2 Samuel 15:31 - ŊMALƐ KRƆŊKRƆŊ LƐ

³¹ Ni mɔ ko bagba Maŋtsɛ David akɛ Ahitofel hu shi maŋjwalɔi lɛ anɔ. Kɛkɛ ni David sɔle ekpa Yehowa fai, ni ekɛɛ, “Oo, Yehowa, miikpa bo fai, hã ŋaa fɛɛ ŋaa ni Ahitofel baawo lɛ atsɔ̃ kwashiai aŋaa.”

Ṅmãle̱ Kroṅkroṅ Le̱

³¹ Ni moko bagba David ake̱: Ahitofel ye̱ mei ní ke̱ Absalom ekpãṅ le̱ ateṅ! Ni David kē̱: Iehowa, ofai ne̱, ní ohã Ahitofel ṅāwō le̱ atšṍ kwašiai asane!

2 Samuel 15:31 ပူးပေါင်းရင်းမြစ်များ

2 Samuel 15:12

Be mli ni Absalom shãa afɔlei lɛ, etsu ayatsɛ Ahitofel, Gilonyo lɛ, Maŋtsɛ David ŋaawolɔ, yɛ emaŋ Gilo lɛ abahã lɛ. Kɛkɛ ni maŋtsɛ lɛ he yiŋ fɔŋ ni etoɔ lɛ mli bawa, ni Absalom sɛɛbii lɛ ayi bafa jogbaŋŋ.

2 Samuel 16:23

Nakai be lɛ mli lɛ ŋaa fɛɛ ŋaa ni Ahitofel aaawo lɛ, aŋɔɔ lɛ tamɔ nii ni atee ayabi Nyɔŋmɔ. No hewɔ ni David kɛ Absalom fɛɛ buɔ eŋaawoo lɛ.

2 Samuel 17:14

Absalom kɛ Israelbii lɛ fɛɛ kɛɛ akɛ, “Hushai, Arkinyo lɛ ŋaawoo lɛ hi fe Ahitofel nɔ lɛ.” Ejaakɛ Yehowa eto akɛ akaye Ahitofel ŋaawoo kpakpa lɛ nɔ bɔ ni afee ni Yehowa ahã nɔ fɔŋ aba Absalom nɔ.

2 Samuel 17:23

Be ni Ahitofel na akɛ ayeee ŋaa ni ewo lɛ nɔ lɛ, ewo eteji nɔ nii, kɛkɛ ni eshi kɛtee emaŋ; ni be ni eto enibii fɛɛ gbɛjianɔ lɛ, eyawo esɛ̃ kpãa, ni egbe ehe. Afu lɛ yɛ etsɛ gbonyo fuuhe lɛ mli.

2 Samuel 17:5

Shi Absalom kɛɛ akɛ, “Kɛ̃lɛ nyɛtsɛa Hushai, Arkinyo lɛ, hu kɛbaa koni wɔbo nɔ ni yɔɔ lɛ hu enaa toi.”

2 Samuel 17:7

Hushai hã Absalom hetoo ni ekɛɛ, “Ŋaa ni Ahitofel wo ŋmɛnɛ lɛ ehiii.

Hiob 5:12

Efiteɔ ŋai ni hiɛtɛ̃lɔi tsɔ̃ɔ, ni ehãa amɛnine nyɛɔ shi.

Lalai 109:3

Amɛhetsɛ̃ wiemɔi efo sa ewo mihe; amɛtua mi yakatswaa ni mifeko nɔ ko.

Lalai 3:1

Oo Yehowa, kwɛ mɛi abɔ sɔŋŋ ni haoɔ mi! Mɛi babaoo ni teɔ shi woɔ mi!

Lalai 41:9

Mi diɛŋtsɛ mishieŋtsɛ po ni miheɔ lɛ miyeɔ, mɔ ni yeɔ midɛŋ aboloo lɛ efã ntia eshi mi.

Lalai 55:10

Amɛnyiɛɔ maŋ gbogboi lɛ anɔ kɛbɔleɔ maŋ lɛ, shwaneshwane kɛ nyɔɔŋnyɔɔŋ fɛɛ; nifɔɔjianii kɛ haomɔ sɔŋŋ yɔɔ maŋ lɛŋ.

Lalai 55:12

Henyɛlɔ ni bɔɔ mi ahora lɛ kulɛ, mamɔ mli nakai; ni asaŋ mɔ ni he tsɛ̃ɔ mi lɛ ni kulɛ, maŋɔ mihe matee lɛ.

Yesaia 19:3

Mahã Ijiptbii awerɛ aho amɛhe fe nine, ni amɛyiŋtoi fɛɛ baafee yaka. Amɛbaaya amãgãi kɛ klamɔfoi kɛ sisai aŋɔɔ amɛyabi nii.

Yesaia 44:25

Mɔ ni hãa amalelɔi agbalɛi feɔ yaka, ni ehãa klamɔi tsɔ̃ɔ kwashiai, mɔ ni kũɔ nilelɔi anaa, ni ehãa amɛnilee lɛ tsɔ̃ɔ kwashiai anii lɛ.

Yohane 13:18

“Jeee nyɛ fɛɛ nyɛhe miwieɔ; mi lɛ mile mɛi ni mihala; shi moŋ bɔ ni afee ni nɔ ni aŋma lɛ aba mli akɛ, ‘Mɔ ni yeɔ midɛŋ aboloo lɛ, ewo enanetsitsi eshi mi.’

1 Korintobii 1:20

Nɛgbɛ nilelɔ yɔɔ? Nɛgbɛ mlatsɔɔlɔ yɔɔ? Nɛgbɛ je nɛɛŋ naataalɔ yɔɔ? Ani Nyɔŋmɔ hãko je lɛ mli nilee lɛ atsɔ̃ kwashiai asane?

Yakobo 3:15

Nɛkɛ nilee nɛɛ, jeee ŋwɛi ejɛ, shi moŋ shikpɔŋ nɔ nɔ ni, heloo naa nɔ ni, mumɔi fɔ̃ji anɔ ni.