2 Samuel 1:22 - ŊMALƐ KRƆŊKRƆŊ LƐ

²² Mɛi ni nyɔnyɔɔ lɛ ala lɛ kɛ kãkãlɔi lɛ hu afɔ lɛ Yonatan gãi lɛ ekuuu esɛɛ efolo kɛjɛɛɛ he; ni Saul klante lɛ hu gbe henyɛlɔi lɛ.

Ṅmãle̱ Kroṅkroṅ Le̱

²² Mei ní enyõnyõi le̱ alá ke̱ kãkãlo̱i le̱ hũ afo̱ le̱, Ionatan gãi le̱ ekũũ ese̱ ke̱-dše̱e̱ he, ni Saul klante le̱ hũ kpalee eflo.

2 Samuel 1:22 ပူးပေါင်းရင်းမြစ်များ

Yeremia 50:9

Ejaakɛ naa, mitee maji wuji shi yɛ kooyigbɛ shikpɔŋ lɛ nɔ, ni mikɛ amɛ miiba abatua Babilon. Amɛbaagba ta amɛwo Babilon, ni jɛigbɛ abaajɛ aye Babilon nɔ kunim. Amɛgãii lɛ tamɔ hii kãkãlɔi ni jɛɛɛ ta mli baaa shĩa kɛ amɛniji nyɔŋma.

5 Mose 32:42

Lá baawu migãimlibii ahe, ni miklante lɛ baaye loo. Lá baatsere yɛ migãimlibii anaa, ni miklante baagbe mɔ ni teɔ shi ewoɔ mi lɛ. Minaŋ mɔ ni egba ewo mi mɔbɔ, pilafo lɛ kɛ nomi fɛɛ yeŋ amɛhe.’

1 Samuel 14:47

Be ni Saul batsɔ̃ Israel maŋtsɛ lɛ, ekɛ Israel henyɛlɔi fɛɛ ni ebɔle Israel kɛkpe lɛ wu. Ekɛ Moabbii lɛ kɛ Amonbii lɛ kɛ Edombii lɛ kɛ Zoba maŋtsɛmɛi lɛ kɛ Filistibii lɛ fɛɛ wuwuu tai. Ni he fɛɛ he ni Saul tsɔ̃ɔ lɛ eyeɔ kunim.

1 Samuel 14:48

Saul fee ekãa jogbaŋŋ ni ekɛye Amalekbii lɛ anɔ kunim ni ekɛhere Israelbii lɛ yɛ mɛi ni batuaa amɛ kɛbahaa amɛnii lɛ adɛŋ.

1 Samuel 18:4

Enɛ hã Yonatan jie ehe nibii ni ekɛwula David, ekɛ etade lɛ kɛ edama lɛ kɛ eklante lɛ kɛ egãi lɛ kɛ emlifiinɔ lɛ hã lɛ.