2 Samuel 18:28 - ŊMALƐ KRƆŊKRƆŊ LƐ

²⁸ Ahimaaz bo ni ekɛɛ Maŋtsɛ David akɛ, “Wɔye omanye eei!” Kɛkɛ ni eho egbee shi, ni ekɛ ehiɛ bu shi, ni ekoto maŋtsɛ lɛ, ni ekɛɛ, “Ada Yehowa, oNyɔŋmɔ lɛ, shi akɛ ehã oye mɛi ni te shi amɛwo bo, maŋtsɛ, lɛ anɔ kunim.”

Ṅmãle̱ Kroṅkroṅ Le̱

²⁸ Ni Ahimaaz bo ni ekē̱ maṅtše̱ le̱ ake̱: Omanye ni ēéi! Ni ebakoto ši ye̱ maṅtše̱ le̱ hĩe ni eke̱ ehĩe bu ši ni ekē̱: Aadšō̱ Iehowa, o-Nyoṅmo̱ le̱, ní edšie gbomei ní wó ame̱nine no̱ ye̱ minuṅtšo̱ maṅtše̱ no̱ le̱ ewo odeṅ le̱!

2 Samuel 18:28 ပူးပေါင်းရင်းမြစ်များ

1 Mose 14:20

ni ajie Ŋwɛi Flooflo Nyɔŋmɔ lɛ ni hã oye ohenyɛlɔi lɛ anɔ kunim lɛ yi.” Ni Abram hã Melkizedek nii lɛ fɛɛ mlijai nyɔŋma mli ekome.

1 Mose 24:27

“Aaajie Yehowa, minuŋtsɔ Abraham Nyɔŋmɔ lɛ, yi akɛ ehãko esuɔmɔ ni tsakeee kɛ enɔkwayeli lɛ sɛɛ afo yɛ minuŋtsɔ nɔ; ni mi hu Yehowa ebatsɔ̃ɔ mi minuŋtsɔ wekumɛi awe gbɛ!”

2 Samuel 1:2

Ni gbi ni ji etɛ̃ lɛ nɔ lɛ, Saul tabilɔi lɛ eko kɛ ehe atade ni etserɛ kɛ eyiteŋ hu mlu ba David ŋɔɔ kɛjɛ ta lɛ naa. Be ni nuu lɛ shɛ David hiɛ lɛ eho egbee shi, ni ekɛ ehiɛ bu shi, ni ekoto David.

2 Samuel 14:4

Be ni Tekoayoo lɛ yashɛ Maŋtsɛ David hiɛ lɛ, eho egbee shi, ni ekɛ ehiɛ bu shi, ni ekoto lɛ, ni ekɛɛ, “Nii, ofainɛ ni oye obua mi.”

2 Samuel 22:27

Mɔ ni he tse lɛ, okɛ ohe tsɔ̃ɔ lɛ akɛ mɔ ni he tse; shi mɔ ni yi wa lɛ, okɛ lɛ yeee.

2 Kronika 20:26

Gbi ni ji ejwɛ lɛ nɔ lɛ Yudabii lɛ babua amɛhe naa yɛ Yijiemɔ Jɔɔ lɛ mli, ni amɛ jie Yehowa yi yɛ jɛi. Bɔ ni fee ni atsɛɔ jɔɔ nɛɛ akɛ Yijiemɔ Jɔɔ lɛ nɛ.

Lalai 115:1

Jeee wɔ, Yehowa, jeee wɔ, shi ogbɛi lɛ moŋ aŋɔ anunyam ahã, yɛ osuɔmɔ ni tsakeee kɛ onɔkwayeli lɛ hewɔ!

Lalai 124:6

Yijiemɔ ahã Yehowa akɛ ekɛ wɔ hãaa ni wɔtsɔ̃mɔ amɛnyanyɔji anaa loo.

Lalai 31:8

Oŋmɛko mihe owoko henyɛlɔ lɛ dɛŋ; shi moŋ, ohã minane ena maahe.

2 Mose 18:10

Ni Yetro kɛɛ, “Ajie Yehowa yi, lɛ mɔ ni ejie nyɛ yɛ Farao kɛ Ijiptbii lɛ adɛŋ, ni ejie emaŋ lɛ yɛ Ijiptbii anɔyeli shishi lɛ.

1 Samuel 17:46

Ŋmɛnɛ gbi nɛɛ lɛ Yehowa baahã maye onɔ kunim, ni mafo oyi, ni mikɛ Filistibii ata lɛ mli gbohii lɛ baahã ŋwɛi loofɔji kɛ shikpɔŋ lɛ nɔ kooloi kakawuai koni amɛye, koni jeŋ muu lɛ fɛɛ ana ale akɛ Nyɔŋmɔ ko yɛ Israel.

1 Samuel 24:18

Otsɔ̃ɔ faŋŋ ŋmɛnɛ akɛ ekpakpa otaoɔ mi, akɛni Yehowa tu mi wo odɛ̃ŋ shi ogbeee mi lɛ.

1 Samuel 25:23

Be ni Abigail na David lɛ ehe fee oya ni eje eteji lɛ nɔ eyi shi, ni eyabu shi yɛ David hiɛ ni ekoto lɛ.

1 Samuel 26:8

Kɛkɛ ni Abishai kɛɛ David akɛ, “Nyɔŋmɔ ejie ohenyɛlɔ lɛ ewo odɛ̃ŋ ŋmɛnɛ. No hewɔ lɛ, agbɛnɛ hã matsu lɛ akplɔ lɛ shi koome kɛmɔ shikpɔŋ nyɔŋlo, mihaŋ etia shii enyɔ.”