2 Samuel 10:10 - ŊMALƐ KRƆŊKRƆŊ LƐ

¹⁰ No sɛɛ lɛ, etu etabilɔi ni shwɛ lɛ ewo enyɛmi Abishai dɛŋ, ni ekɛ amɛ gba ta koni amɛ lɛ amɛkɛ Amonbii lɛ akpe.

Ṅmãle̱ Kroṅkroṅ Le̱

¹⁰ Ni maṅ le̱ mli mei ni eſe̱ le̱, etuame̱ ewo enyemi Abišai deṅ, koni ehã ame̱gbá ame̱wo Amonbii le̱.

2 Samuel 10:10 ပူးပေါင်းရင်းမြစ်များ

2 Samuel 10:11

Ekɛɛ Abishai akɛ, “Kɛ ona akɛ Siriabii lɛ anine miitsɔ̃ minɔ lɛ koni oba ni obaye obua mi; ni mi hu kɛji mina akɛ Amonbii lɛ anine miitsɔ onɔ lɛ, mibaba mibaye mabua bo.

2 Samuel 10:9

Be ni Yoab na akɛ agba ta awo lɛ yɛ esɛɛ kɛ ehiɛ fɛɛ lɛ, ehala Israel tabilɔi kãkãlɔi lɛ ekomɛi, ni ehã amɛgba ta koni amɛkɛ Siriabii lɛ akpe.

2 Samuel 18:2

No sɛɛ lɛ, eja eta tso muu lɛ fɛɛ mli etɛ̃. Ekɛ mlijaa etɛ̃ nɛɛ mli ekome wo Yoab shishi, ni ekɛ ekome hu wo Abishai, Zeruia bi Yoab nyɛmi lɛ shishi, ni ekɛ ekome ni eshwɛ lɛ wo Itai, Gatnyo lɛ shishi. Kɛkɛ ni Maŋtsɛ David kɛɛ etabilɔi lɛ akɛ, “Mi diɛŋtsɛ hu mikɛ nyɛ miiya.”

2 Samuel 23:18

Abishai, Yoab nyɛmi lɛ, ni ekɛ lɛ fɛɛ nyɛ ji Zeruia lɛ, ji hii kakabãi nyɔŋmai etɛ̃ lɛ fɛɛ anukpa. Ekɛ hii ohai etɛ̃ nɔ, ni ekɛ edɛŋ akplɔ gbe amɛ fɛɛ tswɛm. Enɛ hã ena gbɛi yɛ hii nyɔŋmai etɛ̃ lɛ ateŋ.

1 Kronika 18:12

Abishai ni atsɛɔ enyɛ Zeruia lɛ, gbe Edombii akpei nyɔŋma kɛ kpaanyɔ yɛ Ŋoo Jɔɔ lɛ mli.

1 Kronika 19:1

Yɛ mli aahu lɛ Amonbii amaŋtsɛ Nahash gbo, ni ebinuu baye esɛɛ akɛ maŋtsɛ.