2 Samuel 16:2 - ŊMALƐ KRƆŊKRƆŊ LƐ

² Maŋtsɛ David bi Ziba akɛ, “Mɛni okɛ enɛɛmɛi fɛɛ yaafee?” Ziba jie naa ni ekɛɛ, “Tejii lɛ, koni akɛhã maŋtsɛ weku lɛ ni amɛtara nɔ; ni aboloo lɛ kɛ tsei ayibii lɛ, akɛyahã oblahii lɛ ni amɛye, ni wain lɛ, kɛji etɔ amɛteŋ mɔ ko yɛ ŋa lɛ nɔ lɛ, koni ahã mɔ lɛ eko ni enu.”

Ṅmãle̱ Kroṅkroṅ Le̱

² Ni maṅtše̱ le̱ kē̱ Ziba ake̱: Meni oyafe ene̱mei ahe? Ni Ziba kē̱: Tedšii le̱ aṅõ-hã maṅtše̱ we le̱ ní ame̱trá no̱, ni abolo ke̱ tšeiayibii le̱ oblahĩĩ le̱ anõṅ ní ame̱ye, ní wein le̱, ké̱ eto̱ moko ye̱ ṅã le̱ no̱ le̱ ní enu.

2 Samuel 16:2 ပူးပေါင်းရင်းမြစ်များ

1 Mose 21:29

Abimelek bi Abraham akɛ, “Nɛkɛ gwantɛŋ biyei kpawo ni ojie oto afã nɛɛ, te eshishiŋ?”

1 Mose 33:8

Kɛkɛ ni Esau bi akɛ, “Kuikui ni mikɛkpe nɛɛ fɛɛ lɛ te eshishi hu?” Ni Yakob hã hetoo akɛ, “Bɔ ni afee ni minuŋtsɔ ahã mi hiɛ.”

2 Samuel 15:1

Sane nɛɛ sɛɛ lɛ Absalom to shwiilii kɛ okpɔŋɔi ehã ehe; ni esaa hii tabilɔi nyɔŋmai enumɔ eto koni amɛnyiɛ esɛɛ.

2 Samuel 15:23

Maŋ muu lɛ fɛɛ wo yara amɛfo be ni David kɛ esɛɛbii lɛ fã kɛhoɔ lɛ. Ekɛ amɛ fɛɛ yafo Kidron Faa lɛ, ni amɛwo amɛyi amɛma ŋa lɛ nɔ gbɛ.

2 Samuel 17:29

kɛ wo kɛ butru kɛ too kɛ tsina keesui, ni amɛkɛbahã David kɛ ewebii ni fata ehe lɛ koni amɛye, ejaakɛ amɛle akɛ etɔ amɛ, ni hɔmɔ kɛ kumai hu fɛɛ eye amɛ yɛ ŋa lɛ nɔ.

2 Samuel 19:26

Mefiboshet jie naa akɛ, “Minuŋtsɔ Maŋtsɛ, ole akɛ akpaketsɛ ji mi. Mikɛɛ mitsulɔ lɛ akɛ ewo teji nɔ nii ehã mi koni mata nɔ ni mikɛ bo aya, shi elaka mi kɛ̃,

Ezekiel 37:18

Ni kɛji omaŋbii lɛ bi bo akɛ, ‘Otsɔ̃ɔɔ wɔ enɛ shishi lo?’ lɛ.”

Kojolɔi 10:4

Eyɛ bihii nyɔŋmai etɛ̃; amɛteŋ mɔ fɛɛ mɔ yɛ eteji ni etaa nɔ. Amɛyɛ maji nyɔŋmai etɛ̃ yɛ Gilead shikpɔŋ lɛ nɔ. Atsɛɔ maji nɛɛ Yair akrowai kɛbashi ŋmɛnɛ.

Kojolɔi 5:10

“Nyɛgbaa, nyɛ mɛi ni nyɛtara tejii yɛji anɔ, nyɛ mɛi ni nyɛtara kuŋtui fɛɛfɛji anɔ, kɛ nyɛ mɛi ni nyɛnyiɛ gbɛ lɛ nɔ.

1 Samuel 14:28

Shi tabilɔi lɛ ateŋ mɔ ko kɛɛ Yonatan akɛ, “Otsɛ kã maŋ lɛ kitã veveeve akɛ, ‘Mɔ fɛɛ mɔ ni aaasa enaa nɔ ko ŋmɛnɛ lɛ, loomɔ kɛ̃ aaalomɔ lɛ; ni no ji biti ni maŋbii lɛ etɔ kɛ hɔmɔ nɛɛ.’ ”

1 Samuel 25:27

Agbɛnɛ, minuŋtsɔ, naa nikeenii ni otsulɔ yoo kɛba koni okɛhã oblahii ni nyiɛ osɛɛ lɛ.