2 Samuel 15:12 - ŊMALƐ KRƆŊKRƆŊ LƐ

¹² Be mli ni Absalom shãa afɔlei lɛ, etsu ayatsɛ Ahitofel, Gilonyo lɛ, Maŋtsɛ David ŋaawolɔ, yɛ emaŋ Gilo lɛ abahã lɛ. Kɛkɛ ni maŋtsɛ lɛ he yiŋ fɔŋ ni etoɔ lɛ mli bawa, ni Absalom sɛɛbii lɛ ayi bafa jogbaŋŋ.

Ṅmãle̱ Kroṅkroṅ Le̱

¹² Ni beni Absalom šãa afo̱lei le̱, etšũ ayakpē *Ahitofel, Gilonyo ni dši David ṅāwolo̱ le̱, ke̱-dše̱ emaṅ Gilo le̱ ke̱-ba. Ke̱ke̱ ni apãm le̱ mli bawa, edšake̱ maṅ le̱ yi mīfá ye̱ Absalom ṅõ. *23,34.

2 Samuel 15:12 ပူးပေါင်းရင်းမြစ်များ

2 Samuel 15:31

Ni mɔ ko bagba Maŋtsɛ David akɛ Ahitofel hu shi maŋjwalɔi lɛ anɔ. Kɛkɛ ni David sɔle ekpa Yehowa fai, ni ekɛɛ, “Oo, Yehowa, miikpa bo fai, hã ŋaa fɛɛ ŋaa ni Ahitofel baawo lɛ atsɔ̃ kwashiai aŋaa.”

2 Samuel 16:15

Absalom kɛ Israel hii fɛɛ ni yɔɔ esɛɛ lɛ bashɛ Yerusalɛm. Ahitofel fata amɛhe.

2 Samuel 17:14

Absalom kɛ Israelbii lɛ fɛɛ kɛɛ akɛ, “Hushai, Arkinyo lɛ ŋaawoo lɛ hi fe Ahitofel nɔ lɛ.” Ejaakɛ Yehowa eto akɛ akaye Ahitofel ŋaawoo kpakpa lɛ nɔ bɔ ni afee ni Yehowa ahã nɔ fɔŋ aba Absalom nɔ.

2 Samuel 17:23

Be ni Ahitofel na akɛ ayeee ŋaa ni ewo lɛ nɔ lɛ, ewo eteji nɔ nii, kɛkɛ ni eshi kɛtee emaŋ; ni be ni eto enibii fɛɛ gbɛjianɔ lɛ, eyawo esɛ̃ kpãa, ni egbe ehe. Afu lɛ yɛ etsɛ gbonyo fuuhe lɛ mli.

2 Samuel 23:34

Elifelet, Ahasbai ni jɛ Maaka lɛ bi lɛ, kɛ Elaim, Ahitofel ni jɛ Gilon lɛ bi lɛ;

1 Maŋtsɛmɛi 21:12

Amɛshiɛ akɛ ahĩ ŋmãa, ni amɛhã Nabot yata kpee ni atsɛ lɛ yitso.

1 Maŋtsɛmɛi 21:9

Eŋma yɛ woji lɛ amli akɛ, “Nyɛshiɛa akɛ ahĩ ŋmãa; no sɛɛ lɛ nyɛtsɛa maŋbii lɛ kpee, ni nyɛhãa Nabot ataa kpee lɛ yitso;

1 Kronika 27:33

Ahitofel hu maŋtsɛ lɛ ŋaawolɔ ni; ni Hushai, Arkinyo lɛ, ji maŋtsɛ lɛ shieŋtsɛ.

Lalai 41:10

Shi bo Yehowa, naa mi mɔbɔ, ni otee mi shi, koni mawo amɛ he nyɔmɔ.

Lalai 41:9

Mi diɛŋtsɛ mishieŋtsɛ po ni miheɔ lɛ miyeɔ, mɔ ni yeɔ midɛŋ aboloo lɛ efã ntia eshi mi.

Abe̱i 15:8

Mɛi fɔ̃ji afɔle lɛ, Yehowa miihi; shi jalɔi asɔlemɔ lɛ, enaa he miishɛɛ.

Abe̱i 21:27

Efɔŋfeelɔ afɔle lɛ, nihiinii ni; blɔblɔ ni ekɛba kɛ yiŋsha.

Yeremia 6:20

Mɛni mifeɔ krɔbɔo ni jɛ Sheba, kɛ maŋsɛɛ shɔŋŋ sinamon ni jeɔ ŋma he? Shãa afɔlei ni nyɛshãa nyɛhãa mi lɛ, miheee; nyɛkooloo afɔlei lɛ hu esaa mihiɛ.

4 Mose 23:1

Balaam kɛɛ Balak akɛ, “Mãamɔ afɔleshãa latɛi kpawo yɛ biɛ ohã mi; ni obahã mi tsinahii kpawo kɛ ojwɛnii hu kpawo.”

4 Mose 23:14

Balak kɛ Balaam tee Zofim ŋa lɛ nɔ yɛ Pisga Gɔŋ lɛ yiteŋ, ni eyamãmɔ afɔleshãa latɛi kpawo yɛ jɛi, ni ekɛ tsinanuu komekome kɛ ojwɛni hu komekome shã afɔle yɛ afɔleshãa latɛ fɛɛ afɔleshãa latɛ nɔ.

4 Mose 23:30

Balak fee nɔ ni Balaam kɛɛ lɛ lɛ; ni Balak kɛ tsinanuu kɛ ojwɛni shã afɔle yɛ afɔleshãa latɛ fɛɛ afɔleshãa latɛ nɔ.

Yohane 13:18

“Jeee nyɛ fɛɛ nyɛhe miwieɔ; mi lɛ mile mɛi ni mihala; shi moŋ bɔ ni afee ni nɔ ni aŋma lɛ aba mli akɛ, ‘Mɔ ni yeɔ midɛŋ aboloo lɛ, ewo enanetsitsi eshi mi.’

Tito 1:16

Amɛjajeɔ akɛ amɛle Nyɔŋmɔ, shi amɛkɛ amɛnitsumɔi kwaa lɛ, ni amɛ ji gbɔmɛi ni ahiɔ, kɛ toigbolɔi, mɛi ni ehiii hãaa nitsumɔ kpakpa ko kwraa.

Yoshua 15:51

kɛ Goshen kɛ Holon kɛ Gilo: maji nyɔŋma kɛ ekome kɛ amɛhe akrowai.