunim. Owiemɔ lɛ eba mli, ni oona.

Yeremia 33:4

Nɔ ni mi, Yehowa, Israel Nyɔŋmɔ lɛ, mikɛɔ yɛ maŋ nɛɛ mli shĩai ni akumɔ bɔ ni afee ni ana nibii akɛtswa kpokui akɛfã maŋ lɛ he yɛ ta mli lɛ he nɛ:

Yeremia 6:6

Ejaakɛ bɔ ni Yehowa, Taiatsɛ lɛ, kɛɔ nɛ, “Nyɛtoa Yerusalɛm he tsei lɛ nyɛshwiea shi, koni nyɛkɛtswaa kpokui nyɛkɛsaa Yerusalɛm yi. Maŋ ni abaagbala etoi ni, ejaakɛ anaaa nɔ ko nɔ ko yɛ mli fe yiwalɛ saneyeli sɔŋŋ kɛkɛ.

Ezekiel 4:2

Tɛŋmɔ nibii nɛɛ kɛbɔle maŋ lɛ he kɛkpe: kawoo gbogbo kɛ mɔji kɛ kpoku kɛ tabilɔi ni baatua maŋ lɛ, kɛ gbogbokuumɔ nibii ni mamɔ he.

Luka 19:43

Shi gbii miiba, ni ohenyɛlɔi lɛ aaatsa bu awo ohe, ni amɛaabɔle bo kpula ni amɛaasa oyi yɛ he fɛɛ he,