2 Samuel 18:19 - ŊMALƐ KRƆŊKRƆŊ LƐ

¹⁹ Kɛkɛ ni Ahimaaz, Zadok bi lɛ, kɛɛ Yoab akɛ, “Hã ni masha foi maya mayabɔ maŋtsɛ amaniɛ akɛ Yehowa ehere eyiwala yɛ ehenyɛlɔi lɛ adɛŋ.”

Ṅmãle̱ Kroṅkroṅ Le̱

¹⁹ Ke̱ke̱ ni *Ahimaaz, Zadok bi le̱, kē̱: Hã ní maša foi ni mayatſa maṅtše̱ adafi ake̱ Iehowa ekodšo ehenye̱lo̱i le̱ ehãle̱. *16.36; 17,17.

2 Samuel 18:19 ပူးပေါင်းရင်းမြစ်များ

2 Samuel 15:27

David tee nɔ ni ekɛɛ Osɔfo Zadok akɛ, “Ole nɔ ko? Ŋɔɔ obi Ahimaaz kɛ Abiatar bi Yonatan, ofata ohe kɛku sɛɛ kɛya maŋ lɛ mli.

2 Samuel 15:36

Naa, amɛbihii enyɔ, ni ji Zadok bi Ahimaaz kɛ Abiatar bi Yonatan, yɛ jɛi. Okɛ sane fɛɛ sane ni ooonu lɛ atsu amɛ koni amɛkɛbahã mi.”

2 Samuel 17:17

Nɛkɛ be mli lɛ Osɔfo Abiatar bi Yonatan kɛ Osɔfo Zadok bi Ahimaaz etee amɛhe yɛ Rogel nubu lɛ he, yɛ Yerusalɛm klotia, ni kɛfee lɛ atsuɔ oblayoo ko kɛjɛɔ maŋ lɛ mli, ni ekɛ wiemɔ yahãa amɛ, ni amɛkɛyahãa Maŋtsɛ David. Bɔ ni afee ni akana amɛ hewɔ lɛ, Yonatan kɛ Ahimaaz eyaaa maŋ lɛ mli.

2 Samuel 18:20

Yoab here nɔ, ni ekɛɛ, “Dabida, jeee bo obaaya ŋmɛnɛ gbi nɛɛ oyabɔ amaniɛ. Gbi kroko jiŋŋ, oooya oyabɔ amaniɛ; ŋmɛnɛ lɛ oyabɔŋ amaniɛ ejaakɛ maŋtsɛbi ni enyɔ lɛ.”

2 Samuel 18:23

Ahimaaz to he akɛ, “Nɔ fɛɛ nɔ ni baaba lɛ, eba! Miisumɔ akɛ mi hu maya.” Yoab to he akɛ, “Yaa mɔ!” No hewɔ lɛ, Ahimaaz wo foi kɛyi Yordan Jɔɔ lɛ mli gbɛ lɛ nɔ; ni eyaho Kushnyo lɛ he.

2 Samuel 18:31

Ni naa, Kushnyo lɛ ni atsu lɛ hu ba. Ekɛɛ Maŋtsɛ David akɛ, “Maŋtsɛ, mihiɛ miishɛɛ sane kɛba; ejaakɛ ŋmɛnɛ gbi nɛɛ lɛ Yehowa ehã oye mɛi ni te shi amɛwo bo lɛ fɛɛ anɔ kunim.”

Lalai 10:14

Shi bo lɛ onaa nii, lɛɛlɛŋ bo lɛ okadiɔ haomɔ kɛ awerɛhoo fɛɛ, koni kɛ mɔ ni bɛ mɔ ko lɛ tu ehe ewo odɛ̃ŋ lɛ, oye obua lɛ, ejaakɛ bo ji awusai abualɔ.

Lalai 10:18

koni oye awusai kɛ mɛi ni awaa amɛyi lɛ asane ohã amɛ, koni gbɔmɔ adesa ni jɛ su mli, akawo mɔ he gbeyei dɔŋŋ.

Lalai 7:6

Oo, Yehowa, tee shi kɛ mlila, wo ohe nɔ yɛ mihenyɛlɔi lɛ agirimɔ lɛ hewɔ; Oo miNyɔŋmɔ, ohiɛ atsɛ̃; bo ni oto kojomɔ ofɔ shi.

Lalai 9:16

Yehowa kɛ ejalɛ kojomɔ ehã ale lɛ; mɛi fɔ̃ji edu tsɔne ni amɛ diɛŋtsɛ amɛtsɔ̃ lɛ.

Lalai 9:4

Anɔkwale kɛ jalɛ saneyelɔ ji bo yɛ okojomɔ mli. Ota omaŋtsɛ sɛi lɛ nɔ ni oye jalɛ sane ohã mi.

Yeremia 51:31

Tsulɔ ni hiɛ foi kɛ tsulɔ kroko hu ni hiɛ foi kpeɔ, ni bɔfo ni hiɛ foi kɛ bɔfo kroko ni hiɛ foi kpeɔ ni amɛ fɛɛ amɛhiɛ wiemɔ ni amɛkɛmiiya amɛkɛyatswa Babilon maŋtsɛ adafi akɛ aŋɔ maŋ lɛ fɛɛ tswɛm!

Romabii 12:19

Suɔlɔi, nyɛkatɔa nyɛ diɛŋtsɛ nyɛhe owele, shi moŋ nyɛŋmɛa Nyɔŋmɔ mlifu lɛ gbɛ; ejaakɛ aŋma akɛ, “Minɔ ji oweletɔɔ, mi mato najiaŋ, Nuŋtsɔ lɛ kɛɛ.”