2 Samuel 14:7 - ŊMALƐ KRƆŊKRƆŊ LƐ

⁷ Amrɔ nɛɛ mli lɛ weku lɛ fɛɛ tswɛm ete shi ewo mi. Amɛkɛɛ mijie binuu ni tswa enyɛmi lɛ nɔ ni egbe lɛ lɛ mihã amɛ, koni amɛgbe lɛ kɛtɔ enyɛmi ni egbe lɛ he owele. Be lɛ amɛbaakpãtã mibiiatsɛ lɛ niyelɔ lɛ hu hiɛ. Ni kɛji eba lɛ nakai lɛ, amɛbaahã mihiɛnɔkãmɔ ni eshwɛ lɛ atã, ni miwu lɛ hu gbɛi loo eseshi baalaaje yɛ shikpɔŋ lɛ nɔ.”

Ṅmãle̱ Kroṅkroṅ Le̱

⁷ Ni na, weku mũ le̱ fẽ ete ši ewo oweyō, ni ame̱kē̱: Dšiemo̱ moni tſa enyemi nō le̱ ohã, *koni wo̱gbele̱ wo̱to enyemi ni egbe le̱ nãdšiaṅ, ni wo̱kpãtã nĩyelo̱ le̱ hũ hĩe! Ni bĕle̱ ame̱bagbe miṅãi ni eſe̱ le̱, koni akaſe̱ gbe̱i lo seši ko ahã miwù ye̱ šikpoṅ le̱ no̱! *5 Mose 19,11-13.

2 Samuel 14:7 ပူးပေါင်းရင်းမြစ်များ

1 Mose 27:45

kɛyashi beyinɔ ni onyɛmi lɛ mlifu lɛ naa aaaba shi ni ehiɛ aaakpa nɔ ni ofee lɛ lɛ nɔ; kɛkɛ lɛ matsu ni abaŋɔ bo kɛku sɛɛ kɛba. Mɛɛba nyɛyi enyɔ lɛ fɛɛ nyɛaaŋmɛɛ mi gbi kome?”

1 Mose 4:14

Naa, oshwie mi ŋmɛnɛ yɛ shikpɔŋ lɛ nɔ, ni matee mihe yɛ ohiɛ. Mitsɔ̃ kobɔlɔ kɛ shikpalɔ yɛ shikpɔŋ lɛ nɔ; ni mɔ fɛɛ mɔ ni aaana mi lɛ, eeegbe mi.”

2 Samuel 12:17

Kɛkɛ ni ewe lɛ mli onukpai lɛ tee koni amɛyawo enɔ yɛ shikpɔŋ, shi David ekpɛlɛ̃ɛɛ, ni nii hu emiii akɛ eye.

2 Samuel 14:6

Oweyoo bihii enyɔ ni eyɔɔ lɛ be yɛ ŋa nɔ; ni akɛni mɔ ko bɛ jɛi ni aaakpãtã amɛ hewɔ lɛ, mɔ kome tswa mɔ kome nɔ, ni egbe lɛ.

2 Samuel 14:8

Kɛkɛ ni Maŋtsɛ David kɛɛ yoo lɛ akɛ, “Ojogbaŋŋ, bo lɛ yaa owe lɛ; ni matsu osane lɛ he nii.”

4 Mose 35:19

Mɔ ni agbe lɛ wekunyo yɛ hegbɛ ni etɔɔ enyɛmi lɛ lá lɛ he owele. He fɛɛ he ni ekɛ gbɔmɔgbelɔ lɛ aaakpe yɛ lɛ, egbe lɛ.

Mateo 21:38

Shi hulɔi lɛ, be ni amɛna binuu lɛ moŋ lɛ, amɛkɛɛkɛɛ amɛhe akɛ, ‘Niyelɔ lɛ nɛ! Nyɛbaa, nyɛhãa wɔgbea lɛ, koni wɔŋɔ egboshinii lɛ.’

5 Mose 25:6

Kromɔ binuu ni yoo nɛɛ aaafɔ lɛ, atsɔ̃ nuu ni egbo lɛ bi kɛ niyelɔ, bɔ ni afee ni mɔ ni egbo lɛ gbɛi akalaaje yɛ Israelbii ateŋ.