2 Samuel 13:12 - ŊMALƐ KRƆŊKRƆŊ LƐ

¹² Kɛkɛ ni Tamar kɛɛ lɛ akɛ, “Dabida, minyɛmi nuu! Kaamɔ mi akranaŋ naa, ejaakɛ aahi nɛkɛ nɔ ko yɛ Israel! Kaafee nɛkɛ hiɛgbejianii nɛɛ!

Ṅmãle̱ Kroṅkroṅ Le̱

¹² Ši ekē̱le̱ ake̱: Dabi, minyemi! kãſie mihĩe ši, edšake̱ afee nakai ye̱ Israel; kāfe ne̱ke̱ *hĩegbedšianii ne̱! *5 Mose 22,21.

2 Samuel 13:12 ပူးပေါင်းရင်းမြစ်များ

1 Mose 34:2

Shikpɔŋ lɛ nɔ lumɔ ni atsɛɔ lɛ Shekem, Harmor Hivnyo lɛ, binuu na Dina, ni emɔ lɛ ekɛ lɛ wɔ akrananaa, ni efite lɛ.

1 Mose 34:7

Be ni Yakob bihii lɛ nu he lɛ, amɛjɛ ŋa lɛ nɔ amɛba. Edɔ oblahii nɛɛ, ni amɛmli wo la naakpa ejaakɛ afee hiɛgbejianii yɛ Israel, akɛni nuu lɛ kɛ Yakob biyoo lɛ wɔ, shi esaaa akɛ afeɔ nakai nɔ ko lɛ.

Abe̱i 7:7

ni mina oblanyo ko ni bɛ yitsoŋ, yɛ oblahii komɛi ni ajwɛŋmɔ esako komɛi ateŋ.

Yeremia 29:23

ejaakɛ amɛfee hiɛgbejianii pam yɛ Israel. Amɛkɛ amɛnanemɛi aŋamɛi fite gbãlã, ni amɛwie amale wiemɔi yɛ migbɛi mli, be mli ni mikɛ nakai wiemɔi tsuko amɛ. Mi pɛ mile nibii ni amɛfee lɛ; ni mi miiye he odase. Mi Yehowa mikɛɛ.’ ”

3 Mose 18:11

Okɛ otsɛ ŋa biyoo ni otsɛ fɔ lɛ akawɔ. Onyɛmi yoo ni, ni esaaa akɛ ohãa ehiɛ shwieɔ shi.

3 Mose 18:9

Okɛ onyɛmi yoo ni ji otsɛ loo onyɛ bi akawɔ; alɛ lɛ yɛ nyɛshĩa lɛ mli jio, shĩa kroko mli jio, okɛ lɛ akawɔ.

3 Mose 20:17

“Kɛji nuu ko kɛ enyɛmi yoo ni ji etsɛbi loo enyɛbi wɔ lɛ, amɛfee hiɛgbejianii. Atswa amɛnaneshi tu kɛje amɛwekumɛi ateŋ. Nuu lɛ ni kɛ enyɛmi yoo ewɔ lɛ, esɔ̃ atere lɛ.

5 Mose 22:21

maŋ onukpai lɛ akpala oblayoo lɛ kɛya etsɛ agbo naa, koni maŋ lɛ mli hii atswia oblayoo lɛ tɛi ni egbo, ejaakɛ efee hiɛgbejianii yɛ Israel akɛ ele nuu dani eshi etsɛ we lɛ etee gbãlã. Kɛtsɔ̃ nɛkɛ gbɛ nɔ lɛ nyɛbaajie su fɔŋ nɛɛ kɛje nyɛteŋ.

5 Mose 22:29

nuu lɛ awo oblayoo foro yinii, ni ji jwiɛtɛi shekeli nyɔŋmai enumɔ, ehã oblayoo foro lɛ tsɛ. Yoo lɛ atsɔ̃ nuu lɛ ŋa, ejaakɛ nuu lɛ ni nyɛ oblayoo lɛ nɔ, ni ekɛ lɛ na bɔlɛ lɛ; asaŋ nuu lɛ wala beiaŋ fɛɛ lɛ enyɛŋ yoo nɛɛ eshwie gbi ko gbi ko.

Kojolɔi 19:23

Shi nuumo lɛ ni ji shĩatsɛ lɛ je kpo kɛba amɛŋɔɔ ni ekɛɛ amɛ akɛ, “Dabida, minyɛmimɛi! Nyɛkafea efɔŋ ni tamɔ enɛ; akɛni nuu nɛɛ ebato mishĩa nɛɛ hewɔ lɛ nyɛkafea nɛkɛ hiɛgbejianii nɛɛ.

Kojolɔi 20:6

Miwo mihemɔ lɛ, ni mifolɔ emli dukuduku ni mikɛmaje Israelbii ashikpɔŋ ni ji amɛgboshinii lɛ nɔ he fɛɛ he, ejaakɛ Benyaminbii ebɔ musu ni amɛfee hiɛgbejianii yɛ Israel.