2 Samuel 16:10 - ŊMALƐ KRƆŊKRƆŊ LƐ

¹⁰ Shi David kɛɛ Abishai kɛ enyɛbi Yoab akɛ, “Nyɛhe sane ko mɛ? Kɛji eelomɔ mi, ejaakɛ Yehowa ni tsu lɛ koni ebafee nakai lɛ, namɔ yɔɔ hegbɛ ni ebiɔ he sane ko?”

Ṅmãle̱ Kroṅkroṅ Le̱

¹⁰ Ši maṅtše̱ le̱ kē̱: *Té mafe nyehe tẽṅ, nye Zeruia bii ne̱? Hã elomo̱ ke̱ke̱, edšake̱ kē̱ Iehowa ekē̱le̱ ake̱: Lomo̱ David! le̱, namo aakē̱ ake̱: Mẽhewo̱ ni ofe nakai? *19,23.

2 Samuel 16:10 ပူးပေါင်းရင်းမြစ်များ

1 Mose 50:20

Tsɛbelɛ, nyɛ lɛ, nyɛto nyɛyiŋ akɛ nyɛaafee mi efɔŋ, shi Nyɔŋmɔ hã etsɔ̃ nɔ kpakpa; bɔ ni afee ni atsɔ̃ no nɔ ahere mɛi babaoo ayiwala, tamɔ bɔ ni eba mli ŋmɛnɛ nɛɛ.

2 Samuel 19:22

Shi David to he ni ekɛɛ Zeruia bi Abishai kɛ enyɛmi Yoab akɛ, “Nyɛhe sane ko mɛ? Nyɛkawoa minajiaŋ. Ani ŋmɛnɛ ni mitsɔ̃ Israel fɛɛ maŋtsɛ lɛ, ani abaagbe Israelnyo lo?”

2 Samuel 19:23

Kɛkɛ ni David kɛɛ Shimei akɛ, “Agbeŋ bo!” Ni maŋtsɛ lɛ kã Shimei kitã.

2 Samuel 3:39

Afɔ mi mu awo mi Israel Maŋtsɛ moŋ nɛ, shi amrɔ nɛɛ nɛkɛ Zeruia bihii nɛɛ asane lɛ ebaje mi ablaŋ, ni ehiii mi nɔ ko feemɔ. Yehowa awo efɔŋfeelɔ lɛ nyɔmɔ yɛ enɔfɔŋ lɛ naa!”

1 Maŋtsɛmɛi 17:18

Kɛkɛ ni yoo lɛ kɛɛ Elia akɛ, “Ao Nyɔŋmɔ gbɔmɔ, mɛni mifee bo! Obato mi koni akai efɔŋ ni mifee, koni agbe mibinuu lɛ lo?”

1 Maŋtsɛmɛi 2:5

“Solomon, ohiɛ akakpa nɔ ni Zerua bi Yoab fee mi lɛ nɔ, bɔ ni egbe Israel tatsɛmɛi enyɔ. Ner bi Abner kɛ Yeter bi Amasa, kɛtɔ ta mli lá shi ni ashwie he owele, be mli ni ta bɛ lɛ. Etɔ̃, ni no hewɔ lɛ, okɛ lɛ aye

2 Maŋtsɛmɛi 18:25

Asaŋ, ani osusuɔ akɛ mije Yehowa sɛɛ, ni mifã mibatua oshikpɔŋ lɛ ni mibakpãtã ehiɛ ni Yehowa leee he eko lo? Yehowa moŋ ni kɛɛ mi akɛ, “Fãa ni oyatua shikpɔŋ lɛ ni okpãtã hiɛ!”

Hiob 9:12

Naa, nɔ ni etaoɔ lɛ ekɔɔ; namɔ aaanyɛ enaa atsi? Namɔ aaanyɛ akɛɛ lɛ akɛ, “Mɛni ofeɔ nɛɛ?

Lalai 39:9

Mitɔ mu: mitswaaa misɛŋ, ejaakɛ bo ohã mipiŋ.

Jajelɔ 8:4

Kɛji maŋtsɛ kɛɛ lɛ, akɛɛɛ dɔŋŋ; ni namɔ po baanyɛ lɛ ebi akɛ, “Mɛni po ofeɔ nɛɛ?”

Yāfó 3:37

Namɔ efã ni eba mli pɛŋ akɛ ja Nuŋtsɔ lɛ eŋmɛ gbɛ dã?

Daniel 4:35

Shikpɔŋ lɛ nɔ gbɔmɛi jeee fɛifɛi yɛ ehiɛ, ŋwɛi bɔfoi kɛ adesai fɛɛ yɛ eshishi. Mɔ ko nyɛŋ enine etswa efɔ̃, loo eeebi lɛ akɛ, ‘Mɛni ofeɔ nɛɛ?’

Mateo 16:23

Shi etsɔ̃ ehe ekɛɛ Petro akɛ, “Jee mihiɛ, Satan! Ootɔ̃tɔ̃ minane; ejaakɛ ojwɛŋŋ Nyɔŋmɔ nii ahe, shi gbɔmɛi anii ahe moŋ ojwɛŋɔ.”

Mateo 8:29

Ni naa, amɛbolɔ amɛkɛɛ, “Mɛɛ sane wɔkɛ bo yɔɔ, bo Yesu Nyɔŋmɔ Bi lɛ? Ani oba biɛ ni obawo wɔ hejaramɔ dani be lɛ ashɛ?”

Yohane 18:11

No hewɔ lɛ, Yesu kɛɛ Petro akɛ, “Kɛ oklante lɛ awo ehebo lɛ mli! Ani kpulu ni miTsɛ kɛhã mi lɛ, mikanu?”

Romabii 9:20

Shi, bo gbɔmɔ, namɔ ji bo, ni okɛ Nyɔŋmɔ kaneɔ? Ani nɔ ni ashɔ̃ lɛ aaabi mɔ ni shɔ̃ lɛ lɛ akɛ, “Mɛɛba oshɔ̃ mi nɛkɛ?”

1 Petro 2:23

Mɔ ni be ni ajɛɔ lɛ lɛ, ejɛɛɛ mɔ ko etooo najiaŋ, be ni enaa amanehulu lɛ, elomɔɔɔ mɔ ko, shi moŋ etu esane ewo mɔ ni kojoɔ jalɛ naa lɛ dɛŋ lɛ.

1 Samuel 26:19

Taflatsɛ, minuŋtsɔ maŋtsɛ abo nɔ ni etsulɔ yɔɔ kɛɛmɔ toi fioo. Kɛji Yehowa diɛŋtsɛ ni etee bo shi ewo mi lɛ, mibashã he afɔle kɛkpa he fai. Shi kɛji gbɔmɛi adesai abii ni ehã ote shi owo mi lɛ, no lɛ Yehowa aaawo amɛ he nyɔmɔ, ejaakɛ amɛshwie mi ŋmɛnɛ akɛ mikahi Yehowa shikpɔŋ lɛ nɔ, shi moŋ miya ni miyasɔmɔ jemawɔji.