2 Samuel 11:2 - ŊMALƐ KRƆŊKRƆŊ LƐ

² Gbi ko gbɛkɛnaashi blɛoo mli lɛ, David ete shi kɛjɛ wɔ mli, ni eeshara shi yɛ maŋtsɛ we lɛ tsu lɛ yiteŋ, ni ejɛ jɛi ni ena yoo ko ni miiju ehe. Kɛji okwɛ yoo nɛɛ lɛ ehe yɛ fɛo jogbaŋŋ naakpa.

Ṅmãle̱ Kroṅkroṅ Le̱

² Ni gbĩ ko gbe̱kenāši le̱ eba mli *ake̱ David te ši ke̱-dše̱ esā no̱, ni eyašēra ši ye̱ maṅtše̱ tšũ le̱ yiteṅ; ni edše̱ tšũ le̱ yiteṅ ena yō ko mīdšu ehe, ni ké̱ okwe̱ yō le̱, ehe ye̱ fe̱o naakpa dientše̱. *Mat. 6,28. 29.

2 Samuel 11:2 ပူးပေါင်းရင်းမြစ်များ

1 Mose 12:11

Be ni eshwɛ fioo ni ebaashɛ Ijipt lɛ, ekɛɛ eŋa Sarai akɛ, “Mile akɛ yoo ni he yɔɔ fɛo ji bo, ni kɛ ana bo lɛ, ohe yɛ fɛo;

1 Mose 3:6

No hewɔ lɛ be ni yoo lɛ na akɛ tso lɛ hi hã yeli ni efeɔ hiŋmɛi akɔnɔ ni tso lɛ baa mɔ tsine ni ehãa mɔ leɔ nii lɛ, etse enɔ yibii lɛ eko ni eye ni ehã ewu lɛ ni kɛ lɛ yɔɔ lɛ hu eko ni eye.

1 Mose 34:2

Shikpɔŋ lɛ nɔ lumɔ ni atsɛɔ lɛ Shekem, Harmor Hivnyo lɛ, binuu na Dina, ni emɔ lɛ ekɛ lɛ wɔ akrananaa, ni efite lɛ.

1 Mose 39:6

No hewɔ lɛ, Potifar tu enibii fɛɛ ni eyɔɔ lɛ ewo Yosef dɛŋ, ni egbaaa ehe naa yɛ nɔ ko nɔ ko he ja nɔ ni ebaaye kɛkɛ. Kɛji ona Yosef lɛ ehe yɛ fɛo naakpa.

1 Mose 6:2

Nyɔŋmɔ gbɔmɛi lɛ yana akɛ gbɔmɛi abiyei lɛ ahe yɛ fɛo, ni amɛŋɔŋɔɔ amɛteŋ yei fɛɛ ni amɛsumɔɔ.

2 Samuel 13:1

David binuu Absalom yɛ nyɛbiyoo fɛɛfɛo ko ni atsɛɔ lɛ Tamar. David binuu kroko ni gbɛi ji Amnon lɛ basumɔ Tamar.

2 Samuel 14:27

Absalom fɔ bihii etɛ̃ kɛ yoo kome ni atsɛ lɛ Tamar; ni eji yoo ko ni he yɛ fɛo naakpa.

2 Samuel 4:5

Rekab kɛ Baana, ni ji Beerotnyo Rimon bihii lɛ, yi mli kɛtee Ishboshet we lɛ. Amɛshɛ jɛi shwane fintiŋŋ be mli ni Ishboshet kã shi ewɔɔ eshwane wɔ lɛ.

2 Samuel 4:7

Amɛyanina Ishboshet ni ekã esaa nɔ yɛ epia lɛ mli ewɔ; kɛkɛ ni amɛgbe lɛ, ni amɛfo eyitso. Amɛkɔ Ishboshet yitso lɛ; ni amɛnyiɛ nyɔɔŋnyɔɔŋ kɛtsɔ̃ ŋa kplenee lɛ nɔ,

Hiob 31:1

Mikã mihiŋmɛi kitã ni no hewɔ lɛ, te aaafee tɛŋŋ mahã oblayoo foro he afee mi akɔnɔ hu?

