2 Samuel 17:17 - ŊMALƐ KRƆŊKRƆŊ LƐ

¹⁷ Nɛkɛ be mli lɛ Osɔfo Abiatar bi Yonatan kɛ Osɔfo Zadok bi Ahimaaz etee amɛhe yɛ Rogel nubu lɛ he, yɛ Yerusalɛm klotia, ni kɛfee lɛ atsuɔ oblayoo ko kɛjɛɔ maŋ lɛ mli, ni ekɛ wiemɔ yahãa amɛ, ni amɛkɛyahãa Maŋtsɛ David. Bɔ ni afee ni akana amɛ hewɔ lɛ, Yonatan kɛ Ahimaaz eyaaa maŋ lɛ mli.

Ṅmãle̱ Kroṅkroṅ Le̱

¹⁷ Agbe̱ne̱ le̱ Ionatan ke̱ Ahimaaz ye̱ *Rogel nubu le̱ mase̱i; ni tšũlo̱yō ko yakē̱o̱ame̱, koni ame̱ya ní ame̱yakē̱ maṅtše̱ David; ši beni afe ní akanaame̱ hewo̱ le̱, ame̱yaa mã le̱ṅ. *1 Maṅ. 1,9.

2 Samuel 17:17 ပူးပေါင်းရင်းမြစ်များ

2 Samuel 15:27

David tee nɔ ni ekɛɛ Osɔfo Zadok akɛ, “Ole nɔ ko? Ŋɔɔ obi Ahimaaz kɛ Abiatar bi Yonatan, ofata ohe kɛku sɛɛ kɛya maŋ lɛ mli.

2 Samuel 15:35

Osɔfo Zadok kɛ Osɔfo Abiatar fɛɛ yɛ maŋ lɛ mli. Sane fɛɛ sane ni ooonu kɛaajɛ maŋtsɛ we lɛ, obɔ amɛ.

2 Samuel 15:36

Naa, amɛbihii enyɔ, ni ji Zadok bi Ahimaaz kɛ Abiatar bi Yonatan, yɛ jɛi. Okɛ sane fɛɛ sane ni ooonu lɛ atsu amɛ koni amɛkɛbahã mi.”

1 Maŋtsɛmɛi 1:42

Ni be ni ewieɔ lolo ni enaa enyɔko shi lɛ, naa, Osɔfo Abiatar bi Yonatan ni eba jɛi; ni Adonia kɛɛ, “Ba, ejaakɛ gbɔmɔ kpakpa ji bo, ni sane kpakpa okɛbaa.”

1 Maŋtsɛmɛi 1:9

Gbi ko lɛ Adonia yagbegbee toi kɛ tsinai kɛ kooloi ni ewo fɔ yɛ Onufu Tɛsaa lɛ ni bɛŋkɛ Rogel Nubu lɛ he. Ekpee enyɛmimɛi maŋtsɛbii lɛ fɛɛ kɛ Yuda hii kãkãlɔi ni ji Maŋtsɛ David tsuji lɛ fɛɛ kɛtee jɛi.

Yoshua 15:7

Husu lɛ wo ehe nɔ kɛjɛ Akor Jɔɔ lɛ mli kɛtee Debir, ni edɔ eyi kɛtsɔ̃ kooyigbɛ kɛtee Gilgal ni kwɛɔ Adumim gɔji ateŋ gbɛ lɛ ni yɔɔ jɔɔ lɛ wuoyigbɛ lɛ hiɛ lɛ. Kɛkɛ lɛ husu lɛ sharã Enshemesh nuhiŋmɛii lɛ ahe, ni ekɛ enaa yawo Rogel Nubu lɛ mli.

Yoshua 18:16

Husu lɛ kpeleke shi kɛtee gɔŋ lɛ ni kwɛɔ Hinom Jɔɔ lɛ mli lɛ shishi, yɛ ekooyigbɛ he ni Refaim Jɔɔ lɛ naa yatãa yɛ lɛ. Husu lɛ nyɔ Hinom Jɔɔ lɛ mli agbɛnɛ, ni etsɔ̃ Yebusbii lɛ awuoyigbɛ kɛtee En-Rogel Nubu lɛ naa.