2 Samuel 17:14 - ŊMALƐ KRƆŊKRƆŊ LƐ

¹⁴ Absalom kɛ Israelbii lɛ fɛɛ kɛɛ akɛ, “Hushai, Arkinyo lɛ ŋaawoo lɛ hi fe Ahitofel nɔ lɛ.” Ejaakɛ Yehowa eto akɛ akaye Ahitofel ŋaawoo kpakpa lɛ nɔ bɔ ni afee ni Yehowa ahã nɔ fɔŋ aba Absalom nɔ.

Ṅmãle̱ Kroṅkroṅ Le̱

¹⁴ Ke̱ke̱ ni Absalom ke̱ Israelbii le̱ fẽ kē̱: Hušai, Arkinyo le̱, ṅāwõ le̱ hĩ fè Ahitofel nõ le̱. Edšake̱ to *Iehowa eto ake̱ akwa Ahitofel ṅāwõ kpakpa le̱, beni afe ni Iehowa ke̱ efõṅ aba Absalom no̱. *15,31. 34.

2 Samuel 17:14 ပူးပေါင်းရင်းမြစ်များ

1 Mose 32:28

Nuu lɛ kɛɛ lɛ akɛ, “Atsɛŋ bo Yakob dɔŋŋ, shi Israel aaatsɛ bo, ejaakɛ okɛ Nyɔŋmɔ kɛ gbɔmɛi eshi mple, ni oye kunim.”

2 Samuel 15:31

Ni mɔ ko bagba Maŋtsɛ David akɛ Ahitofel hu shi maŋjwalɔi lɛ anɔ. Kɛkɛ ni David sɔle ekpa Yehowa fai, ni ekɛɛ, “Oo, Yehowa, miikpa bo fai, hã ŋaa fɛɛ ŋaa ni Ahitofel baawo lɛ atsɔ̃ kwashiai aŋaa.”

2 Samuel 15:34

shi kɛji moŋ oku osɛɛ otee maŋ lɛ mli, ni oyakɛɛ Absalom akɛ, ‘Maŋtsɛ, otsulɔ ji mi; nyɛsɛɛ ko lɛ otsɛ tsulɔ ji mi;’ shi agbɛnɛ lɛ mitsɔ̃ otsulɔ lɛ, jɛi baatsɔ̃ ni ooonyɛ ofite ŋaa ni Ahitofel aaawo Absalom lɛ.

2 Samuel 16:23

Nakai be lɛ mli lɛ ŋaa fɛɛ ŋaa ni Ahitofel aaawo lɛ, aŋɔɔ lɛ tamɔ nii ni atee ayabi Nyɔŋmɔ. No hewɔ ni David kɛ Absalom fɛɛ buɔ eŋaawoo lɛ.

2 Kronika 10:15

Belɛ Maŋtsɛ Rehoboam booo maŋbii lɛ toi ejaakɛ Nyɔŋmɔ ninenaa nitsumɔ ni, bɔ ni afee koni wiemɔ ni Yehowa tsɔ̃ Ahia, Shilonyo lɛ, nɔ ni ekɛ Nebat bi Yeroboam wie lɛ aba mli.

2 Kronika 10:8

Shi Rehoboam shi ŋaa ni hii onukpai lɛ wo lɛ lɛ sɛɛ, ni ekɛ obalahii ni ji etipɛŋfoi, ni asaŋ amɛ amɛ ji eŋaawolɔi agbɛnɛ lɛ tee sane lɛ he ajina.

2 Kronika 25:16

Shi Maŋtsɛ Amazia fo gbalɔ lɛ wiemɔ lɛ mli, ni ekɛɛ lɛ akɛ, “Mɛɛbe wɔwo bo maŋtsɛ ŋaawolɔ? Mɔ onaabu mli koni mikahã agbe bo!” Kɛkɛ ni gbalɔ lɛ kpa wiemɔ lɛ; shi etsɔ̃ hiɛ ni ekɛɛ Amazia akɛ, “Nɔ ni ofee lɛ kɛ agbɛnɛ miŋaawoo toi ni obooo nɛɛ ehã mina mile akɛ Yehowa eto eyiŋ akɛ ebaakpãtã ohiɛ.”

2 Kronika 25:20

Shi Amazia eyabuuu shɛɛ lɛ, ejaakɛ Nyɔŋmɔ yiŋtoo ji akɛ ebaahã aye Amazia nɔ kunim yɛ Edombii ajemawɔji ni eja lɛ ahewɔ.

