2 Samuel 15:23 - ŊMALƐ KRƆŊKRƆŊ LƐ

²³ Maŋ muu lɛ fɛɛ wo yara amɛfo be ni David kɛ esɛɛbii lɛ fã kɛhoɔ lɛ. Ekɛ amɛ fɛɛ yafo Kidron Faa lɛ, ni amɛwo amɛyi amɛma ŋa lɛ nɔ gbɛ.

Ṅmãle̱ Kroṅkroṅ Le̱

²³ Ni šikpoṅ le̱ no̱ bii le̱ fẽ fó ke̱ gbē wale̱, ni maṅ mū le̱ fẽ foṅ ke̱-ho, ni maṅtše̱ le̱ dientše̱ fo *Kidron fā le̱, ni maṅ mū le̱ fẽ foṅ ke̱-ho ke̱-tšṍ ṅã le̱ no̱ gbe̱ le̱ no̱ gbe̱. *Ioh. 18,1.

2 Samuel 15:23 ပူးပေါင်းရင်းမြစ်များ

2 Samuel 15:22

Kɛkɛ ni David kɛɛ Itai akɛ, “Ojogbaŋŋ, ba ni obaho”. Kɛkɛ ni Itai, Gatnyo lɛ kɛ esɛɛ hii lɛ fɛɛ kɛ amɛbii kɛ amɛhɔi fɛɛ ni ekɛnyiɛ lɛ baho.

2 Samuel 15:28

Mibamɛ yɛ faafoohe lɛ yɛ ŋa lɛ nɔ kɛyashi beyinɔ ni minine aaashɛ nyɛdɛŋ adafitswaa ko nɔ.”

2 Samuel 16:2

Maŋtsɛ David bi Ziba akɛ, “Mɛni okɛ enɛɛmɛi fɛɛ yaafee?” Ziba jie naa ni ekɛɛ, “Tejii lɛ, koni akɛhã maŋtsɛ weku lɛ ni amɛtara nɔ; ni aboloo lɛ kɛ tsei ayibii lɛ, akɛyahã oblahii lɛ ni amɛye, ni wain lɛ, kɛji etɔ amɛteŋ mɔ ko yɛ ŋa lɛ nɔ lɛ, koni ahã mɔ lɛ eko ni enu.”

1 Maŋtsɛmɛi 15:13

Asa kpa enyɛ Maaka tete maŋnyɛyeli; ejaakɛ enyɛ nɛɛ fee Ashera amãgã ko ni eji nihii nii. Asa folɔ tso amãgã lɛ mli, ni eyashã yɛ Kidron jɔɔ lɛ mli.

1 Maŋtsɛmɛi 2:37

Ejaakɛ gbi nɔ ni oooje kpo oyafo Kidron faa lɛ, na ole akɛ gbo obaagbo, olá abua bo diɛŋtsɛ oyiteŋ!”

2 Kronika 29:16

Osɔfoi lɛ bote Yehowa We lɛ mli diɛŋtsɛ koni amɛyatsuu jɛi. Amɛloo nibii fɛɛ ni buleɔ Yehowa Sɔlemɔtsu lɛ kɛje kpo kɛba Yehowa We lɛ kpo teŋ lɛ mli; kɛkɛ ni Levibii lɛ hu loo nibii nɛɛ kɛtee amɛkɛyawo Kidron faa lɛ mli.

Yeremia 31:40

Jɔɔ ni eyi obɔ̃ kɛ gbohii kɛ tumo lɛ, kɛ ŋmɔji lɛ fɛɛ aahu kɛyashi Kidron Faa lɛ naa, kɛyashi Okpɔŋɔi Agbo lɛ koŋ ni ye bokãgbɛ lɛ he lɛ, enɛɛmɛi fɛɛ baatsɔ̃ nɔ krɔŋkrɔŋ ahã Yehowa. Akumɔŋ, ni abutuŋ maŋ nɛɛ dɔŋŋ kɔkɔɔkɔ kɛaatee naanɔ.”

Mateo 3:1

Nakai bei lɛ amli lɛ Yohane Baptisilɔ lɛ ba ebashiɛ yɛ Yudea ŋa lɛ nɔ,

Mateo 3:3

Shi mɔ nɛ ji mɔ he ni gbalɔ Yesaia wie akɛ, “Mɔ ko gbee miibo yɛ ŋa lɛ nɔ akɛ, ‘Nyɛsaa Nuŋtsɔ lɛ gbɛ lɛ! Ni nyɛfea etɛmpɔŋi lɛ trɔmɔɔ!’ ”

Luka 1:80

Ni gbekɛ lɛ bada, ni ehe wa yɛ mumɔ mli, ni ehi ŋa lɛ nɔ kɛyashi gbi nɔ ni akɛ lɛ tsɔ̃ɔ Israel.

Yohane 18:1

Be ni Yesu wie nɛkɛ sɔlemɔ wiemɔi nɛɛ lɛ, ekɛ ekaselɔi lɛ je kpo amɛyafo Kedron faa lɛ kɛtee he ni trom ko yɔɔ lɛ ni ekɛ amɛ tee mli.

Romabii 12:15

Nyɛkɛ mɛi ni nyãa lɛ anyãa, ni nyɛkɛ mɛi ni foɔ lɛ afoa.