2 Samuel 17:8 - ŊMALƐ KRƆŊKRƆŊ LƐ

⁸ Ole akɛ otsɛ kɛ ewebii lɛ tabilɔi hii kakabãi ji amɛ, ni amrɔ nɛɛ amɛhiɛ edɔ tamɔ oshishibrishi yoofɔyoo ni ayaju ebii yɛ ehe yɛ jwɛiaŋ. Ole hu akɛ otsɛ lɛ tatsɛ kpanaa ni, ni ekɛ maŋbii lɛ ehiŋ he kome nyɔɔŋ nɛɛŋ.

Ṅmãle̱ Kroṅkroṅ Le̱

⁸ Ni Hušai kē̱ ekoṅ ake̱: Bodientše̱ ole otše̱ ke̱ ewebii le̱ ake̱ kakabãi dšiame̱, ni ame̱hĩe edo̱ tamo̱ ošišibriši ni ayalō ebii ye̱ dſe̱iaṅ; ni otše̱ le̱ nū tawulo̱ ni, ni eke̱ maṅ le̱ ehĩṅ šĩ nyō le̱ṅ.

2 Samuel 17:8 ပူးပေါင်းရင်းမြစ်များ

2 Samuel 15:18

ni etsuji ni ji Keretifoi lɛ kɛ Peletifoi lɛ fɛɛ to kɛbatsɔ̃ emasɛi kɛho. Be ni Gatbii hii ohai ekpaa lɛ ni nyiɛ Maŋtsɛ David sɛɛ kɛjɛ Gat kɛba lɛ hu hoɔ kɛyi ehiɛ lɛ,

2 Samuel 17:9

Naa, amrɔ nɛɛ eeeyatee ehe yɛ tɛkplo ko mli loo he ko. Kɛji anu akɛ David etua owebii lɛ, nɔ nɔŋŋ ni mɔ fɛɛ mɔ ni aaanu sane lɛ baakɛɛ kɛkɛ ji akɛ, ‘Agbe Absalom webii lɛ bluublu.’

2 Samuel 23:16

Kɛkɛ ni hii kakabãi etɛ̃ nɛɛ gba kɛtsɔ̃ Filistibii atabilɔi lɛ ateŋ ekãa naa kɛho, ni amɛtee amɛyayɛ nubu lɛ ni yɔɔ Betlehem maŋ agbo lɛ masɛi lɛ mli nu, ni amɛkɛbahã David. David enuuu, shi moŋ efɔse eshwie shikpɔŋ akɛ nɔ ko ni ekɛmiishã afɔle ehã Yehowa;

2 Samuel 23:18

Abishai, Yoab nyɛmi lɛ, ni ekɛ lɛ fɛɛ nyɛ ji Zeruia lɛ, ji hii kakabãi nyɔŋmai etɛ̃ lɛ fɛɛ anukpa. Ekɛ hii ohai etɛ̃ nɔ, ni ekɛ edɛŋ akplɔ gbe amɛ fɛɛ tswɛm. Enɛ hã ena gbɛi yɛ hii nyɔŋmai etɛ̃ lɛ ateŋ.

2 Maŋtsɛmɛi 2:24

Elisha tsɔ̃ ehe, ni ekwɛ amɛ, ni ekɛ Yehowa gbɛi lomɔ amɛ. Kɛkɛ ni oshishibrishi yei enyɔ jɛ koo lɛ mli ba, ni amɛbatserɛ gbekɛbii hii lɛ ateŋ mɛi nyɔŋmai ejwɛ kɛ enyɔ mli.

Abe̱i 17:12

Ehi akɛ gbɔmɔ kɛ oshishibrishi yoo ni amɔ ebi akpe, fe nɔ ni ekɛ kwashia moŋ aaakpe yɛ ebuulufeemɔ mli.

Abe̱i 28:15

Nɔyelɔ fɔŋ ni yeɔ maŋbii ni anii yɔɔ mɔbɔ nɔ lɛ, etamɔ jata ni huuɔ loo oshishibrishi ni hiɛ ewo la.

Ezekiel 19:2

“Ani onyɛ lɛ jeee jatayoo ni? Ni ebu jata oblahii ateŋ ni elɛ ebii lɛ yɛ amɛteŋ?

Daniel 7:5

Kooloo ni ji enyɔ lɛ tamɔ oshishibrishi. Awo lɛ adamɔ efã kome nɔ; ŋmawutsei etɛ̃ kɔ̃ enaa yɛ enyanyɔji ateŋ. Kɛkɛ ni gbee ko kɛɛ lɛ akɛ, “Yaa nɔ ni oye loo babaoo bɔ ni obaanyɛ.”

Hosea 13:8

Mibatua nyɛ oookɛɛ oshishibrishi ni amɔmɔ ebii yɛ ehe tuaa mɔ, ni mibatserɛ nyɛmli maye yɛ minajiaŋ tamɔ jata. No ji akɛ mibatserɛ nyɛmli mɛnyɛmɛnyɛ tamɔ ŋaŋ kooloo awuyelɔ tsɛrɛɔ loo mli lɛ.

Kojolɔi 18:25

Danbii lɛ kɛɛ Mika akɛ, “Kaahã anu ogbee yɛ wɔteŋ ni mlilatsɛmɛi nɛɛ miitsɛ̃ kɛmiiba onɔ ni amɛbakpãtã bo kɛ owe lɛ mli bii ahiɛ.”

1 Samuel 16:18

Oblahii lɛ ateŋ mɔ kome here nɔ ni ekɛɛ akɛ, “Mile Yeshai, Betlehemnyo lɛ, binuu ko ni ehe esa kɛ saŋkutswaa jogbaŋŋ diɛŋtsɛ; oblanyo kãkãlɔ ni sheee ta naa gbeyei, ni ele mɔ kɛ wiemɔ, ni ehe hu yɛ fɛo, ni Yehowa kɛ lɛ yɛ.”

1 Samuel 17:50

Belɛ David kɛ akromia kɛ tɛ ye Goliat nɔ, ni egbe lɛ tsɛbelɛ ehiɛɛɛ klante po.

1 Samuel 23:23

No hewɔ lɛ, nyɛyataoa hei pɔtɛɛ ni eteɔteɔ ehe yɛ lɛ, ni nyɛbaa nyɛbakɛa mi; ni mikɛ nyɛ baaya. Anɔkwa, kɛji David yɛ shikpɔŋ nɛɛ nɔ lɛ no lɛ matao lɛ fitsofitso kɛkpa Yuda muu fɛɛ.”