Nehemia 4:15

Be ni wɔhenyɛlɔi lɛ nu akɛ abatswa wɔ adafi, ni Nyɔŋmɔ ehã amɛ jina lɛ efee yaka lɛ, wɔ fɛɛ tswɛm wɔku wɔsɛɛ kɛba gbogbo lɛ he ekoŋŋ, ni mɔ fɛɛ mɔ tee enitsumɔhe.

Hiob 12:17

Ehãa nilee ŋmɛɔ ajinafoi, ni ehãa kojolɔi tsɔ̃ɔ kwashiai.

Lalai 9:15

Jeŋ maji lɛ egbee bu ni amɛ nɔŋŋ amɛtsa lɛ mli. Tsɔne ni amɛtsɔ̃ amɛtee lɛ edu amɛ.

Lalai 9:16

Yehowa kɛ ejalɛ kojomɔ ehã ale lɛ; mɛi fɔ̃ji edu tsɔne ni amɛ diɛŋtsɛ amɛtsɔ̃ lɛ.

2 Mose 9:16

Shi enɛ hewɔ mihã oyɔɔ wala mli lolo koni majie mihewalɛ kpo matsɔ̃ɔ bo koni akɛtsi mitã yɛ jeŋ fɛɛ.

Abe̱i 19:21

Yiŋtoi pii yɛ gbɔmɔ jwɛŋmɔŋ; shi nɔ ni Yehowa eto lɛ, no baa mli obɔ̃.

Abe̱i 21:30

Gbɔmɔ nilee loo eniiashishinumɔ, loo eŋaawoo ko bɛ ni kɛ Yehowa nɔ lɛ aaafu daa.

Yesaia 8:10

Nyɛkpãŋa; shi fɛɛ aaafee yaka. Nyɛkɛa nɔ ni nyɛyɔɔ kɛɛmɔ, shi fɛɛ aaafee yaka, ejaakɛ Nyɔŋmɔ kɛ wɔ yɛ.

Yāfó 3:37

Namɔ efã ni eba mli pɛŋ akɛ ja Nuŋtsɔ lɛ eŋmɛ gbɛ dã?

Amos 9:3

Kɛji amɛyatee amɛhe yɛ Karmel Gɔŋ lɛ yiteŋ tete lɛ, mibatao amɛ, ni mibamɔmɔ amɛ; ni kɛ amɛtee ŋshɔ shishi amɛyatee mi yɛ jɛi hu, mibafã ŋshɔŋ onufu gbeyeigbeyei lɛ, ni ebaakɔ̃mɔ amɛ.

Luka 16:8

Ni nuŋtsɔ lɛ jie tsulɔnukpa kutumpɔfo lɛ yi akɛ eye sane lɛ ŋaa mli. Ejaakɛ je nɛɛŋ bii lɛ kɛ amɛyinɔbii lɛ yeɔ yɛ ŋaa mli fe la bii lɛ.

1 Korintobii 3:19

Ejaakɛ je nɛɛ mli nilee lɛ ji kwashiai asane yɛ Nyɔŋmɔ hiɛ. Ejaakɛ aŋma akɛ, “Emɔɔ nilelɔi lɛ yɛ amɛŋaa fɔŋ lɛ mli.”

5 Mose 2:30

“Shi Heshbon Maŋtsɛ Sihon ekpɛlɛ̃ɛɛ nɔ akɛ wɔtsɔ̃ eshikpɔŋ lɛ nɔ kɛho, ejaakɛ Yehowa, nyɛNyɔŋmɔ lɛ, hã ekuɛŋ ti, ni ekpliŋ etsui bɔ ni afee ni wɔ kɛ lɛ awu ni wɔye enɔ kunim tamɔ eyɔɔ ŋmɛnɛ nɛɛ lɛ.

Yoshua 11:20

Ejaakɛ Yehowa ninenaa nitsumɔ nɛ, akɛ ehã maji lɛ amli bii lɛ kpliŋ amɛtsui, bɔ ni afee ni amɛ kɛ Israelbii lɛ awu ta koni atsɔ̃ no nɔ amɛkpãtã amɛhiɛ ni mɔbɔnalɛ bɛ mli, tamɔ bɔ ni Yehowa fã Mose lɛ.