2 Samuel 12:31 - ŊMALƐ KRƆŊKRƆŊ LƐ

³¹ Maŋbii ni yɔɔ maŋ lɛ mli lɛ, ehã amɛ nitsumɔ ni amɛkɛ saalai kɛ kɔi kɛ lema atsu; asaŋ enyɛ amɛnɔ hu ni amɛfo ntayaa amɛhã lɛ. Nɛkɛ ji bɔ ni ekɛ Amonbii amaji lɛ fɛɛ ye ehã. Kɛkɛ ni David kɛ etabilɔi lɛ fɛɛ ku amɛsɛɛ kɛba Yerusalɛm.

Ṅmãle̱ Kroṅkroṅ Le̱

³¹ Ni elō gbomei ni yo̱ mli le̱ ke̱-ba, ni eṅõame̱ eto akplalai ke̱ dade nigble̱mo̱nii ke̱ dade lemai ašiši, ni ehã ame̱tšṍtšṍ ntaya flõnõi amli. Ni ne̱ke̱ efe Amonbii le̱ amãdši le̱ fã. Ke̱ke̱ ni David ke̱ maṅ mũ le̱ fẽ kũ ame̱se̱ ke̱-ba Ierusalem.

2 Samuel 12:31 ပူးပေါင်းရင်းမြစ်များ

2 Samuel 8:2

No sɛɛ lɛ, David ye Moabbii lɛ hu anɔ kunim. Ehã Moabbii ni amɔmɔ lɛ kamɔ shikpɔŋ. Ni kɛji ekɛ susumɔ kpãa susu gbɔmɛi nɛɛ, ni ena kpãi enyɔ lɛ, kɛkɛ lɛ ehã agbe amɛ; kɛkɛ lɛ esusu kpãa kome, kɛkɛ lɛ ehã amɛyi ena wala. Moabbii lɛ tsɔmɔ David tsuji, ni amɛtsu onia amɛhã lɛ.

1 Kronika 20:2

Maŋtsɛ shika fai ko yɛ ni akɛbuɔ Amonbii anyɔŋmɔ Molek lɛ shiu lɛ yitso. Maŋtsɛ fai nɛɛ tsiimɔ ji shika ŋmiiŋmi talenta kome, ni ojarawatɛ ko yɛ maŋtsɛ fai lɛ he. David jie ojarawatɛ nɛɛ ni ekɛwo lɛ diɛŋtsɛ emaŋtsɛ fai lɛ he. No sɛɛ lɛ, David loo Raba maŋ lɛ nibii babaoo diɛŋtsɛ kɛtee.

1 Kronika 20:3

Asaŋ ekpala maŋbii lɛ kɛtee, ni ehã amɛ nitsumɔ ni amɛtsu amɛhã lɛ kɛ saalai kɛ kɔi kɛ lema lɛ. Bɔ ni David fee Amonbii amaji lɛ fɛɛ nɛ. Kɛkɛ ni David kɛ etabilɔi lɛ ku amɛsɛɛ kɛba Yerusalɛm.

Yeremia 43:9

“Holemɔ tɛi wuji koni okɛyahɔlɔ su ni akɛtsara ntayai ni akɛka Farao shinaa lɛ shi lɛ mli yɛ Tahapanes, yɛ Yuda hii lɛ ahiɛ.

Amos 1:13

Bɔ ni Yehowa kɛɛ nɛ, “Tɔ̃mɔi babaoo ni Amonbii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ taitai ni amɛfãfãa bɔ ni afee ni amɛlɛɛ amɛshikpɔŋ lɛ husui amli hewɔ lɛ, amɛgbalagbalaa Gilead yeihɔlɔi amusui amli, ni bii lɛ je shwie shi.

Amos 1:14

No hewɔ lɛ, mibama Raba maŋ lɛ he gbogbo lɛ naa la, ni ebaashã emli mɔji lɛ. Gbi lɛ abaabɔ tawuu oshe, ni ta lɛ naa baawa tamɔ ahum ni efã.

Amos 1:3

Bɔ ni Yehowa kɛɛ nɛ, “Tɔ̃mɔi babaoo ni Damaskobii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛgbɛlɛ Gileadbii tamɔ akɛ dade gbɛlɛɔ nii.

Hebribii 11:37

atswia amɛ tɛi, akɛ akpalala gbala amɛmli, aka amɛ, akɛ klante gbe amɛ; ahã amɛwo too gwantɛŋi kɛ too abotiai awoji kɛnyiɛ, ohĩa hia amɛ, awa amɛ yi, afee amɛ niseniianii;

Yoshua 10:15

Ta nɛɛ sɛɛ lɛ Yoshua kɛ Israelbii lɛ fɛɛ ku amɛsɛɛ kɛba amɛshitoohe lɛŋ yɛ Gilgal.