2 Samuel 18:2 - ŊMALƐ KRƆŊKRƆŊ LƐ

² No sɛɛ lɛ, eja eta tso muu lɛ fɛɛ mli etɛ̃. Ekɛ mlijaa etɛ̃ nɛɛ mli ekome wo Yoab shishi, ni ekɛ ekome hu wo Abishai, Zeruia bi Yoab nyɛmi lɛ shishi, ni ekɛ ekome ni eshwɛ lɛ wo Itai, Gatnyo lɛ shishi. Kɛkɛ ni Maŋtsɛ David kɛɛ etabilɔi lɛ akɛ, “Mi diɛŋtsɛ hu mikɛ nyɛ miiya.”

Ṅmãle̱ Kroṅkroṅ Le̱

² Ni David dša ta le̱ mli etẽ, eke̱ mlidšāi etẽ mli ekome wo Ioab deṅ, ni eke̱ mlidšāi etẽ mli ekome hũ wo Abišai, Zeruia bi ni dši Ioab nyemi le̱, deṅ, ni eke̱ mlidšāi etẽ mli ekome hũ wo *Itai, Gatnyo le̱, deṅ. Ni maṅtše̱ le̱ kē̱ ta le̱ ake̱: Midientše̱ hũ mike̱nye aate. *15,19.

2 Samuel 18:2 ပူးပေါင်းရင်းမြစ်များ

2 Samuel 17:11

No hewɔ lɛ, ŋaa ni miwoɔ ji akɛ obua Israel maŋ muu lɛ fɛɛ naa, kɛjɛ Dan aahu kɛyashwie Beersheba, amɛyi baafa tamɔ ŋshɔnaa shia. Bo diɛŋtsɛ hu oya ta lɛ eko.

2 Samuel 21:17

Shi Abishai, ni ji Zeruia bi lɛ, bahere David. Ebatswa Filistinyo lɛ nɔ, ni egbe lɛ. Jɛi ni David tabilɔi lɛ hã David kã amɛ kitã akɛ efataŋ amɛhe kɛyaŋ ta dɔŋŋ. Amɛkɛɛ lɛ akɛ, “Okɛ wɔ akaya ta dɔŋŋ koni okabahã Israel hiɛnɔkãmɔ miitã.”

2 Samuel 23:18

Abishai, Yoab nyɛmi lɛ, ni ekɛ lɛ fɛɛ nyɛ ji Zeruia lɛ, ji hii kakabãi nyɔŋmai etɛ̃ lɛ fɛɛ anukpa. Ekɛ hii ohai etɛ̃ nɔ, ni ekɛ edɛŋ akplɔ gbe amɛ fɛɛ tswɛm. Enɛ hã ena gbɛi yɛ hii nyɔŋmai etɛ̃ lɛ ateŋ.

2 Samuel 8:16

Yoab, ni atsɛɔ enyɛ akɛ Zeruia lɛ, ji David tatsɛnukpa fe fɛɛ; ni Yehoshafat, Ahilud bi lɛ, ji maŋtsɛ woloŋmalɔ;

1 Maŋtsɛmɛi 2:28

Yoab waaa Absalom shi moŋ ewa Adonia. No hewɔ lɛ, be ni enu akɛ Adonia egbo lɛ ejo foi kɛtee Yehowa Kpee Buu lɛ mli, ni eyamɔmɔ afɔleshãa latɛ lɛ he aklontoi lɛ amli.

Lalai 3:6

Misheee mɛi akpeiakpei abɔ ni ebɔ nsra ewo mihe lɛ gbeyei.

Kojolɔi 7:16

Eja hii ohai etɛ̃ lɛ mli kui etɛ, ni ekɛ tɛtɛrɛmantɛrɛ kɛ kpulu ni kɔti hɔ mli hã mɔ fɛɛ mɔ hiɛ edɛŋ.

Kojolɔi 7:19

Gideon kɛ hii oha ni fata ehe lɛ yashɛ Midian nsra lɛ naa nyɔɔŋteŋ buube lɛ shishijee mli be ni amɛtsake bulɔi lɛ sɛɛ pɛ. Kɛkɛ ni Gideon kɛ ewebii lɛ kpã tɛtɛrɛmantɛrɛi lɛ, ni amɛjwara kpuji ni amɛhiɛ yɛ amɛdɛŋ lɛ.

Kojolɔi 9:43

Ayagba Abimelek. Hewɔ lɛ eŋɔ emɛi lɛ, ni ejara amɛmli kui etɛ̃. Eyawo ka yɛ ŋã lɛ nɔ. Kɛkɛ lɛ eyaakwɛ lɛ, naa maŋbii lɛ ni amɛmiije kpo kɛmiijɛ maŋ lɛ mli. Abimelek te shi wo amɛ, ni etswia amɛ nii.

1 Samuel 11:11

Enɔ jetsɛremɔ lɛ Saul ja etabilɔi lɛ amli kui etɛ̃, ni amɛyatua Amonbii lɛ maŋkɛ hima mli, yɛ amɛnsra lɛ mli, ni amɛtswia amɛ nii kɛyashi shwane fintiŋŋ. Amonbii ni je gbele mli lɛ gbɛ shwã bɔ ni onaŋ amɛteŋ mɛi enyɔ nɛkɛ yɛ he kome.