2 Samuel 14:4 - ŊMALƐ KRƆŊKRƆŊ LƐ

⁴ Be ni Tekoayoo lɛ yashɛ Maŋtsɛ David hiɛ lɛ, eho egbee shi, ni ekɛ ehiɛ bu shi, ni ekoto lɛ, ni ekɛɛ, “Nii, ofainɛ ni oye obua mi.”

Ṅmãle̱ Kroṅkroṅ Le̱

⁴ Ni beni Tekoayō le̱ yakē̱ maṅtše̱ le̱, eṅõ ehĩe ebu ši ni ekotole̱ ni ekē̱: Ye obuami, maṅtše̱!

2 Samuel 14:4 ပူးပေါင်းရင်းမြစ်များ

2 Samuel 1:2

Ni gbi ni ji etɛ̃ lɛ nɔ lɛ, Saul tabilɔi lɛ eko kɛ ehe atade ni etserɛ kɛ eyiteŋ hu mlu ba David ŋɔɔ kɛjɛ ta lɛ naa. Be ni nuu lɛ shɛ David hiɛ lɛ eho egbee shi, ni ekɛ ehiɛ bu shi, ni ekoto David.

2 Samuel 14:22

Ni Yoab ho egbee shi ni ekɛ ehiɛ bu shi, ni ekoto Maŋtsɛ David, ni eda lɛ shi ekɛɛ, “Minuŋtsɔ Maŋtsɛ, ŋmɛnɛ mi, otsulɔ, ena ele akɛ oyɛ mihe tsuijurɔ ejaakɛ, maŋtsɛ, ofee nɔ ni mibi lɛ ohã mi.”

2 Samuel 14:5

David bi yoo lɛ akɛ, “Mɛni ji osane lɛ?” Yoo lɛ jie naa akɛ, “Miwu egbo, ni eshi mi okulafo.

2 Samuel 18:28

Ahimaaz bo ni ekɛɛ Maŋtsɛ David akɛ, “Wɔye omanye eei!” Kɛkɛ ni eho egbee shi, ni ekɛ ehiɛ bu shi, ni ekoto maŋtsɛ lɛ, ni ekɛɛ, “Ada Yehowa, oNyɔŋmɔ lɛ, shi akɛ ehã oye mɛi ni te shi amɛwo bo, maŋtsɛ, lɛ anɔ kunim.”

1 Samuel 20:41

Oblanyo lɛ tee nɔŋŋ pɛ kɛkɛ ni David fã kpo kɛjɛ tɛi ni bua shi lɛ ahe, ni ekɛ ehiɛ babu shi ni ekoto Yonatan shii etɛ̃. Be ni David kɛ Yonatan eshwɔshwɔɔ amɛnaa sɛɛ lɛ, amɛwo yara amɛfo aahu kɛyashi David nɔ teke nɔ.

1 Samuel 25:23

Be ni Abigail na David lɛ ehe fee oya ni eje eteji lɛ nɔ eyi shi, ni eyabu shi yɛ David hiɛ ni ekoto lɛ.