2 Samuel 2:26 - ŊMALƐ KRƆŊKRƆŊ LƐ

²⁶ Kɛkɛ ni Abner bo etsɛ Yoab, ni ekɛɛ lɛ akɛ, “Aso nɛkɛ sɔŋŋ wɔɔhã klante aye awui lo? Oleee akɛ kɛfee sɛɛ lɛ joomɔ kɛkɛ ji nɔ ni baaba lo? Mɛɛ be nɔŋŋ omɛɔ dani ofã owebii lɛ koni amɛfɔ̃ɔ amɛnyɛmimɛi lɛ asɛɛnyiɛmɔ?”

Ṅmãle̱ Kroṅkroṅ Le̱

²⁶ Ke̱ke̱ ni Abner bo tšē̱ Ioab ni ekē̱: Aso klante aaye awui ne̱ke̱ dā? Ani olee ake̱ ke̱ fe se̱ le̱ dšōmo̱ baba? Mẽ beyino̱ noṅṅ omēo̱, dāni okē̱ maṅ le̱ ni ame̱fõ ame̱nyemimei le̱ ase̱nyieme̱?

2 Samuel 2:26 ပူးပေါင်းရင်းမြစ်များ

2 Samuel 11:25

David kɛɛ bɔfo lɛ akɛ, “Yaakɛɛ Yoab akɛ ekahã sane nɛɛ mihao lɛ, ejaakɛ klante yɔɔ nɛɛ ekpaaa mɔ hiɛ ni ekpãtãa. Ehã maŋ lɛ nitswiamɔ lɛ mli awa moŋ koni eye nɔ. Yaawo lɛ hewalɛ.”

2 Samuel 2:14

Kɛkɛ ni Abner kɛɛ Yoab akɛ, “Agbɛnɛ hã oblahiabii lɛ aba amɛbaka amɛ kpɔiaŋ yɛ wɔhiɛ.” Yoab here lɛ nɔ ekɛɛ, “Ojogbaŋŋ, amɛmiiba.”

2 Samuel 2:16

Amɛteŋ mɔ fɛɛ mɔ mɔ ehenyɛlɔ yitso, ni edu ehenyɛlɔ lɛ ŋmawuiaŋ kakla, ni amɛ fɛɛ amɛyashwie shi, ni amɛnyɔnyɔi shi kome. No hewɔ lɛ, atsɛɔ Gibeon kpɔ nɛɛ mli he ni sane nɛɛ ba yɛ lɛ akɛ “Kakla Ŋa nɔ.”

2 Samuel 2:25

Kɛkɛ ni Benyaminbii lɛ bua amɛhe naa akɛ asafo ku, ni amɛbafata Abner he, ni amɛyadamɔ gɔŋ ko yiteŋ.

2 Samuel 2:27

Yoab hã Abner hetoo ekɛɛ, “Mina Nyɔŋmɔ akɛ kɛjeee wiemɔ ni owie nɛɛ hewɔ ni kulɛ ja wɔ leebi dani miwebii lɛ baafɔ̃ɔ amɛnyɛmimɛi lɛ asɛɛnyiɛmɔ.”

Hiob 18:2

“Mɛɛ beyinɔ nɔŋŋ ooogbe wiemɔ naa? Susumɔ he koni wɔwie.

Hiob 19:2

“Mɛɛ beyinɔ nyɛaagba minaa, ni nyɛkɛ wiemɔ aaasu mitsui kɛaayashi?

Lalai 4:2

Nyɛ gbɔmɛi adesai, mɛɛ beyinɔ nyɛaagbe minunyam lɛ he guɔ kɛyaashi? Shii enyiɛ nɔŋŋ ni nyɛaasumɔ yakanii ni nyɛaatao amale sɛɛgbɛ?

Abe̱i 17:14

Beibɔ̃imɔ lɛ etamɔ nu ni miitsere kɔikɔi; no hewɔ lɛ, be ni naataamɔ mli wako nɛɛ lɛ, ŋmɛɛmɔ he.

Yesaia 1:20

Shi kɛji nyɛkpɛlɛ̃ɛɛ, ni nyɛtse atua lɛ, no lɛ akɛ klante baakpãtã nyɛhiɛ. Mi, Yehowa, mikɛɛ.”

Yeremia 12:12

Niiahiɛkpãtãlɔi eba shiaŋa lɛ nɔ gɔji kpataai lɛ anɔ fɛɛ, ejaakɛ Yehowa ehã klante miiye nii kɛjɛ shikpɔŋ lɛ naagbeehe kome kɛyagbee enaagbeehe kome; adesa ko adesa ko kwraa bɛ toiŋjɔlɛ.

Yeremia 2:30

Yakatswaa po ni mitswia nyɛbii lɛ anii lɛ ejaakɛ no tsakeee amɛ. Nyɛ diɛŋtsɛ nyɛdɛŋ klante ni gbegbee nyɛgbalɔi lɛ tamɔ jata kakawua ni kpãtãa nii ahiɛ.

Yeremia 4:21

Mɛɛ beyinɔ nɔŋŋ makã he mana ta aflaŋaa, ni manu tɛtɛrɛmantɛrɛ gbɛɛmɔ kɛyashi?

Yeremia 46:10

Nuŋtsɔ Nyɔŋmɔ, Yehowa Taiatsɛ lɛ, gbi nɛ, gbi nɛɛ ji oweletɔɔ gbi ni ekɛbaatɔ ehe owele yɛ ehenyɛlɔi lɛ anɔ. Klante baaye nii ni etɔ, klante baanu lá ni etɔ lɛ dãa, ejaakɛ Nuŋtsɔ Nyɔŋmɔ Taiatsɛ lɛ miigbe ehenyɛlɔi tamɔ afɔle kooloi yɛ kooyigbɛ shikpɔŋ lɛ nɔ yɛ Eufrate Faa lɛ he.

Yeremia 46:14

“Nyɛbɔa oshe yɛ Ijipt kɛ Migdol; nyɛshiɛa yɛ Memfis kɛ Tahpanhes, akɛ, ‘Nyɛfea kralo, ni nyɛsaa nyɛhe nyɛtoa, ejaakɛ klante baaye nii kɛbɔle nyɛ.’

Hosea 11:6

Taitai baate shi yɛ amɛmaji lɛ anɔ, ni abaakumɔ amɛmaji lɛ agboi lɛ asɛɛ adabaŋi lɛ. Aaakpãtã amɛhiɛ ejaakɛ amɛkɛ amɛhe fɔ̃ amɛ diɛŋtsɛ amɛnilee nɔ.

Bɔfoi 7:26

Ni enɔ jetsɛremɔ lɛ ebanina amɛteŋ mɛi enyɔ ni amɛmiinɔ, ni ekpãtã amɛ ekɛɛ, ‘Ataamɛi, nyɛ lɛ nyɛmimɛi ji nyɛ; mɛɛba nyɛfeɔ nyɛhe efɔŋ nɛɛ?’