Lalai 119:37

Kaahã minya yakanii kwɛmɔ he, shi moŋ hã mana wala yɛ owiemɔ lɛ naa.

Abe̱i 19:15

Anihaofeemɔ hãa wɔ ni tsii nyɔɔ mɔ nɔ; ni hejɔ̃lɔ lɛ, hɔmɔ yeɔ lɛ.

Abe̱i 31:30

Hiɛnyam lɛ lakamɔ ni; ni hefɛo hu, yakayakanɔ ni; shi yoo ni sheɔ Yehowa gbeyei lɛ, aaakafo lɛ.

Abe̱i 6:25

Kaadi ehe fɛo sɛɛ yɛ otsui mli, ni kaahã ekɛ ehiɛsɛɛ miimɔ bo.

Abe̱i 7:8

Oblanyo lɛ nyiɛ gbɛjegbɛ ko ni tsɔ̃ɔ yoo nɛɛ shĩa lɛ koŋ lɛ nɔ; ni eyi yoo lɛ we lɛ gbɛ.

Yeremia 19:13

Yerusalɛm maŋ lɛ mli shĩai kɛ Yuda maŋtsɛmɛi awei fɛɛ he ni ashãshãa tsofakɛŋma yɛ amɛtsui lɛ ayiteiaŋ akɛhã ŋulamii, asaŋ ni akɛ dãa shwie shi ahã nyɔŋmɔi krokomɛi yɛ jɛi lɛ, abaabule amɛ fɛɛ tswɛm tamɔ Tofet.’ ”

Mateo 10:27

Nɔ ni mikɛɔ nyɛ yɛ duŋ mli lɛ, nyɛwiea yɛ la hiɛ; ni nɔ ni miwoɔ nyɛtoiŋ mikɛɔ nyɛ lɛ, nyɛshiɛa yɛ tsui ayiteiaŋ.

Mateo 24:17

mɔ ni yɔɔ tsu yiteŋ lɛ, ekakpeleke shi eyakɔ nɔ ko kɛjɛ eshĩa;

Mateo 5:28

Shi mi lɛ, miikɛɛ nyɛ akɛ, mɔ fɛɛ mɔ ni kwɛɔ yoo ni ehe feɔ lɛ akɔnɔ lɛ, ekɛ lɛ efite gbãlã momo yɛ etsui mli.

Bɔfoi 10:9

Enɔ jetsɛremɔ, be ni amɛnyiɛ gbɛ lɛ nɔ ni amɛbɛŋkɛ maŋ lɛ, Petro tee sɔlemɔ yɛ tsu yiteŋ aaafee shwane ŋmɛlɛ nyɔŋma kɛ enyɔ mli.

5 Mose 22:8

“Kɛji oma tsu hee lɛ, foo afabaŋ okɛbɔle tsu lɛ yiteŋ naabu fɔfɔoo lɛ, koni mɔ ko akaje tsu lɛ yiteŋ ebagbee shi ni obaye elá yi sɔ̃.

5 Mose 5:21

“‘Ohiɛ akakɔ̃ onaanyo nɔ ko nɔ ko nɔ; eŋa jio, eshĩa jio, eshikpɔŋ jio, ewenuu jio, eweyoo jio, etsina jio, eteji jio, nɔ fɛɛ nɔ ni ji onaanyo nɔ nɔ.’

1 Petro 4:7

Shi nibii fɛɛ anaagbee lɛ eshɛ etã. Hewɔ lɛ nyɛjwɛŋmɔ mli atsea ni nyɛhiɛ akãa shi ahãa sɔlemɔi.

1 Yohane 2:16

ejaakɛ nɔ fɛɛ nɔ ni yɔɔ je lɛ mli lɛ — heloo lɛ sɛɛdiinii lɛ kɛ hiŋmɛii lɛ asɛɛdiinii lɛ kɛ shihilɛ mli hewoo lɛ — ejɛɛɛ Tsɛ lɛ mli, shi moŋ je lɛ mli ejɛ.

1 Samuel 9:25

Be ni amɛshi gɔŋ lɛ nɔ amɛkpeleke shi kɛba maŋ lɛ mli lɛ, afee saa yɛ shĩa lɛ yiteŋ ahã Saul, ni ekã jɛi ewɔ.