2 Samuel 17:10 - ŊMALƐ KRƆŊKRƆŊ LƐ

¹⁰ Kɛ eba lɛ nakai lɛ mɔ po ni eji kãkãlɔ, ni etsui wa tamɔ jata tsui lɛ, etsui baafã, ni ehe baajɔ, ejaakɛ Israel fɛɛ le akɛ otsɛ lɛ nuu kakabãa ji lɛ, ni hii ni fata ehe lɛ hu kãkãlɔi ni.

Ṅmãle̱ Kroṅkroṅ Le̱

¹⁰ Ni no le̱ mo po ni dši ekãlo̱ ni etšui tame̱ dšata tšui le̱, etšui bafā; edšake̱ Israel fẽ le ake̱ otše̱ le̱ kakabã dšile̱, ni mei ní fata ehe le̱ hũ ekãlo̱i ni.

2 Samuel 17:10 ပူးပေါင်းရင်းမြစ်များ

1 Mose 49:9

Yuda lɛ, jata binuu ni; mibi yagbe milɛloo ni eku esɛɛ eeba! Eedɛkɛ shi, eebumɔ shi tamɔ jata, tamɔ jatayoo; namɔ aaanyɛ lɛ ajije?

2 Samuel 1:23

“Asumɔ Saul kɛ Yonatan amɛwala be mli, ni amɛhe yɛ fɛo. Amɛgbele mli tete, amɛmli gbalaaa; amɛhe yɛ oya fe okropɔŋ po, ni amɛhe wa hu fe jata.

2 Samuel 17:9

Naa, amrɔ nɛɛ eeeyatee ehe yɛ tɛkplo ko mli loo he ko. Kɛji anu akɛ David etua owebii lɛ, nɔ nɔŋŋ ni mɔ fɛɛ mɔ ni aaanu sane lɛ baakɛɛ kɛkɛ ji akɛ, ‘Agbe Absalom webii lɛ bluublu.’

2 Samuel 23:20

Benaia, Yehoiada bi lɛ, ni jɛ Kabzeel lɛ, lɛ hu hii kakabãi lɛ eko ni; ni efee ekãa naa nibii srɔtoi wuji babaoo. Eko ji akɛ egbe Moabbii tabilɔi enyɔ komɛi. Be ko hu lɛ ekpeleke shi kɛtee, ni eyagbe jata yɛ bu ko mli yɛ snoo be mli.

Lalai 89:19

Blema ko lɛ okɛ otsuji anɔkwafoi lɛ wie yɛ ninaa mli akɛ, “Miye mibua kãkãlɔ ko, miŋɔ mɔ ko yɛ maŋbii lɛ ateŋ ni miwo enɔ.

2 Mose 15:15

Agbɛnɛ shiofɔ̃ eshi Edom maŋtsɛmɛi lɛ anɔ, Moab kãkãlɔi lɛ ahe kpokpo; Kanaanbii fɛɛ ehao.

Abe̱i 28:1

Mɛi fɔ̃ji joɔ foi be mli ni mɔ ko enyiɛɛɛ amɛsɛɛ, shi jalɔi lɛ amɛfeɔ ekãa tamɔ jata.

Salomo Lalai 3:7

Naa, Solomon ji mɔ ni atere yɛ akpãkãi lɛ mli lɛ. Asraafoi kakabãŋi nyɔŋmai ekpaa ni jɛ Israel kãkãalɔi ateŋ lɛ ebɔle ehe.

Yesaia 13:7

No hewɔ lɛ, mɔ fɛɛ mɔ niji baagboi yɛ ehe, gbɔmɛi adesai fɛɛ atsuii baafã,

Yesaia 19:1

Ijipt toigbalamɔ he gbalɛ nɛ. Naa, Yehowa ta atatu ni hiɛ foi nɔ kɛmiiba Ijipt. Ijipt amãgãi lɛ atsui efã yɛ ehiɛ.

Ezekiel 21:15

koni amɛshe gbeyei, ni mɛi babaoo agbeegbee shi hewɔ mitsɔ̃ klante lɛ naa mihã maŋ lɛ agboi lɛ anaa. Mikɛ klante ni kpɛlɛɔ tamɔ srawa lɛ ehã. Ehe miikpɛ tamɔ srawa. Asha he kɛha mɔgbee.

5 Mose 1:28

Nɛgbɛ wɔɔtsɔ̃ kɛya?’ Wɔnyɛmimɛi lɛ ehã wɔtsui efã, ejaakɛ amɛkɛɛ, ‘Gbɔmɛi lɛ dara ni amɛkwɔlɔ fe wɔ; amɛmaji lɛ hu dara, ni atswa gbogboi ni kwɔlɔ kɛyashi ŋwɛi awowoo amɛhe; ni wɔna Anakbii tete yɛ jɛi.’

Hebribii 11:34

amɛgbe la hewalɛ, amɛje klantei anaa, amɛna hewalɛ kɛjɛ gbedemɔ mli, amɛhe wa yɛ ta mli, amɛwo mɛi kpɔ̃ji ata lɛ foi.

1 Samuel 16:18

Oblahii lɛ ateŋ mɔ kome here nɔ ni ekɛɛ akɛ, “Mile Yeshai, Betlehemnyo lɛ, binuu ko ni ehe esa kɛ saŋkutswaa jogbaŋŋ diɛŋtsɛ; oblanyo kãkãlɔ ni sheee ta naa gbeyei, ni ele mɔ kɛ wiemɔ, ni ehe hu yɛ fɛo, ni Yehowa kɛ lɛ yɛ.”

1 Samuel 18:17

Saul wo David shi akɛ, “Bɛ ona mibiyoo nukpa Merab lɛ? Mikɛ lɛ baahã bo gbãlã kɛji ooofee ekãa kɛkɛ ni okɛ Yehowa henyɛlɔi lɛ aaawu ahã mi lɛ.” Saul susumɔ ji akɛ, lɛ tuuŋtu lɛ, ekɛ enine etaŋ David he, shi Filistibii lɛ ji mɛi ni baagbe David ahã lɛ yɛ tai lɛ eko mli.