2 Samuel 17:11 - ŊMALƐ KRƆŊKRƆŊ LƐ

¹¹ No hewɔ lɛ, ŋaa ni miwoɔ ji akɛ obua Israel maŋ muu lɛ fɛɛ naa, kɛjɛ Dan aahu kɛyashwie Beersheba, amɛyi baafa tamɔ ŋshɔnaa shia. Bo diɛŋtsɛ hu oya ta lɛ eko.

Ṅmãle̱ Kroṅkroṅ Le̱

¹¹ Nohewo̱ le̱ ṅā ni miwoo̱ dši ake̱: ohã abua Israel mū le̱ fẽ nā ahão ke̱-dše̱ Dan ke̱-yaſie Beeršeba, tamo̱ ṅšo̱ nā šia ye̱ fále̱ nā, koni bodientše̱ hũ oya ta le̱.

2 Samuel 17:11 ပူးပေါင်းရင်းမြစ်များ

1 Mose 13:16

Mahã oshwiei afa tamɔ shikpɔŋ mlu, ni kɛji mɔ ko aaanyɛ shikpɔŋ mlu akane lɛ, belɛ aaanyɛ oshwiei lɛ hu akane.

1 Mose 21:14

Abraham te shi leebi maŋkpa. Ekɔ aboloo ni ewo nu kɛ tɔ ekɛtswa Hagar kɔŋ. Ekɛ gbekɛ lɛ hu hã Hagar, kɛkɛ ni ewo lɛ gbɛ. Hagar yi mli ni eyatsomlo yɛ Beersheba ŋa lɛ nɔ.

1 Mose 22:17

hewɔ lɛ, jɔɔmɔ majɔɔ bo, ni mahã oshwiei afa tamɔ ŋwɛi ŋulamii kɛ ŋshɔnaa shia. Oshwiei lɛ aaaye amɛhenyɛlɔi anɔ kunim.

2 Samuel 12:28

No hewɔ lɛ, agbɛnɛ buamɔ maŋ lɛ tabilɔi ni eshwɛ lɛ anaa, koni okɛ amɛ abatua amɛmaŋ wulu lɛ diɛŋtsɛ ni oŋɔ, bɔ ni afee ni mi mikayaŋɔ ni akɛ migbɛi wo maŋ lɛ.”

2 Samuel 24:2

Kɛkɛ ni David kɛɛ Yoab ni ji etatsɛnukpa lɛ akɛ, “Okɛ tabilɔi anɔ asafoiatsɛmɛi ni yɔɔ oshishi lɛ ayakpa Israelbii akutsei lɛ fɛɛ amli, kɛjɛ Dan aahu kɛyashi Beersheba, koni nyɛkane maŋbii lɛ nyɛhã mi koni male amɛyikulɛ.”

2 Samuel 3:10

akɛ ebaahe maŋtsɛyeli lɛ yɛ Saul we lɛ dɛŋ, ni ebaahã David maŋtsɛyeli lɛ ahe shi akɛ Israel kɛ Yuda fɛɛ maŋtsɛ kɛjɛ Dan aahu kɛyashwie Beersheba.”

1 Maŋtsɛmɛi 20:10

Ben-Hadad saa etsu Ahab ŋɔɔ ekoŋŋ, ni abakɛɛ lɛ akɛ, “Kɛji mikɛ tabilɔi bɔ ni sa baaa koni abakpãtã omaŋ lɛ hiɛ koni amɛloo emli mlu lɛ tete amɛhiɛ amɛdɛ̃ kɛya fĩi, no lɛ nyɔŋmɔi lɛ atswa mi nɔ amɛgbe mi.”

1 Maŋtsɛmɛi 4:20

Yuda kɛ Israel yi fa babaoo diɛŋtsɛ tamɔ ŋshɔnaa shia. Amɛyeyeɔ nii, ni amɛnunuɔ dãi, ni amɛmii shɛɔ amɛhe.

Lalai 9:16

Yehowa kɛ ejalɛ kojomɔ ehã ale lɛ; mɛi fɔ̃ji edu tsɔne ni amɛ diɛŋtsɛ amɛtsɔ̃ lɛ.

Yoshua 11:4

Kɛkɛ ni maŋtsɛmɛi nɛɛ fɛɛ fã kɛba kɛ amɛkpɔŋɔi kɛ ta shwiilii babaoo diɛŋtsɛ. Amɛyi fa babaoo oookɛɛ ŋshɔnaa shia.

Kojolɔi 20:1

Kɛkɛ ni Israelbii lɛ fɛɛ, kɛjɛ Dan yɛ kooyigbɛ aahu kɛyashi Beersheba yɛ wuoyigbɛ kɛ Gilead shikpɔŋ lɛ yɛ bokãgbɛ fã kɛba. Amɛbabua amɛhe naa amɛfee asafo kpele kome yɛ Yehowa hiɛ yɛ Mizpa.

1 Samuel 13:5

Kɛkɛ ni Filistibii lɛ bua amɛhe naa koni amɛ kɛ Israelbii lɛ abawu. Amɛhiɛ ta shwiilii akpei nyɔŋmai etɛ̃ kɛ okpɔŋɔnɔtalɔi akpei ekpaa kɛ asraafoi ni yifalɛ oookɛɛ ŋshɔnaa shia; ni amɛfã ta kɛgba, ni amɛbabɔ nsra yɛ Mikmash yɛ Bet-Aven bokãgbɛ.

1 Samuel 3:20

No hewɔ lɛ, gbɔmɛi ni yɔɔ Israel shikpɔŋ lɛ nɔ fɛɛ, kɛjɛ Dan aahu kɛyashwie Beersheba, na le akɛ Samuel lɛ Yehowa gbalɔ anɔkwafo ni.