2 Samuel 1:23 - ŊMALƐ KRƆŊKRƆŊ LƐ

²³ “Asumɔ Saul kɛ Yonatan amɛwala be mli, ni amɛhe yɛ fɛo. Amɛgbele mli tete, amɛmli gbalaaa; amɛhe yɛ oya fe okropɔŋ po, ni amɛhe wa hu fe jata.

Ṅmãle̱ Kroṅkroṅ Le̱

²³ Saul ke̱ Ionatan, ame̱wala be mli le̱ asumo̱ame̱ ni ame̱be ye̱ fe̱o, ame̱gbēle mli hũ ame̱mli gblaa; ame̱he ye̱ oyá po fè okropoṅi, ni ame̱he wa hũ fè dšatai.

2 Samuel 1:23 ပူးပေါင်းရင်းမြစ်များ

2 Samuel 1:24

“Nyɛ Israel biyei, nyɛfoa Saul, mɔ ni bumɔ nyɛ mamai tsuji fɛɛfɛji, ni ehã nyɛ shika jwinei nyɛshwie nyɛtadei anɔ lɛ.

2 Samuel 2:18

Zeruia bihii etɛ̃, Yoab kɛ Abishai kɛ Asahel, yɛ ta lɛ naa gbi lɛ. Ni Asahel, amɛteŋ mɔ ni joɔ foi tamɔ ŋa nɔ soŋai lɛ,

2 Samuel 23:20

Benaia, Yehoiada bi lɛ, ni jɛ Kabzeel lɛ, lɛ hu hii kakabãi lɛ eko ni; ni efee ekãa naa nibii srɔtoi wuji babaoo. Eko ji akɛ egbe Moabbii tabilɔi enyɔ komɛi. Be ko hu lɛ ekpeleke shi kɛtee, ni eyagbe jata yɛ bu ko mli yɛ snoo be mli.

1 Kronika 12:8

Gadbii lɛ ateŋ hii tabilɔi kãkãlɔi komɛi tse amɛhe kɛtee amɛyafata mɛi ni nyiɛ David sɛɛ lɛ tabilɔi lɛ ahe be mli ni David yɔɔ shiaŋa lɛ nɔ mɔɔ lɛ mli lɛ. Hii nɛɛ ahe esa kɛ tsɛŋ kɛ akplɔ kɛ nɔmɔ, ni amɛhiɛ yɛ kramakrama tamɔ jata hiɛ, ni amɛhe yɛ oya tamɔ gɔji anɔ soŋai.

Hiob 9:26

Amɛhoɔ amɛyaa shwiaa tamɔ glã lɛji, tamɔ okropɔŋ gbaa eyiɔ kooloo nɔ.

Abe̱i 30:30

Nomɛi ji jata, ni ji kooloi ateŋ ekãalɔ fe fɛɛ, ni etsɔ̃ɔɔ esɛɛ ehãaa mɔ ko mɔ ko

Salomo Lalai 5:16

Edaaŋ wiemɔ ŋɔɔ naakpa, ni enɔ fɛɛ nɔ yɛ akɔnɔ. Naa, nyɛ Yerusalɛm biyei, bɔ ni misuɔlɔ, mishieŋtsɛ lɛ yɔɔ nɛ.

Yeremia 4:13

Naa, henyɛlɔ lɛ efã kɛmiiba tamɔ atatu; etayaa shwiilii lɛ tamɔ lasuogbele; ni ekpɔŋɔi lɛ ahe yɛ oya fe okropɔŋ. Kpoo hã wɔ. Wɔhiɛ ekpãtã!

Yāfó 4:19

Mɛi ni nyiɛ wɔsɛɛ lɛ ahe yɛ oya fe okropɔŋ; amɛnyiɛ wɔsɛɛ yɛ gɔji lɛ anɔ, ni amɛwo wɔ ka yɛ shiaŋa lɛ nɔ.

5 Mose 28:49

Yehowa kɛ maŋ ko aaajɛ shɔŋŋ diɛŋtsɛ, kɛaajɛ je lɛ naagbeehe, abatua bo trukaa, shwim tamɔ okropɔŋ filikiɔ, maŋ ko ni onuuu amɛwiemɔ,

Kojolɔi 14:18

No hewɔ lɛ, gbi ni ji kpawo lɛ nɔ lɛ, hulu nako anyɔ shi ni maŋ lɛ mli hii lɛ kɛɛ Samson akɛ, “Mɛni ŋɔɔ fe wo? Mɛni he wa fe jata?” Samson hã amɛ hetoo akɛ, “Nyɛkɛ mitsina oblayoo lɛ huuu jikulɛ Nyɛnaŋ mijenu lɛ shishi.”

1 Samuel 18:1

Be ni Saul kɛ David ewie egbe naa sɛɛ lɛ, Yonatan bana David he miishɛɛ, ni esumɔ David tamɔ lɛ diɛŋtsɛ ehe.

1 Samuel 20:2

Yonatan kɛɛ David akɛ, “Mɛɛ nakai hu ni akɛ abaagbe bo? Nɔ ko bɛ ni mitsɛ baafee ni ewooo mitoi nɔ, nɔ wulu ni jio, nɔ bibioo ni jio. Mɛni hewɔ mitsɛ kɛ sane nɛɛ baatee mi? Ebɛ mli nakai.”