2 Samuel 12:15 - ŊMALƐ KRƆŊKRƆŊ LƐ

¹⁵ Kɛkɛ ni Natan shi David ni etee ewe. Yehowa hã hela shi bi lɛ ni Uria ŋa lɛ kɛ David fɔ lɛ nɔ, ni gbekɛ lɛ he ye waa naakpa.

Ṅmãle̱ Kroṅkroṅ Le̱

¹⁵ Ni Natan yiṅ ete ewe. Ši Iehowa tſa bi le̱ ni Uria ṅã le̱ ke̱ David fo̱ le̱ nõ, ni ehe ye naakpa.

2 Samuel 12:15 ပူးပေါင်းရင်းမြစ်များ

2 Samuel 12:14

Shi kɛ̃lɛ akɛ obuuu Yehowa yɛ nɔ ni ofee lɛ hewɔ lɛ, bi lɛ ni abaafɔ ahã bo lɛ yi naŋ wala; gbo eeegbo.”

2 Samuel 12:16

David sɔle ekpa Nyɔŋmɔ fai ehã gbekɛ lɛ koni ehe awa lɛ; David hi ŋmaa, ni eho ekã shikpɔŋ yɛ etsu lɛ mli nyɔɔŋnyɔɔŋ fɛɛ.

2 Maŋtsɛmɛi 15:5

Ni Yehowa kɛ hela fɔŋ piŋ maŋtsɛ Azaria, ni eye kpiti kɛyashi egbele gbi; aŋmɛɛɛ lɛ gbɛ koni ehi maŋtsɛ we lɛ mli. Ni maŋtsɛ Azaria bi Yotam kwɛ maŋtsɛ lɛ sɛɛ akɛ maŋtsɛ yɛ maŋtsɛ we lɛ, ni eye maŋ lɛ nɔ.

2 Kronika 13:20

Yeroboam hewalɛ gbɔjɔ kɛjɛ ta nɛɛ sɛɛ yɛ Abia yinɔ fɛɛ.

Lalai 104:29

Kɛ okɛ ohiɛ tee lɛ, amɛhaoɔ, kɛ oŋɔ amɛmumɔ lɛ, amɛgboiɔ; ni amɛkuɔ amɛsɛɛ kɛyaa amɛsu ni amɛjɛ mli lɛŋ ekoŋŋ.

Bɔfoi 12:23

Ni amrɔ lɛ nɔŋŋ lɛ, Nuŋtsɔ lɛ bɔfo tswa lɛ nɔ, ejaakɛ ekɛ anunyam lɛ hãaa Nyɔŋmɔ, ni gɔgɔmii ye lɛ, ni egbo.

5 Mose 32:39

“‘Te nyɛna akɛ Mi nɔŋŋ ji Mi, ni misɛɛ lɛ nyɔŋmɔ ko bɛ dɔŋŋ? Migbeɔ, ni mihãa wala, mipilaa mɔ, ni mitsaa mɔ, ejaakɛ mɔ ko nyɛɛɛ nɔ ko ashɔ̃ yɛ mi midɛŋ.

1 Samuel 25:38

Sane nɛɛ sɛɛ aaafee gbii nyɔŋma lɛ Yehowa tswa Nabal nɔ ni egbo.

1 Samuel 26:10

David kɛɛ Abishai ekoŋŋ akɛ, “Mina Yehowa akɛ Yehowa diɛŋtsɛ ni aaatswa Saul nɔ, aloo ebe baashɛ ni eeegbo, aloo eeetee ta ni eeeyanyɔ yɛ ta lɛ mli.