2 Samuel 12:20 - ŊMALƐ KRƆŊKRƆŊ LƐ

²⁰ Kɛkɛ ni David te shi yɛ shikpɔŋ lɛ, ni eju ehe, ni ekpa mu, ni eshwã eyi; kɛkɛ ni etsake etadei lɛ, ni eyiŋ etee Yehowa we lɛ, ni eyasɔle. No sɛɛ lɛ, David ba lɛ diɛŋtsɛ ewe lɛ mli; ni be ni ebi niyenii shi ni akɛ eko bama ehiɛ lɛ, eye.

Ṅmãle̱ Kroṅkroṅ Le̱

²⁰ Ke̱ke̱ ni David te ši ke̱-dše̱ šikpoṅ le̱, ni edšu ehe, ni ekpa mũ, ni etšake etadei, ni ete Iehowa we le̱ eyaso̱le; ke̱ke̱ ni eba le̱dĩentše̱ ewe le̱, ni beni ebi noko ši, ame̱ke̱ niyenii bamã ehĩe, ni eye.

2 Samuel 12:20 ပူးပေါင်းရင်းမြစ်များ

2 Samuel 12:19

Shi be ni David na bɔ ni etsuji lɛ wieɔ ablɛbi lɛ pɛ, kɛkɛ ni eyoo sɛɛ akɛ gbekɛ lɛ egbo. No hewɔ lɛ, David bi etsuji lɛ akɛ, “Gbekɛ lɛ egbo, bɛɛ?” Amɛhere lɛ nɔ akɛ, “Egbo”.

2 Samuel 12:21

David tsuji lɛ kɛɛ lɛ akɛ, “Wɔnuuu bo shishi! Ejaakɛ be ni gbekɛ lɛ hiɛ kã lɛ, ohi ŋmaa, ni ofo ohã lɛ; shi ni egbo moŋ lɛ ni oyeɔ nii nɛɛ?”

2 Samuel 14:2

etsu atee Tekoa maŋ lɛ mli ayaŋɔ yoo nilelɔ ko abahã lɛ. Yoab kɛɛ yoo lɛ akɛ, “Kwaa ni otsɔ̃ ohe ŋkɔmɔyelɔ. Otao yalafeemɔ bo obu, ni okakpa mu, koni ofee ohe tamɔ yoo ni eeye emɔ ko ni egbo he ŋkɔmɔ be babaoo;

2 Samuel 19:24

Mefiboshet, Saul nabi lɛ hu ba ebakpee maŋtsɛ lɛ. Kɛjɛ be ni maŋtsɛ lɛ shi Yerusalɛm lɛ, Mefiboshet fɔko enaji ahe dã lɛ, eshɛko etsɛŋ lɛ, etadei hu efɔko he dã, kɛjɛ gbi nɔ ni maŋtsɛ lɛ yiŋ etee kɛbashi gbi nɔ ni maŋtsɛ lɛ ku esɛɛ eba shweshweeshwe lɛ.

2 Samuel 6:17

Ni akɛ Kpãŋmɔ Adeka lɛ ba, ni akɛyama gbɛhe ni ato ahã lɛ yɛ buu ni David eshi ehã lɛ lɛ mli. No sɛɛ lɛ, David shã afɔlei kɛ shidaa afɔlei ehã Yehowa.

2 Samuel 7:18

Kɛkɛ ni Maŋtsɛ David bote Yehowa Kpee Buu lɛ mli, ni eho eta shi, ni esɔle ekɛɛ, “Nuŋtsɔ Nyɔŋmɔ, namɔ ji mi, ni mɛni mli miwe lɛ yɔɔ hewɔ ni ohiɛ mi kɛbashi be nɛ nɛɛ?

Hiob 1:20

Kɛkɛ ni Hiob te shi, ni ekɛ awerɛho gbala ehe atade lɛ, eshɛ eyi, ni eho ebu shikpɔŋ, ni esɔle.

Hiob 2:10

Hiob kɛɛ eŋa lɛ akɛ, “Oowie tamɔ bɔ ni yei kwashiai lɛ wieɔ lɛ. Nɔ kpakpa lɛ wɔhe kɛjɛ Nyɔŋmɔ dɛŋ. Mɛɛba ni nɔ fɔŋ lɛ wɔkahe?” Enɛ fɛɛ mli lɛ, Hiob naa tɛɛɛ shi, ni ewieee wiemɔ gbonyo ko.

Lalai 103:1

Jiemɔ Yehowa yi misusuma, ni nibii fɛɛ ni yɔɔ mimli, nyɛjiea egbɛi krɔŋkrɔŋ lɛ yi.

Lalai 103:8

Mɔbɔnalɔ kɛ durolɔ ji Yehowa, emli fuuu mra, ni esuɔmɔ ni tsakeee lɛ fa babaoo.

Lalai 39:9

Mitɔ mu: mitswaaa misɛŋ, ejaakɛ bo ohã mipiŋ.

Lalai 95:6

Oo, nyɛbaa! Nyɛhãa wɔkotoa lɛ, ni wɔjaa lɛ! Nyɛhãa wɔkulaa shi yɛ Yehowa, wɔBɔlɔ lɛ hiɛ.

Abe̱i 3:7

Kaabu ohe nilelɔ; she Yehowa gbeyei, ni owi ohe kɛje efɔŋ he.

Jajelɔ 9:8

Hã otadei ahiɛ ayɛ be fɛɛ be; wo oyiteŋ mu be fɛɛ be hu.

Mateo 6:17

Shi bo lɛ, kɛ oohi ŋmaa lɛ, kpa oyi mli mu ni ofɔ ohiɛ;

Luka 7:46

Mu hu okɛkpaaa miyiŋ; shi nɛkɛ yoo nɛɛ, ekɛ mukɛŋma ekpa minaji ahe.

Rut Wolo Lɛ 3:3

No hewɔ lɛ, juu ohe, ni okpa mu, ni owo otade ni yɔɔ fɛo fe fɛɛ lɛ kɛya ŋmãagbeemɔhe lɛ. Shi moŋ kaahã nuu lɛ miiyoo bo kɛyashi beyinɔ ni eeeye nii, ni eeenu nɔ ko dã.

1 Samuel 15:25

No hewɔ lɛ, agbɛnɛ miikpa bo fai, koni okɛ mihe esha lɛ afa mi, ni okɛ mi aku osɛɛ kɛya koni mayaja Yehowa.”

1 Samuel 15:31

No hewɔ lɛ, Samuel ku esɛɛ ni ekɛ Saul tee, ni Saul yaja Yehowa yɛ Gilgal.