2 Samuel 19:9 - ŊMALƐ KRƆŊKRƆŊ LƐ

⁹ ni amɛmli efu amɛkutseiaŋ onukpai lɛ, ni amɛkɛɛ amɛ akɛ, “Maŋtsɛ David lɛ, lɛ ejie wɔ yɛ wɔhenyɛlɔi lɛ adɛŋ, ni lɛ nɔŋŋ ehere wɔ yɛ Filistibii lɛ adɛŋ; shi moŋ agbɛnɛ ejo Absalom naa foi kɛje shikpɔŋ lɛ nɔ.

Ṅmãle̱ Kroṅkroṅ Le̱

⁹ [8.] Ke̱ke̱ ni maṅtše̱ le̱ te ši ni ebatá koi le̱ ši. Ni ayagba maṅ mū le̱ fẽ ake̱: Na, maṅtše̱ le̱ ebatá koi le̱ ši. Ke̱ke̱ ni maṅ mū le̱ fẽ ba maṅtše̱ le̱ hĩe. Ši Israel le̱, ame̱fẽ ame̱dšodšō foi ke̱-te ame̱būi amli.

2 Samuel 19:9 ပူးပေါင်းရင်းမြစ်များ

2 Samuel 15:14

Enɛ hã David kɛɛ etsuji fɛɛ ni ekɛyɔɔ Yerusalɛm lɛ akɛ, “Nyɛtea shi, nyɛhãa wɔjoa foi, kɛjeee nakai lɛ wɔjeŋ Absalom dɛŋ! Nyɛfea mramra ni wɔtea koni ekabanina wɔ trukaa koni ehã sane fɔŋ baye wɔ, ni ebagbe mɔ fɛɛ mɔ yɛ maŋ lɛ mli.”

2 Samuel 18:17

Ajie Absalom gbonyo lɛ, ni ashɛ afɔ̃ bu agbo ko mli yɛ koo lɛ mli. Kɛkɛ ni amɛto tɛ amɛshwie enɔ aahu ni etsɔ̃ ku kpeteŋkple. Israelbii lɛ jo foi, ni mɔ fɛɛ mɔ tee ewe.

2 Samuel 19:10

Ni Absalom lɛ hu ni wɔwo lɛ wɔmaŋtsɛ lɛ, lɛ eyagbo yɛ ta lɛ mli lɛ. Mɛɛba Maŋtsɛ lɛ kplamɔ kɛbaa lɛ nyɛwieee he lɛ?”

2 Samuel 19:40

Maŋtsɛ David kɛ Yuda maŋ muu lɛ fɛɛ kɛ Israelbii fã ni yakpa lɛ gbɛ lɛ yiŋ kɛtee Gilgal. Kimham fata ehe kɛtee.

2 Samuel 22:44

Ojie mi yɛ mimaŋ maŋsɔi amli, ni obaa miyi akɛ majimaji anɔ maŋtsɛ; ni mɛi kpɔji ni mileee tete ebatsɔ̃ mishishibii agbɛnɛ.

2 Samuel 5:20

No hewɔ lɛ, David fã ta kɛyanina Filistibii lɛ yɛ Baal-Perazim, (eshishi ji Nuŋtsɔ lɛ ji mɔ ni gbaa kɛtsɔ̃ɔ mli) ni eye amɛnɔ kunim yɛ jɛi. David kɛɛ akɛ, “Yehowa etsɔ̃ minine nɔ egba kɛtsɔ mihenyɛlɔi lɛ ateŋ tamɔ nu ni eje ŋa gbaa lɛ.” No hewɔ ni atsɛɔ jɛi akɛ Baal-Perazim lɛ.

Lalai 18:43

Ohãaa maŋsɔ̃ aba mi kɛ maŋbii ateŋ. Ofee mi majimaji lɛ atsɛ; mɛi ni mileee amɛ po basɔmɔ mi.

2 Mose 32:24

Ni mito he mihã amɛ akɛ, “Mɔ fɛɛ mɔ ni yɔɔ shika nii lɛ ekpɔlɔ kɛba, ni amɛkpɔlɔ kɛba, ni mikɛwo la mli, ni etsɔ̃ tsina nɛɛ.”

1 Samuel 17:50

Belɛ David kɛ akromia kɛ tɛ ye Goliat nɔ, ni egbe lɛ tsɛbelɛ ehiɛɛɛ klante po.

1 Samuel 18:25

Shi Saul tsu amɛ ekoŋŋ ni ekɛɛ amɛ akɛ, “Nyɛyakɛa David akɛ aheee Mikal yinii ko kwraa fe Filistibii lɛ afoo naa loo komekomei oha kɛkɛ, koni akɛtɔ maŋtsɛ he owele yɛ ehenyɛlɔi lɛ anɔ.” Saul susumɔ ji akɛ foo naa loo lɛ taomɔ nɔ baatsɔ̃ ni Filistibii lɛ anine baagbe David.

1 Samuel 19:5

Edɔɔɔ ewala he, ni no hewɔ lɛ, etee ni ekɛ Goliat, Filistinyo lɛ, yakpe, ni egbe lɛ, ni Yehowa hã Israel fɛɛ ye kunim kpeteŋkple. Bo diɛŋtsɛ hu ona kunim ni eye lɛ, ni onya he. Mɛni hewɔ mɔ ni otaoɔ akɛ ofee mɔ ni efeko efɔŋ ko lɛ esha, ni ogbe David yakatswaa lɛ?”