2 Samuel 14:16 - ŊMALƐ KRƆŊKRƆŊ LƐ

¹⁶ Ejaakɛ mile faŋŋ akɛ maŋtsɛ aaabo mi toi, ni eeejie mi yɛ nuu ni taoɔ akɛ ejie mi kɛ mibi lɛ fɛɛ yɛ shikpɔŋ ni Nyɔŋmɔ kɛhã ewebii lɛ nɔ lɛ dɛŋ.

Ṅmãle̱ Kroṅkroṅ Le̱

¹⁶ Edšake̱ maṅtše̱ aabo toi, ni eedšie etšũlo̱yō ye̱ nū ní taoo̱mi ke̱ mibi ſẽ hĩe akpãtã ke̱-dše̱ Nyoṅmo̱ no̱yelihe le̱ deṅ.

2 Samuel 14:16 ပူးပေါင်းရင်းမြစ်များ

2 Samuel 14:15

Nii, nɔ hewɔ ni miba mikɛ minuŋtsɔ maŋtsɛ bawie nɛkɛ wiemɔ nɛɛ ji akɛ maŋbii lɛ wo mihe gbeyei. Enɛ hã mito miyiŋ akɛ maya mikɛ maŋtsɛ ayawie akɛ aleenɔ eeefee nɔ ni mi, otsulɔyoo, aaabi lɛ lɛ lo.

2 Samuel 20:19

Ejaakɛ Israel maji ni sumɔɔ hejɔlɛ kɛ anɔkwayeli lɛ ateŋ eko ji Abel. Oba ootao okpãtã maŋ ni ji biianyɛ hã Israel lɛ hiɛ. Mɛɛba ni obaakpãtã Yehowa diɛŋtsɛ nii ahiɛ nɛɛ?”

Lalai 72:12

Ejaakɛ ekpɔ̃ɔ mɔ ni efĩ lɛ kɛji ebolɔ etsɛ lɛ lɛ, ekpɔ̃ɔ ohiafo kɛ mɛi ni bɛ yelikɛbualɔ ko.

Abe̱i 16:10

Ŋwɛi hewalɛ yɛ maŋtsɛ wiemɔ mli; ni maŋtsɛ naa kpaaa yɛ atɛŋbuu mli.

5 Mose 32:9

Yehowa ŋɔ Yakob akɛ gboshinii ni ena; ejaakɛ egbɛfaŋnɔ ji emaŋbii lɛ.

1 Samuel 26:19

Taflatsɛ, minuŋtsɔ maŋtsɛ abo nɔ ni etsulɔ yɔɔ kɛɛmɔ toi fioo. Kɛji Yehowa diɛŋtsɛ ni etee bo shi ewo mi lɛ, mibashã he afɔle kɛkpa he fai. Shi kɛji gbɔmɛi adesai abii ni ehã ote shi owo mi lɛ, no lɛ Yehowa aaawo amɛ he nyɔmɔ, ejaakɛ amɛshwie mi ŋmɛnɛ akɛ mikahi Yehowa shikpɔŋ lɛ nɔ, shi moŋ miya ni miyasɔmɔ jemawɔji.