2 Samuel 16:11 - ŊMALƐ KRƆŊKRƆŊ LƐ

¹¹ Kɛkɛ ni David kɛɛ Abishai kɛ lɛ David etsuji krokomɛi lɛ fɛɛ akɛ, “Kɛji mi diɛŋtsɛ mimusuŋbi miitao mi egbe lɛ, mɛni hewɔ esa akɛ nɔ ni Benyaminnyo nɛɛ feɔ lɛ afee nyɛ naakpɛɛ? Nyɛŋmɛa ehe ni elomɔa, ejaakɛ Yehowa ni tsu lɛ koni ebafee.

Ṅmãle̱ Kroṅkroṅ Le̱

¹¹ Ni David kē̱ Abišai ke̱ etšũdši le̱ fẽ ake̱: Na, midientše̱ mimũsũṅbi po taoo̱mi agbe ne̱, āhũ ní mbasroo Benyaminnyo ne̱? Nyeṅmẽale̱ gbe̱ ni elomo̱a; edšake̱ Iehowa kē̱ efe.

2 Samuel 16:11 ပူးပေါင်းရင်းမြစ်များ

1 Mose 15:4

Kɛkɛ ni Yehowa kɛɛ Abram akɛ, “Mɔ nɛ yeŋ onii; shi moŋ bi ni aaajɛ bo diɛŋtsɛ omusuŋ lɛ, lɛ ebaaye onii.”

1 Mose 45:5

Amrɔ nɛɛ nyɛkahãa edɔa nyɛ ni nyɛmli akawowoa nyɛhe la hu yɛ hɔɔmɔ ni nyɛhɔɔ mi kɛba biɛ lɛ hewɔ; ejaakɛ Nyɔŋmɔ diɛŋtsɛ ni tsu mi kɛtsɔ̃ nyɛhiɛ kɛba biɛ koni atsɔ̃ minɔ ahere mɛi ayiwala.

2 Samuel 20:1

Nuu yakagbɔmɔ ko baje Gilgal. Atsɛɔ lɛ Sheba, ni etsɛ gbɛi ji Bikri, Benyaminnyo lɛ. Sheba kpã tɛtɛrɛmantɛrɛ ni ebo ekɛɛ akɛ, “Israel eei! Wɔbɛ gbɛnaa ko yɛ David gbɛfaŋ. Wɔ kɛ Ishai bi lɛ ejaaa nɔ ko. No hewɔ lɛ, mɔ fɛɛ mɔ aya ewe.”

2 Samuel 7:2

etsɛ gbalɔ Natan ni ekɛɛ lɛ akɛ, “Bɛ oona akɛ, mi lɛ, mina tsenedru tsu mli mikã be mli ni Nyɔŋmɔ Kpãŋmɔ Adeka lɛ yɛ buu mli?”

2 Maŋtsɛmɛi 19:37

Ni eba mli akɛ gbi ko be ni ejaa yɛ enyɔŋmɔ Nisrok we lɛ, lɛ diɛŋtsɛ emusuŋ bihii enyɔ, Adramelek kɛ Sharezer, yagbe lɛ kɛ klante, ni amɛjo foi kɛtee Ararat shikpɔŋ lɛ nɔ, ni ebinuu kroko, Esar-Hadon, baye maŋtsɛ yɛ esɛɛ.

2 Kronika 32:21

Kɛkɛ ni Yehowa tsu bɔfo ko, ni ebagbe tabilɔi kãkãlɔi lɛ kɛ tatsɛmɛi lɛ kɛ asafoiatsɛmɛi lɛ fɛɛ ni yɔɔ Asiria maŋtsɛ lɛ tabilɔi lɛ ateŋ lɛ. No hewɔ lɛ, Asiria maŋtsɛ lɛ ku esɛɛ kɛtee eshikpɔŋ lɛ nɔ kɛ hiɛgbele. Ni be ni etee eyabote ejemawɔŋ lɛ we lɛ mli lɛ, lɛ diɛŋtsɛ emusuŋ bihii bamɔ lɛ klante, ni amɛgbe lɛ.

Lalai 109:28

Hã amɛ lɛ, amɛlomɔ mi; shi bo lɛ ojɔɔ mi! Hã mɛi ni heɔ mi agbe lɛ ahiɛ agboi. Shɛjemɔ otsulɔ mii.

Ezekiel 14:9

“Ni kɛji nɔ ko aaalaka gbalɔ lɛ ni ewie wiemɔ ko lɛ, belɛ mi, Yehowa, mi ji mɔ ni laka nakai gbalɔ lɛ, ni mikɛ lɛ aaaye; makpãtã ehiɛ kɛaaje mimaŋ Israelbii lɛ ateŋ.

Ezekiel 20:25

“No hewɔ lɛ, mi hu miwo amɛ mlai ni ehiii, kɛ akpɔi ni haŋ amɛna wala.

Mateo 10:21

“Shi nyɛmi kɛ nyɛmi aaahã gbele, ni tsɛ kɛ bi aaahã, ni bii aaate shi awo amɛfɔlɔi, ni amɛaahã agbe amɛ.

1 Samuel 26:19

Taflatsɛ, minuŋtsɔ maŋtsɛ abo nɔ ni etsulɔ yɔɔ kɛɛmɔ toi fioo. Kɛji Yehowa diɛŋtsɛ ni etee bo shi ewo mi lɛ, mibashã he afɔle kɛkpa he fai. Shi kɛji gbɔmɛi adesai abii ni ehã ote shi owo mi lɛ, no lɛ Yehowa aaawo amɛ he nyɔmɔ, ejaakɛ amɛshwie mi ŋmɛnɛ akɛ mikahi Yehowa shikpɔŋ lɛ nɔ, shi moŋ miya ni miyasɔmɔ jemawɔji.