2 Samuel 1:2 - ŊMALƐ KRƆŊKRƆŊ LƐ

² Ni gbi ni ji etɛ̃ lɛ nɔ lɛ, Saul tabilɔi lɛ eko kɛ ehe atade ni etserɛ kɛ eyiteŋ hu mlu ba David ŋɔɔ kɛjɛ ta lɛ naa. Be ni nuu lɛ shɛ David hiɛ lɛ eho egbee shi, ni ekɛ ehiɛ bu shi, ni ekoto David.

Ṅmãle̱ Kroṅkroṅ Le̱

² Ni gbĩ ni dši gbĩ etẽ le̱ eba mli ake̱ nū ko dše̱ nsra le̱ṅ ye̱ Saul ṅõ, ke̱ etadei tšere̱itšere̱i, ke̱ eyiteṅ sũisũi; ni beni eše̱ David ṅõ le̱, eke̱ ehĩe bu šikpoṅ ni ekotole̱.

2 Samuel 1:2 ပူးပေါင်းရင်းမြစ်များ

1 Mose 22:4

Gbi ni ji etɛ̃ lɛ nɔ lɛ, Abraham wo ehiɛ nɔ, ni ena jɛi yɛ shɔŋŋ.

1 Mose 37:29

Shi be ni Ruben ku esɛɛ kɛba bu lɛ he ekoŋŋ lɛ, Yosef bɛ bu lɛ mli. Kɛkɛ ni Ruben gbala ehe atadei lɛ,

1 Mose 37:34

Ni Yakob gbala ehe atade lɛ, ni ekɔ kpekpe emia ehɛ, ni eye ebi lɛ he ŋkɔmɔ gbii pii.

1 Mose 43:28

Amɛto he amɛkɛɛ, “Otsulɔ, wɔtsɛ lɛ, eyɛ jeŋ lolo, ni eyɛ jogbaŋŋ.” Kɛkɛ ni amɛho amɛkula shi yɛ ehiɛ.

2 Samuel 1:3

David bi nuu lɛ akɛ, “Nɛgbɛ ojɛ obaa nɛɛ?” Nuu lɛ to he akɛ, “Israel nsra lɛ mli mijo foi kɛjɛ kɛbaa nɛɛ.”

2 Samuel 13:19

Kɛkɛ ni Tamar loo lamlu eshwie eyiteŋ, ni egbala atade wuyaa fɛɛfɛo ni ewo lɛ, ni ekɔlɔ eniji eshwie eyiteŋ, ni ehiɛ yaafo gegeege kɛtee.

2 Samuel 14:4

Be ni Tekoayoo lɛ yashɛ Maŋtsɛ David hiɛ lɛ, eho egbee shi, ni ekɛ ehiɛ bu shi, ni ekoto lɛ, ni ekɛɛ, “Nii, ofainɛ ni oye obua mi.”

2 Samuel 15:32

Be ni David shɛ gɔŋ lɛ yiteŋ he ni ajaa Nyɔŋmɔ yɛ lɛ, ekɛ Hushai, enaanyo Arkinyo lɛ, kpe kɛ ehe atade ni egbala, asaŋ kɛ eyiteŋ fɛɛ mlu.

2 Samuel 24:20

Be ni Arauna yaakwɛ lɛ, ena Maŋtsɛ David kɛ etsuji miiba eŋɔɔgbɛ. Kɛkɛ ni Arauna je kpo, ni eho egbee shi, ni ekɛ ehiɛ bu shi, ni ekoto Maŋtsɛ David,

2 Samuel 4:10

be ni mɔ ko ba ebagba mi akɛ ‘Naa, Saul egbo,’ ni eyiŋ fɛɛ lɛ eba ebagba mi sane kpakpa ko lɛ, mimɔ lɛ, ni migbe lɛ yɛ Ziklag, ni mikɛ no wo lɛ nyɔmɔ.

Ester 4:16

“Yaa ni oyabua Yudafoi ni yɔɔ Susa maŋ lɛ mli fɛɛ anaa kɛkpe; ni nyɛhia ŋmãa, ni nyɛsɔlea nyɛhãa mi. Nyɛkayea nii, ni nyɛkanua nu hu shwaneshwane kɛ nyɔɔŋnyɔɔŋ gbii etɛ̃. Mi hu mi kɛ miblayei lɛ baahi ŋmãa nakai nɔŋŋ. Enɛ sɛɛ lɛ mibaya mayana maŋtsɛ lɛ, tsɛbelɛ mla eŋmɛɛɛ gbɛ nakai. Kɛji miyagbo yɛ no hewɔ po jiŋŋ efeee nɔ ko.”

