2 Samuel 20:13 - ŊMALƐ KRƆŊKRƆŊ LƐ

¹³ Be ni ajie gbonyo lɛ kɛje gbejegbɛ lɛ nɔ lɛ sɛɛ lɛ, mɛi lɛ fɛɛ loo mli kɛnyiɛ Yoab sɛɛ kɛtiu Sheba, Bikri bi lɛ.

Ṅmãle̱ Kroṅkroṅ Le̱

¹³ Agbe̱ne̱ beni awóle̱ ke̱-dše̱ gbe̱dšegbe̱ le̱ no̱ le̱, mei le̱ fẽ ṅõ-ſie no̱ ke̱-nyie Ioab se̱ ke̱-yatiu Šeba, Bikri bi le̱.

2 Samuel 20:13 ပူးပေါင်းရင်းမြစ်များ

2 Samuel 20:1

Nuu yakagbɔmɔ ko baje Gilgal. Atsɛɔ lɛ Sheba, ni etsɛ gbɛi ji Bikri, Benyaminnyo lɛ. Sheba kpã tɛtɛrɛmantɛrɛ ni ebo ekɛɛ akɛ, “Israel eei! Wɔbɛ gbɛnaa ko yɛ David gbɛfaŋ. Wɔ kɛ Ishai bi lɛ ejaaa nɔ ko. No hewɔ lɛ, mɔ fɛɛ mɔ aya ewe.”

2 Samuel 20:11

Oblahii tabilɔi ni yɔɔ Yoab shishi lɛ ateŋ mɔ kome ko ho yadamɔ Amasa gbonyo lɛ masɛi, ni ebo ekɛɛ, “Mɔ fɛɛ mɔ ni yɔɔ Yoab kɛ David sɛɛ lɛ, eyi Yoab sɛɛ.”

2 Samuel 20:14

Sheba tsɔ̃ Israel akutsei lɛ ashikpɔji lɛ fɛɛ anɔ kɛho, ni be ni eyashɛ Abel Bet-Maaka lɛ, Bikribii lɛ bua amɛhe naa, ni amɛnyiɛ esɛɛ kɛbabote maŋ lɛ mli.

2 Maŋtsɛmɛi 18:17

Kɛkɛ ni Asiria maŋtsɛ lɛ tsu Tartan kɛ Rabsaris kɛ Rabshake kɛ ta babaoo kɛjɛ Lakish kɛtee Maŋtsɛ Hezekia ŋɔɔ, yɛ Yerusalɛm. Be ni amɛyashɛ jɛi lɛ, amɛyadamɔ ŋwɛigbɛ kpaakpo lɛ nujɔɔ lɛ masɛi, yɛ niiahefɔlɔi abɔɔ lɛ tɛmpɔŋ lɛ nɔ.

Abe̱i 16:17

Jalɔi agbɛ gbaa kɛjeɔ efɔŋ he; mɔ ni kwɛɔ ejeŋba jogbaŋŋ lɛ, ebaa ewala yi.

Yesaia 36:2

Asiria maŋtsɛ nɛɛ wo etsulɔnukpa kɛ tabilɔi babaoo gbɛ kɛjɛ Lakish kɛbanina Maŋtsɛ Hezekia yɛ Yerusalɛm. Tsulɔnukpa lɛ wa yɛ tɛmpɔŋ lɛ nɔ, he ni mamalolɔi lɛ yɔɔ lɛ, yɛ nujɔɔ ni yiteŋgbɛ kpaakpo lɛ mli nu lɛ nyiɛɔ mli lɛ masɛi.

Yesaia 62:10

Nyɛjea kpo, nyɛjea kpo nyɛtsɔa agboi lɛ amli; nyɛjea maŋ lɛ gbɛ lɛ nyɛtoa maŋbii lɛ. Nyɛsaa, nyɛsaa gbɛjegbɛ lɛ; nyɛkɔlɔa enɔ tɛi lɛ; nyɛshia aflaŋaa kɛtoa okadi nyɛhãa maŋbii lɛ.

Yesaia 7:3

Kɛkɛ ni Yehowa kɛɛ Yesaia akɛ, “Bo kɛ obi Shear-Yashub nyɛyaa. Nyɛ kɛ Maŋtsɛ Ahaz baakpe yɛ yiteŋgbɛ kpaakpo lɛ naa, yɛ niiahefɔlɔi abɔɔ lɛ tɛmpɔŋ lɛ nɔ.

Yeremia 31:21

Mãamɔ gbɛkadimɔ nii ohã ohe; too okadii ni aaatsɔ̃ɔ bo gbɛ. Jwɛŋmɔ gbɛ lɛ he jogbaŋŋ, gbɛ ni onyiɛ nɔ kɛtee lɛ. Ao! Oblayoo foro Israel! Kpalemɔ kɛba omaji nɛɛ amli.

4 Mose 20:19

Israelbii lɛ to he akɛ, “Tɛmpɔŋ lɛ nɔ kɛkɛ wɔbaanyiɛ tɛ̃ɛ. Kɛji wɔ kɛ wɔkooloi lɛ aaanu nyɛnu lɛ eko po lɛ, wɔbaawo nyɛ nyɔmɔ. Sane ko bɛ sɛɛ fe akɛ wɔmiitao wɔfo mli kpoo kɛkɛ.”

Marko 10:46

Ni amɛshɛ Yeriko. Ni be ni ekɛ ekaselɔi lɛ kɛ asafo yuu jɛ jɛi amɛyaa lɛ, Timeo bi Bartimeo, shwilafo nibalɔ lɛ, ta gbɛjegbɛ lɛ toi eebala nii.

Kojolɔi 21:19

No hewɔ lɛ, amɛkɛɛ: “Daa afi lɛ ayeɔ Yehowa gbijurɔ yɛ Shilo. Shilo kã Betel kooyigbɛ kɛ Lebona wuoyigbɛ yɛ gbɛjegbɛ ni kã kɛjɛ Betel kɛyaa Shekem lɛ bokãgbɛ.”

1 Samuel 6:12

Tsinai lɛ yi tɛmpɔŋ lɛ nɔ, ni amɛwo amɛyi amɛma Bet-Shemesh tɔ̃ɔ. Be ni amɛyaa nɛɛ fɛɛ lɛ belɛ tsinai lɛ miibolɔ. Amɛgbaaa ninejurɔ lɛ, amɛgbaaa abɛku hu. Filistibii alumɛi lɛ nyiɛ Kpãŋmɔ Adeka lɛ kɛ tsinai lɛ kɛ shwiili lɛ sɛɛ aahu kɛyashɛ Bet-Shemesh husu lɛ nɔ.