2 Samuel 14:26 - ŊMALƐ KRƆŊKRƆŊ LƐ

²⁶ Kɛji eku eyiteŋ tsɔi lɛ eyiteŋ tsɔi lɛ shekeli ohai enyɔ yɛ maŋtsɛ nsɛnitɛ naa. (Ejaakɛ yitsɔi lɛ tsiɔ yɛ enɔ dani ekuɔ; ni daa afi dani ekuɔ)

Ṅmãle̱ Kroṅkroṅ Le̱

²⁶ Ni ke̱ eku eyi le̱, eyitšo̱i ṅmẽo̱ šekeli ohai-enyo̱ ye̱ maṅtše̱ nsẽninte̱ le̱ nā, (ni dā afi ekuo̱, edšake̱ yitšo̱i le̱ tšĩo̱ ye̱ eno̱ dāni ekuo̱.)

2 Samuel 14:26 ပူးပေါင်းရင်းမြစ်များ

1 Mose 23:16

Abraham kpɛlɛ̃ nɔ ehã Efron, ni eŋmɛ jwiɛtɛi ni Efron tsĩ tã yɛ Hitbii lɛ atoiŋ lɛ ehã lɛ, efee jwiɛtɛi shekel ohai ejwɛ yɛ jarayelɔi asɛnii tɛ naa.

2 Samuel 18:9

Absalom kɛ David tabilɔi lɛ ekomɛi yakpe trukaa. Absalom ta tejiokpɔŋɔ nɔ; ni etee eyatsɔ̃ blɔfo yɔɔyi tso wulu ko shishi, kɛkɛ ni eyitso yaka tso lɛ niji ni ebu kusuu lɛ amli, kɛkɛ ni tejiokpɔŋɔ lɛ sha kɛje Absalom shishi etee, ni eshi Absalom ni etsotsoro ŋwɛi kɛ shikpɔŋ teŋ.

Yesaia 3:24

Amɛjeŋmai lɛ baatsɔ̃ nɔ ko ni jeɔ fu, amɛkɛ taŋkpee baafi amɛmli yɛ mlifiinii najiaŋ, ni yiteŋ ni ekpe aaabaye yi ni ahɔ najiaŋ, ni kpekpe aaabaye atade wuyaa najiaŋ, ni amɛhe fɛo lɛ baatsɔ̃ hiɛgbele nɔ.

Ezekiel 44:20

Osɔfoi lɛ akashɛ amɛyi, ni amɛkato amɛyi hu; shi moŋ amɛshwao nɔ kɛkɛ.

3 Mose 19:36

Nyɛhiɛa nsɛnii kpakpai kɛ niŋmɛɛ tɛi kpakpai kɛ nisusumɔ nii kpakpai. Mi ji Yehowa ni jie nyɛ kɛjɛ Ijipt shikpɔŋ lɛ nɔ lɛ.

1 Korintobii 11:14

Ani adebɔɔ diɛŋtsɛ etsɔ̃ɔ nyɛ akɛ, kɛji nuu ŋmɛ eyi kusuu lɛ, eyɛ hiɛgbele hã lɛ,