2 Samuel 17:23 - ŊMALƐ KRƆŊKRƆŊ LƐ

²³ Be ni Ahitofel na akɛ ayeee ŋaa ni ewo lɛ nɔ lɛ, ewo eteji nɔ nii, kɛkɛ ni eshi kɛtee emaŋ; ni be ni eto enibii fɛɛ gbɛjianɔ lɛ, eyawo esɛ̃ kpãa, ni egbe ehe. Afu lɛ yɛ etsɛ gbonyo fuuhe lɛ mli.

Ṅmãle̱ Kroṅkroṅ Le̱

²³ Ni beni Ahitofel na ake̱ ayee eṅāwō le̱ no̱ le̱, ewo etedši no̱ nii, ni ete ši ni eyiṅ ete ewe ye̱ emaṅ, ni eto ewe le̱ gbe̱dšiano̱, ni *eyawo esẽ kpã ni egbo, ni afũle̱ ye̱ etše̱ fū̃he le̱. *Mat. 27,5.

2 Samuel 17:23 ပူးပေါင်းရင်းမြစ်များ

2 Samuel 15:12

Be mli ni Absalom shãa afɔlei lɛ, etsu ayatsɛ Ahitofel, Gilonyo lɛ, Maŋtsɛ David ŋaawolɔ, yɛ emaŋ Gilo lɛ abahã lɛ. Kɛkɛ ni maŋtsɛ lɛ he yiŋ fɔŋ ni etoɔ lɛ mli bawa, ni Absalom sɛɛbii lɛ ayi bafa jogbaŋŋ.

2 Samuel 15:31

Ni mɔ ko bagba Maŋtsɛ David akɛ Ahitofel hu shi maŋjwalɔi lɛ anɔ. Kɛkɛ ni David sɔle ekpa Yehowa fai, ni ekɛɛ, “Oo, Yehowa, miikpa bo fai, hã ŋaa fɛɛ ŋaa ni Ahitofel baawo lɛ atsɔ̃ kwashiai aŋaa.”

2 Samuel 16:23

Nakai be lɛ mli lɛ ŋaa fɛɛ ŋaa ni Ahitofel aaawo lɛ, aŋɔɔ lɛ tamɔ nii ni atee ayabi Nyɔŋmɔ. No hewɔ ni David kɛ Absalom fɛɛ buɔ eŋaawoo lɛ.

2 Samuel 17:22

Kɛkɛ ni David kɛ mɛi lɛ fɛɛ ni fata ehe lɛ te shi, ni amɛyafo Yordan Faa lɛ; ni be ni je kɛɛ etsɛreɔ lɛ eshwɛko amɛteŋ mɔ kome nɛkɛ ni efoko Yordan.

1 Maŋtsɛmɛi 16:18

Be ni Zimri na akɛ aŋɔ maŋ lɛ, eyabote maŋtsɛwe lɛ mɔɔ lɛ mli kɛkɛ ni ema maŋtsɛwe lɛ naa la, ni eshã shĩa lɛ eshwie enɔ, ni egbo.

2 Maŋtsɛmɛi 20:1

Nakai bei lɛ amli lɛ, Hezekia he baye ni eehe egbo. Ni gbalɔ Yesaia, Amoz bi lɛ, ba eŋɔɔ, ni ebakɛɛ lɛ akɛ, “Bɔ ni Yehowa kɛɛ nɛ, ‘Too owe lɛ gbɛjianɔ, ejaakɛ obaagbo, onaŋ hewalɛ kɔkɔɔkɔ.’ ”

Hiob 31:3

Ani jeee hiɛkpãtãmɔ kã shi hã mɛi ni feɔ nɔ fɔŋ? Kɛ osharã hã mɛi ni feɔ nishaianii?

Lalai 109:20

Hã enɛ afee nyɔmɔwoo ni aaajɛ Yehowa dɛŋ ahã minaaflɔlɔi kɛ mɛi ni wieɔ mihe efɔŋ lɛ.

Lalai 5:10

Oo Nyɔŋmɔ, hã amɛsɔ̃ abua amɛyiteŋ. Hã amɛyiŋshai lɛ nɔŋŋ akpãtã amɛhiɛ. Shɛrɛmɔ amɛ oshwie, ejaakɛ amɛtɔ̃ onɔ babaoo, ni amɛtse ohiɛ atua.

Lalai 55:23

Shi, ao, bo Nyɔŋmɔ, obaashɛrɛ amɛ oshwie bu kwɔŋkwɔŋ lɛ mli. Mɔgbelɔi kɛ kutumpɔfoi lɛ, amɛyeŋ amɛwala gbii amli fã tete. Shi, mi lɛ, bo onɔ maŋɔ mihiɛ mafɔ̃.

Abe̱i 16:18

Hewoo tsɔ̃ɔ hiɛkpãtãmɔ hiɛ; ni hetsɔ̃ɔmɔ mumɔ tsɔ̃ɔ shigbeemɔ hiɛ.

Abe̱i 19:3

Gbɔmɔ buulufeemɔ kɛ lɛ woɔ haomɔ mli, ni eshwaa Yehowa moŋ.

Yesaia 38:1

Nakai be lɛ mli lɛ, hela mɔ̃ Maŋtsɛ Hezekia, ni eehe egbo. Gbalɔ Yesaia, Amoz bi lɛ, tee eyasara lɛ, ni ekɛɛ lɛ akɛ, “Bɔ ni Yehowa kɛɛ nɛ, ‘Too owe lɛ he gbɛjianɔ, ejaakɛ oyi naŋ wala; obaagbo.’ ”

Mateo 27:5

Ni eyashɛrɛ jwiɛtɛi lɛ eshwie Sɔlemɔ we lɛ, ni eyiŋ etee eyawo esɛ̃ kpãa.