2 Samuel 12:9 - ŊMALƐ KRƆŊKRƆŊ LƐ

⁹ Mɛni hewɔ mɔ ni oku, mi Yehowa, migbee nɔ, ni ofee efɔŋ nɛɛ? Ogbe Uria, Hitnyo lɛ. Ohã Amonbii lɛ gbe lɛ, kɛkɛ ni oŋɔ eŋa lɛ ofee oŋa.

Ṅmãle̱ Kroṅkroṅ Le̱

⁹ Mẽhewo̱ mo̱ ni ogbe Iehowa wiemo̱ le̱ he guo̱, ni ofe efõṅ ye̱ ehĩe ne̱? Uria, Hitnyo le̱, oke̱ klante egbele̱, ni eṅã le̱ hũ oṅõle̱ ofe oṅã; ši le̱ le̱ oke̱ Amonbii aklante egbele̱! Yi. 11. 1 Maṅ. 15,5.

2 Samuel 12:9 ပူးပေါင်းရင်းမြစ်များ

2 Samuel 11:4

David tsu bɔfoi ni ayaŋɔ Batsheba abahã lɛ. Akɛ yoo lɛ ba David ŋɔɔ ni ekɛ lɛ wɔ. (Nakai be lɛ mli lɛ Batsheba etee tsuiasɛɛ ni etsuu ehe egbe naa.) Kɛkɛ ni Batsheba ku esɛɛ etee ewe lɛ.

2 Samuel 12:10

Enɛ hewɔ lɛ, bo hu kɛjɛ kɛyaa nɛɛ lɛ klante naa gbele kpãŋ yɛ oshwiei ateŋ, ejaakɛ obuuu mi, ni oŋɔ Uria Hitnyo lɛ ŋa lɛ ofee oŋa.

2 Samuel 16:7

Shimei lomɔ ni ekɛɛ, “Jee jɛi ni oya! Gbɔmɔgbelɔ! Yakagbɔmɔ!

1 Maŋtsɛmɛi 15:5

Yehowa fee enɛ, ejaakɛ David fee nɔ ni sa Yehowa hiɛ, ni egbaaa afã yɛ kitãi ni ewo lɛ lɛ eko eko he ewala gbii abɔ fɛɛ, akɛ ja yɛ Uria, Hitnyo lɛ, sane lɛ mli pɛ.

1 Maŋtsɛmɛi 21:19

Kɛɛmɔ lɛ akɛ, ‘Ei Ahab, ogbe gbɔmɔ lɛ, koni oŋɔ enii lɛ okɛfee onɔ bɛɛ?’ Kɛɛmɔ lɛ ofata he akɛ, ‘Bɔ ni Yehowa kɛɛ nɛ: He ni gbei lɛmɔ Nabot lá yɛ lɛ, jɛi nɔŋŋ kɛ̃ gbei aaalɛmɔ bo hu olá yɛ.’ ”

2 Kronika 33:6

Asaŋ Manase shã ebihii akɛ afɔle yɛ Hinom Jɔɔ lɛ mli, ni eyeɔ ŋkunyaa, ni ekalaa, ni efeɔ ashwãi, ni eto sisatsɛlɔi kɛ ayɛi fɛɛ. Etɔ̃ Nyɔŋmɔ nɔ babaoo diɛŋtsɛ, ni ekɛwo Nyɔŋmɔ mli la.

Lalai 51:14

Oo Naa Nyɔŋmɔ, bo miyiwalaheremɔ Nyɔŋmɔ, kpɔ̃ mi kɛjɛ lashishwiemɔ he fɔyeli mli, ni mala waa kɛjaje okpɔ̃mɔ lɛ.

Lalai 51:16

Ejaakɛ onyaaa afɔle he; kɛji mishã shãa afɔle tete lɛ onyaŋ he.

Lalai 51:4

Bo okoome pɛ mifee esha mishi, ni mifee efɔŋ yɛ ohiɛ. Oyeɔ bem kɛji ooobu mi fɔ, ni tɔ̃mɔ bɛ okojomɔ he.

Lalai 90:8

Oŋɔ wɔnishaianii lɛ oto ohiɛ, ni wɔdujiaŋ eshai lɛ, yɛ ohiɛ faŋŋ.

Abe̱i 14:2

Mɔ ni sheɔ Yehowa gbeyei lɛ efeɔ jalɛnii; shi mɔ ni gbeɔ Yehowa he guɔ lɛ efeee jalɛ nii.

Yesaia 5:24

No hewɔ lɛ, bɔ ni lalilɛi shãa gbetseli, ni la ni tsoɔ shãa jwɛi gbiŋ lɛ, nakai nɔŋŋ amɛfãi lɛ aaakpɔtɔ, ni kɔɔyɔɔ baatswa amɛfofro lɛ ashwie, ejaakɛ amɛkwa Yehowa, Taiatsɛ, mla lɛ, ni amɛgbe Israel Mɔ Krɔŋkrɔŋ Koome lɛ wiemɔ lɛ he guɔ.

Yeremia 18:10

kɛji nakai maŋ lɛ loo maŋtsɛyeli lɛ fee efɔŋ yɛ mihiɛ, ni ebooo migbee toi lɛ, no lɛ mibafo ekpakpa ni mito akɛ mibafee lɛ lɛ mli.

Amos 2:4

Bɔ ni Yehowa kɛɛ nɛ, “Tɔ̃mɔi babaoo ni Yudabii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛkwa Yehowa mlai lɛ, ni amɛyeee ekpɔi lɛ anɔ. Apasa jemawɔji asɛɛ ni amɛyanyiɛ, tamɔ amɛtsɛmɛi lɛ yanyiɛ lɛ, hã amɛdu gbɛ.

1 Samuel 15:19

Mɛɛ hewɔ mɔ ni oyabooo Yehowa toi, ni otee oyaha ofɔ̃yeli nii, ni okɛtɔ̃ Yehowa nɔ nɛɛ?”

1 Samuel 15:23

Ejaakɛ atuatsemɔ lɛ esha ni tamɔ klamɔ nɔŋŋ, ni kuɛŋtimɔ lɛ esha ni tamɔ amãgãjamɔ nɔŋŋ. Akɛni okwa Yehowa naa wiemɔ lɛ, lɛ hu ekwa bo maŋtsɛ lɛ yeli.”

1 Samuel 15:26

Samuel kɛɛ Saul akɛ, “Mikɛ bo ekuŋ sɛɛ kɛyajaŋ ejaakɛ oyayeee fãmɔ ni Yehowa fã bo lɛ nɔ, ni no hewɔ lɛ, Yehowa hu ekwa bo maŋtsɛ lɛ yeli yɛ Israel.”