2 Samuel 20:10 - ŊMALƐ KRƆŊKRƆŊ LƐ

¹⁰ Amasa enaaa akɛ Yoab hiɛ klante yɛ edɛŋ; ni no hewɔ lɛ, Yoab kɛ klante lɛ du Amasa musuŋ ni Amasa musuŋnii tue shwie shi. Eduuu lɛ nɔ ni ji shii enyɔ, ni egbo. Kɛkɛ ni Yoab kɛ enyɛmi Abishai tsa amɛnyiɛmɔ lɛ nɔ kɛtiu Sheba, Bikri bi lɛ.

Ṅmãle̱ Kroṅkroṅ Le̱

¹⁰ Ni *Amasa eyakwe̱e̱ klante le̱ ni Ioab hĩe ye̱ edeṅ le̱; ke̱ke̱ ni eke̱dũ emũsũṅ, ni emlinii tue eſie ši, ni etoo no̱ ehããle̱ doṅṅ, ni egbo. Ni Ioab ke̱ enyemi Abišai ṅõ-ſie Šeba, Bikri bi le̱, se̱. *1 Maṅ. 2,6.

2 Samuel 20:10 ပူးပေါင်းရင်းမြစ်များ

1 Mose 4:8

Kɛkɛ ni Kain kɛɛ enyɛmi Habel akɛ, “Hã ni wɔya ŋa lɛ nɔ wɔba.” Be ni amɛyɔɔ ŋa lɛ nɔ lɛ, Kain te shi wo enyɛmi Habel ni egbe lɛ.

2 Samuel 2:23

Shi Asahel emiii akɛ ejeɔ Abner sɛɛ. No hewɔ lɛ, Abner kɛ ekpɔlɔ lɛ shishi gbu Asahel musu, ni akplɔ lɛ yafã kpo yɛ Asahel sɛɛ, kɛkɛ ni Asahel gbee shi, ni egbo yɛ enajiaŋ nɔŋŋ. Mɛi fɛɛ ni bashɛɔ he ni Asahel gbonyo lɛ kã lɛ waa damɔɔ shi.

2 Samuel 20:9

Yoab ŋa Amasa akɛ, “Te oyɔɔ tɛŋŋ, anyɛmi nuu?” Kɛkɛ ni Yoab kɛ eninejurɔ mɔ Amasa tsɛŋ mli koni eshwɔ enaa.

2 Samuel 3:27

Be ni Abner ku esɛɛ ebashɛ Hebron lɛ, Yoab tsɛ lɛ kɛtee afãgbɛ yɛ maŋ koi lɛ shi akɛ ekɛ lɛ yaato ajina. Kɛkɛ ni Yoab du Abner musuŋ kakla ni enyɔ yɛ enajiaŋ, ni Yoab kɛtɔ enyɛminuu Asahel lá lɛ he owele.

1 Kronika 12:2

Amɛhe esa bɔ ni amɛkɛ ninejurɔ kɛ abɛku fɛɛ tsɛ̃ɔ gãi, ni amɛkɛtswaa aklomia hu.

Yeremia 41:2

Ishmael, Netania bi lɛ, kɛ hii nyɔŋma ni fata ehe lɛ te shi, ni amɛbamɔ Gedalia, Ahikam bi kɛ Shafan nabi lɛ, ni amɛgbe lɛ. Nɛkɛ be mli lɛ Gedalia ji mɔ ni Babilon maŋtsɛ lɛ ewo lɛ shikpɔŋ lɛ nɔ lumɔ.

4 Mose 35:20

“Kɛji mɔ ko miinyɛ mɔ ko, ni no hewɔ lɛ, eyawo mɔ lɛ ka, ni etsu mɔ lɛ nɔ, aloo etsi lɛ egbee shi, ni mɔ lɛ tsɔ̃ mli egbo,

Kojolɔi 3:15

Kɛkɛ ni Israelbii lɛ bolɔ tsɛ Yehowa, ni etee yiwalaherelɔ shi ehã amɛ. Lɛ ji Ehud, Gera Benyaminnyo lɛ bi lɛ, abɛkulɔ ni. Israelbii lɛ tsu lɛ ekɛ nikeenii tee yahã Moab maŋtsɛ Eglon.

Kojolɔi 3:21

Ehud kpã enine abɛku lɛ mli, ni efã klante lɛ yɛ nanejurɔ shuɔ lɛ he, ni ekɛdu Eglon musuŋ.

1 Samuel 26:8

Kɛkɛ ni Abishai kɛɛ David akɛ, “Nyɔŋmɔ ejie ohenyɛlɔ lɛ ewo odɛ̃ŋ ŋmɛnɛ. No hewɔ lɛ, agbɛnɛ hã matsu lɛ akplɔ lɛ shi koome kɛmɔ shikpɔŋ nyɔŋlo, mihaŋ etia shii enyɔ.”