Ester 5:1

Be ni Ester ehi ŋmãa gbii etɛ̃ lɛ ekɔlɔ emaŋnyɛ atadei lɛ ewo, kɛkɛ ni ebote maŋtsɛ we lɛ mli, ni etee eyadamɔ maŋtsɛ we lɛ mligbɛ kpo lɛ nɔ yɛ maŋtsɛ lɛ asa lɛ ŋlɛnɔ. Nakai be mli lɛ maŋtsɛ lɛ yɛ asa lɛ nɔ. Eta emaŋtsɛ sɛi lɛ nɔ, ni ehiɛ miikwɛ asa lɛ shinaa lɛ naagbɛ.

Lalai 66:3

Nyɛkɛa Nyɔŋmɔ akɛ, “Onitsumɔi lɛ yɛ gbeyei pam! Ohewalɛ lɛ dalɛ naa sɔŋŋ hewɔ lɛ, ohenyɛlɔi kotoɔ bo kɛ gbeyeishemɔ.

Ezekiel 27:30

Amɛwo ohe yara ni amɛfo bo waa. Amɛloo mlu amɛwo amɛyiteŋ ni amɛkoklo lamlu mli.

Hosea 6:2

Gbii enyɔ sɛɛ lɛ, eeetsĩɛ wɔ, ni gbi ni ji etɛ̃ lɛ nɔ lɛ eeetee wɔ shi, ni wɔ kɛ lɛ aaahi shi.

Yoel 2:13

Nyɛtsɛrɛa nyɛtsuii, shi jeee nyɛtadei; nyɛkpalea kɛbaa nyɛNyɔŋmɔ lɛ ŋɔɔ, ejaakɛ durolɔ kɛ mlitsɔ̃lɔ ji lɛ; emli fuu mra, ni eyeɔ eshiwoo nɔ; ni emɔbɔnalɛ fa, ni eshwaa ehe yɛ nɔ fɔŋ hewɔ.

Mateo 12:40

Ejaakɛ bɔ ni Yona ye shwaneshwane kɛ nyɔɔŋnyɔɔŋ gbii etɛ̃ yɛ ŋshɔŋ loo kpeteŋkple lɛ musuŋ lɛ, nakai Gbɔmɔ Bi lɛ aaaye shwaneshwane kɛ nyɔɔŋnyɔɔŋ gbii etɛ̃ yɛ shikpɔŋ mli tɔ̃ɔ.

Mateo 16:21

Kɛjɛ nakai be lɛ nɔ lɛ Yesu bɔ̃i ekaselɔi lɛ tsɔ̃ɔmɔ akɛ ja etee Yerusalɛm ni eyana amanehulu pii yɛ onukpai lɛ kɛ osɔfonukpai lɛ kɛ mlatsɔɔlɔi lɛ adɛŋ, ni agbe lɛ, ni gbi ni ji etɛ̃ lɛ nɔ lɛ ete shi.

Yoshua 7:6

Kɛkɛ ni Yoshua kɛ Israel onukpai lɛ kɛ dɔlɛ gbala amɛhe atadei, ni amɛloo mlu amɛwo amɛyiteiaŋ, ni amɛkɛ amɛhiɛi bumɔ shi yɛ Yehowa Kpãŋmɔ Adeka lɛ hiɛ kɛyashi gbɛkɛ;

Kpojiemɔ 3:9

Naa, mikɛ mɛi ni jɛ Satan kpeehe lɛ ni kɛɔ akɛ Yudafoi ji amɛ shi ebɛ mli, shi malemɔ moŋ amɛmaleɔ lɛ aaaba ni amɛbakoto onaji anaa, ni amɛle akɛ mi lɛ miisumɔ bo.

1 Samuel 20:41

Oblanyo lɛ tee nɔŋŋ pɛ kɛkɛ ni David fã kpo kɛjɛ tɛi ni bua shi lɛ ahe, ni ekɛ ehiɛ babu shi ni ekoto Yonatan shii etɛ̃. Be ni David kɛ Yonatan eshwɔshwɔɔ amɛnaa sɛɛ lɛ, amɛwo yara amɛfo aahu kɛyashi David nɔ teke nɔ.

1 Samuel 25:23

Be ni Abigail na David lɛ ehe fee oya ni eje eteji lɛ nɔ eyi shi, ni eyabu shi yɛ David hiɛ ni ekoto lɛ.

1 Samuel 4:12

Benyaminnyo ko jo foi kɛjɛ ta lɛ naa kɛba Shilo nakai gbi lɛ nɔŋŋ kɛ atade ni etserɛ kɛ eyiteŋ su.

1 Samuel 4:16

Nuu lɛ kɛɛ Eli akɛ, “Mi ji mɔ ni jɛ ta lɛ naa ba lɛ, ni ŋmɛnɛ nɔŋŋ mijo foi yɛ ta lɛ naa.” Kɛkɛ ni Eli bi nuu lɛ akɛ, “Ni te emli tamɔ tɛŋŋ, mibi?”