2 Samuel 16:1 - ŊMALƐ KRƆŊKRƆŊ LƐ

¹ David efo mli yɛ gɔŋ lɛ yiteŋ fioo kɛmiiya kɛkɛ ni Ziba, Mefiboshet tsulɔ lɛ, kɛ lɛ bakpe trukaa ni ehiɛ tejii enyɔ ni tere aboloo akwaabɔi ohai enyɔ kɛ wainyibii ni aka ni egbi shabii oha, kɛ agbãmi ŋmɔŋ shabii oha, kɛ wain wolotɔ kome.

Ṅmãle̱ Kroṅkroṅ Le̱

¹ Ni beni David efoṅ ye̱ goṅ le̱ yiteṅ fiō le̱, na, *Ziba, Mefibošet tšũlo̱ le̱, ke̱-le̱ bakpe ke̱ tedšii enyo̱ ni awo ame̱no̱ nii, ni ame̱tĕre abolo akwābo̱i ohai-enyo̱ ke̱ weinyibii ni egbi šabii oha ke̱ agbãmi tatalei oha ke̱ wein woloto̱ kome. *9.2.

2 Samuel 16:1 ပူးပေါင်းရင်းမြစ်များ

2 Samuel 15:30

Maŋtsɛ David kwɔ Mu Gɔŋ lɛ ni yaafonu jwere ehiɛ, ni eha eyiteŋ, ni asaŋ enyiɛ enane folo. Ni esɛɛbii lɛ ateŋ mɔ fɛɛ mɔ ni kɛ lɛ nyiɛ lɛ hu eha eyiteŋ; ni be ni amɛyaa lɛ amɛmiifo.

2 Samuel 15:32

Be ni David shɛ gɔŋ lɛ yiteŋ he ni ajaa Nyɔŋmɔ yɛ lɛ, ekɛ Hushai, enaanyo Arkinyo lɛ, kpe kɛ ehe atade ni egbala, asaŋ kɛ eyiteŋ fɛɛ mlu.

2 Samuel 19:17

Benyaminhii akpe fata ehe. Ziba, Saul we lɛ tsulɔ lɛ, kɛ ebihii nyɔŋma kɛ enumɔ kɛ etsuji nyɔŋmai enyɔ hu ba. Ni amɛbashɛ Yordan lɛ naa be mli ni Maŋtsɛ David shɛko shi.

2 Samuel 19:32

Barzilai egbɔ naakpa, eye afii nyɔŋmai kpaanyɔ. Niiatsɛ kpanaa ji lɛ, ni be mli ni Maŋtsɛ David yɔɔ Mahanaim lɛ, ebahãa lɛ niyenii.

1 Kronika 12:40

Israelbii lɛ ananemɛi ni amɛkɛ amɛ bɛŋkɛ bake amɛ nii. Ni ajɛ aahu ajɛ Isakar kɛ Zebulon kɛ Naftali niiaŋ tɔ̃ɔ aba kɛ tejii kɛ yoomai kɛ tejiokpɔŋɔi kɛ tsinai ni akɛ niyenii srɔtoi etere amɛ: mã kɛ agbãmi kɛ wain kɛ mu. Amɛbake tsinai kɛ toi hu, ni agbe ni aye. Amɛfee enɛɛmɛi fɛɛ ejaakɛ miishɛɛ eba Israel shikpɔŋ lɛ nɔ.

Abe̱i 18:16

Gbɔmɔ dɛŋ nikee jeɔ gbɛ hãa lɛ; ni ekɛ lɛ yaa mɛi wuji ahiɛ.

Yeremia 40:10

Mi lɛ mibahi Mizpa, koni madamɔ nyɛnaa kɛji Babilonbii lɛ ba wɔŋɔɔ. Shi nyɛ lɛ nyɛhia maji ni nyɛŋɔŋɔɔ lɛ amli, ni nyɛbuaa wain kɛ aduawai kɛ mu naa nyɛwoa nyɛnibii amli nyɛtoa.”

Yeremia 40:12

Kɛkɛ ni Yudafoi lɛ fɛɛ ku amɛsɛɛ kɛjɛ hei fɛɛ ni amɛgbɛ amɛshwã kɛtee lɛ, ni amɛba Gedalia ŋɔɔ yɛ Mizpa yɛ Yuda shikpɔŋ lɛ nɔ. Amɛbua wain kɛ aduawai babaoo diɛŋtsɛ naa amɛto.

Amos 8:1

Yehowa, Taiatsɛ lɛ, jie ninaa nɛɛ etsɔ̃ɔ mi, Mina kɛntɛŋ kɛ emli tsei ayibii ni etsu.

Mika 7:1

Kpoo hã mi! Mitsɔ̃ tamɔ mɔ ko ni hɔmɔ miiye lɛ ni eetao tsoyibii loo wainyibii ko eye, ejaakɛ akpa wainyibii kɛ agbãmii ni ŋɔɔ lɛ fɛɛ atã, ni shao ko bɛ ni aaana aye; agbãmi hee ni mitsui shweɔ lɛ eko bɛ.

1 Samuel 10:3

Kɛji oshi jɛi lɛ obaaya ohiɛ aahu kɛyashi oooyashɛ Tabor odum kpeteŋkple lɛ he. Hii etɛ̃ komɛi ni miiya Betel ayashã afɔle ahã Nyɔŋmɔ kɛ bo baakpe yɛ jɛi. Amɛteŋ mɔ kome hiɛ abotiabii etɛ̃, ni mɔ kome hu hiɛ aboloo akwaabɔi etɛ̃, ni mɔ kome hu hiɛ wain wolo tɔ kome.

1 Samuel 16:20

Yeshai kɛ aboloo kɛ wain ni yɔɔ kooloo wolo tɔ mli kɛ abotiabi tere teji, ni ekɛhã David koni ekɛyahã Saul.

1 Samuel 25:18

Abigail he fee oya, ni ekɔlɔ aboloo akwaabɔi ohai enyɔ, ni ekɛfata wain wolo tɔi enyɔ, kɛ too gwantɛŋi enumɔ ni asaa momo, kɛ mamu okpolui enumɔ, kɛ wain yibii ni aka ni egbi shabii oha, kɛ agbãmi ni abɔlɔ lɛ akwaabɔi ohai enyɔ ahe, ni afi fɛɛ jatsu ni ekɛtere tejii,